ಕೋಮಲ್ ಅಭಿನಯದ ಕಾಲಾಯ ನಮಃ ಚಿತ್ರದಲ್ಲಿ ನಟ ಪ್ರಕಾಶ್ ರೈ

ಕಾಲಾಯ ನಮಃ ಸಿನಿಮಾಗೆ ಬಹುಭಾಷಾ ನಟ ಪ್ರಕಾಶ್ ರೈ ಎಂಟ್ರಿ ಕೊಟ್ಟಿದ್ದಾರೆ.

ಕಾಮಿಡಿ ಹಾಗು ನಾಯಕನ ಸ್ನೇಹಿತನ‌ ಪಾತ್ರಗಳ ಮೂಲಕ ಕನ್ನಡ ಚಿತ್ರ ರಂಗದಲ್ಲಿ ಗುರುತಿಸಿಕೊಂಡು ನಂತರ ಹೀರೋ ಆದ ನಟ ಕೋಮಲ್‌. ಗೋವಿಂದಾಯ ನಮಃ ಅಂತಹ ಸೂಪರ್ ಹಿಟ್ ಚಿತ್ರದಿಂದ ಬೇಡಿಕೆ ನಟನಾಗಿರುವ ಕೋಮಲ್ ಕೆಂಪೇಗೌಡ 2 ಚಿತ್ರದ ಬಳಿಕ ಚಿತ್ರರಂಗದಿಂದ ಕೆಲ ಕಾಲ ದೂರ ಉಳಿದಿದ್ದರು. ಇದೀಗ ಕಾಲಾಯ ನಮಃ ಚಿತ್ರದಲ್ಲಿ ಬ್ಯುಸಿಯಾಗಿದ್ದಾರೆ‌. ಜೊತೆಗೆ ಹೊಸ ಸಿನಿಮಾವೊಂದಕ್ಕೂ ಗ್ರೀನ್​ ಸಿಗ್ನಲ್ ಕೊಟ್ಟಿದ್ದಾರೆ.

ಕಾಲಾಯ ನಮಃ ಸಿನಿಮಾಗೆ ಪ್ರಕಾಶ್ ರೈ ಎಂಟ್ರಿ.. ಕಾಲಾಯ ನಮಃ ಸಿನಿಮಾದ ಚಿತ್ರೀಕರಣ ಭರದಿಂದ ಸಾಗುತ್ತಿದೆ. ಈ ಚಿತ್ರ ತಂಡದಿಂದ ಸಿಹಿ ಸುದ್ದಿಯೊಂದು ಹೊರಬಿದ್ದಿದೆ. ಹೌದು, ತಮ್ಮ ನಟನೆಯ ಮೂಲಕ ಭಾರತದಾದ್ಯಂತ ಹೆಸರು ಮಾಡಿರುವ ಬಹುಭಾಷಾ ನಟ ಪ್ರಕಾಶ್ ರೈ " ಕಾಲಾಯ ನಮಃ" ಚಿತ್ರದಲ್ಲಿ ಬಣ್ಣ ಹಚ್ಚುತ್ತಿದ್ದಾರೆ. ಪ್ರಕಾಶ್ ರೈ ಅವರ ಅಭಿನಯದ ಸನ್ನಿವೇಶಗಳ ಚಿತ್ರೀಕರಣ ಮೈಸೂರಿನಲ್ಲಿ ಭರದಿಂದ ಸಾಗುತ್ತಿದೆ. ಕೋಮಲ್ ಕುಮಾರ್ ಜೊತೆ ನಟಿ ಆಸಿಯಾ ಫಿರ್ದೋಸ್, ನಟರಾದ ಪ್ರಕಾಶ್ ರೈ, ಸುಚೀಂದ್ರ ಪ್ರಸಾದ್, ತಿಲಕ್, ಯತಿರಾಜ್ ಜಗ್ಗೇಶ್ ಮುಂತಾದವರು ಈ ಚಿತ್ರದ ತಾರಾ ಬಳಗದಲ್ಲಿದ್ದಾರೆ.

ಕಾಲಾಯ ನಮಃ ಚಿತ್ರದಲ್ಲಿ ನಟ ಪ್ರಕಾಶ್ ರೈ

ಅನುಸೂಯ ಕೋಮಲ್ ಕುಮಾರ್ ನಿರ್ಮಾಣದ ಸಿನಿಮಾ.. ಕೋಮಲ್ ಪತ್ನಿ ಅನುಸೂಯ ಕೋಮಲ್ ಕುಮಾರ್ ನಿರ್ಮಿಸುತ್ತಿರುವ ಈ ಚಿತ್ರವನ್ನು ಮತಿವಣನ್ ನಿರ್ದೇಶಿಸುತ್ತಿದ್ದಾರೆ. ಎಮಿಲ್ ಸಂಗೀತ ನಿರ್ದೇಶನ ಹಾಗೂ ರಾಕೇಶ್ ಸಿ ತಿಲಕ್ ಛಾಯಾಗ್ರಹಣ ಈ ಚಿತ್ರಕ್ಕಿದೆ. ಈ ಸಿನಿಮಾ ದೊಡ್ಡ ಮಟ್ಟದಲ್ಲಿ ಸಕ್ಸಸ್ ಆಗುತ್ತೆ ಅಂತಾ ನಟ ಕೋಮಲ್ ಕುಮಾರ್​ ವಿಶ್ವಾಸದ ಮಾತುಗಳನ್ನಾಡಿದ್ದಾರೆ.

ಲಾಂಗ್​ ಬ್ರೇಕ್​ ನಂತರ ಚಿತ್ರರಂಗಕ್ಕೆ ರಿ ಎಂಟ್ರಿ.. ಲಾಂಗ್​ ಬ್ರೇಕ್​ ನಂತರ ಕೋಮಲ್​ ಈ ಕಾಲಾಯ ನಮಃ ಚಿತ್ರದ ಮೂಲಕ ಸೆಕೆಂಡ್​ ಇನ್ನಿಂಗ್ಸ್ ಶುರು ಮಾಡಿದರು. ಈ ಸಿನಿಮಾ ತೆರೆ ಕಾಣೋ ಮೊದಲೇ ಮತ್ತೊಂದು ಚಿತ್ರಕ್ಕೆ ಬಣ್ಣ ಹಚ್ಚಲು ಅವರು ಸಜ್ಜಾಗಿದ್ದಾರೆ. ಹೌದು, ಕಾಲಾಯ ನಮಃ ಸಿನಿಮಾ ಜೊತೆಗೆ ರೋಲೆಕ್ಸ್​ ಎಂಬ ಪವರ್​ಫುಲ್​ ಟೈಟಲ್​ ಹೊಂದಿರುವ ಸಿನಿಮಾದಲ್ಲಿಯೂ ಬ್ಯುಸಿಯಾಗಿದ್ದಾರೆ ನಟ ಕೋಮಲ್.

ಮನುಷ್ಯನ ಜೀವನದಲ್ಲಿ ಗ್ರಹಗಳ ಪ್ರಭಾವ ಅಪಾರ. ನಾವು ಜಾತಕ, ಭವಿಷ್ಯ, ದೇವರು, ಆಚರಣೆಗಳೆಲ್ಲವನ್ನೂ ನಂಬುವವರು. ಅಣ್ಣ ಜಗ್ಗೇಶ್ ಅವರು ನನ್ನ ಜಾತಕದಲ್ಲಿ ಕೇತು ದೆಸೆ ನಡೆಯುತ್ತಿದೆ, ಜಾಗೃತೆ ವಹಿಸುವಂತೆ ತಿಳಿಸಿದ್ದರು. ಈ ಹಿನ್ನೆಲೆ ನಾನು ಐದು ವರ್ಷಗಳ ಕಾಲ ಸಿನಿಮಾಗಳಿಂದ ದೂರ ಉಳಿದಿದ್ದೆ ಎಂದು ಕಾಲಾಯ ನಮಃ ಸಿನಿಮಾ ಶೂಟಿಂಗ್​ ಆರಂಭವಾದ ವೇಳೆ ನಟ ಕೋಮಲ್ ತಿಳಿಸಿದ್ದರು.

ಇದನ್ನೂ ಓದಿ: ರೋಲೆಕ್ಸ್ ಸಿನಿಮಾ: ನೋಡಿ ನಟ ಕೋಮಲ್​ ಫೋಟೋಶೂಟ್...!

ಇತ್ತೀಚೆಗೆ ರೋಲೆಕ್ಸ್​ ಸಿನಿಮಾ ಸಲುವಾಗಿ ನಟ ಕೋಮಲ್​ ಅವರ ಫೋಟೋಶೂಟ್ ನಡೆದಿದ್ದು, ಇದರ ವಿಡಿಯೋ ಸೋಶಿಯಲ್​ ಮೀಡಿಯಾದಲ್ಲಿ ಸದ್ದು ಮಾಡಿದೆ. ನಿರ್ದೇಶಕ ಶ್ರೀನಿವಾಸ್ ಈ ಚಿತ್ರಕ್ಕೆ ಆ್ಯಕ್ಷನ್ ಕಟ್ ಹೇಳುತ್ತಿದ್ದು, ನಟನ ಕಲರ್​ಫುಲ್​ ಫೋಟೋಶೂಟ್​ ಅನ್ನು ಚಿತ್ರತಂಡ ಮಾಡಿದೆ. ಚಿತ್ರದಲ್ಲಿ ನಟ ಕೋಮಲ್​ ಶ್ರೀಮಂತಿಕೆ ಹೇಗಿರಬಹುದು ಎಂಬ ಸುಳಿವನ್ನು ಈ ವಿಡಿಯೋ ನೀಡಿದೆ.

ಇದನ್ನೂ ಓದಿ: ಸ್ಯಾಂಡಲ್​ವುಡ್​ನ​ 'ರೋಲೆಕ್ಸ್' ಆಗಲಿದ್ದಾರೆ ನಟ ಕೋಮಲ್

ರೋಲೆಕ್ಸ್ ಚಿತ್ರವನ್ನು ಅನಿಲ್​ ಕುಮಾರ್​ ಎಸ್ ಅವರು ಫಿನಿಕ್ಸ್ ಎಂಟರ್ ​ಟೈನ್​ಮೆಂಟ್​ ಬ್ಯಾನರ್ ಅಡಿ ನಿರ್ಮಿಸುತ್ತಿದ್ದಾರೆ. ಜೆಸ್ಸಿ ಗಿಫ್ಟ್​​ ಸಂಗೀತ ನಿರ್ದೇಶನ, ರಾಕೇಶ್ ಸಿ ತಿಲಕ್​ ಕ್ಯಾಮರಾ ವರ್ಕ್, ಅರವಿಂದ್​ ರಾಜ್​ ಸಂಕಲನದ ಹೊಣೆ ಹೊತ್ತಿದ್ದಾರೆ.