ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ಕುರಿತ ಸುದ್ದಿಗಳು, ವಿಡಿಯೋ - ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ಜಾಗ ಗಿಟ್ಟಿಸಿಕೊಳ್ಳುತ್ತವೆ. ಇದೀಗ ಬಹು ಉತ್ಸಾಹಿ ಮಹಿಳಾ ಫ್ಯಾನ್ ಒಬ್ಬರು ಟಾಲಿವುಡ್ ಸ್ಟಾರ್ ನಟ ಪ್ರಭಾಸ್ ಅವರಿಗೆ "ಕಪಾಳಮೋಕ್ಷ" ಮಾಡಿರುವ ವಿಡಿಯೋ ಆನ್‌ಲೈನ್‌ನಲ್ಲಿ ಸಖತ್ ಸದ್ದು ಮಾಡುತ್ತಿದೆ. ಹಾಗಂತ ಇದು ಗಂಭೀರ "ಕಪಾಳಮೋಕ್ಷ" ಅಲ್ಲ. ಬದಲಾಗಿ ಮೆಚ್ಚನ ನಟನಿಗೆ ಕಟ್ಟಾ ಅಭಿಮಾನಿಯೊಬ್ಬರು ಕೊಟ್ಟ ಪ್ರೀತಿಯ, ಮುದ್ದಿನ ಪೆಟ್ಟು ಎಂದರೆ ತಪ್ಪಾಗಲ್ಲ ನೋಡಿ.
2019ರಲ್ಲಿ ಮೊದಲ ಬಾರಿ ಪೋಸ್ಟ್ ಮಾಡಲಾಗಿರುವ ವಿಡಿಯೋ ಇದು. ಪ್ರಸ್ತುತ ಸೋಷಿಯಲ್ ಮೀಡಿಯಾ ಸುತ್ತುವರಿಯುತ್ತಿದೆ. ವೈರಲ್ ವಿಡಿಯೋದಲ್ಲಿ, ಅತ್ಯಂತ ಉತ್ಸಾಹಿ ಅಭಿಮಾನಿಗಳು ವಿಮಾನ ನಿಲ್ದಾಣದಲ್ಲಿ ನಟ ಪ್ರಭಾಸ್ ಅವರನ್ನು ಬಹಳ ಪ್ರೀತಿಯಿಂದ ಸ್ವಾಗತಿಸಿದ್ದಾರೆ. ತಮ್ಮ ಮೆಚ್ಚಿನ ನಟನನ್ನು ಭೇಟಿಯಾದ ಖುಷಿಯಲ್ಲಿದ್ದ ಹುಡುಗಿ, ಪ್ರಭಾಸ್ ಅವರ ಸುತ್ತ ಕುಣಿದು ಕುಪ್ಪಳಿಸುವುದನ್ನು ಕಾಣಬಹುದು.
ಇಬ್ಬರು ಅಭಮಾನಿಗಳು ನಟನೊಂದಿಗೆ ಫೋಟೋ ಕ್ಲಿಕ್ಕಿಸಿಕೊಂಡರು. ಪ್ರಭಾಸ್ ಕೂಡ ನಗುಮೊಗದಿಂದ ಕ್ಯಾಮರಾಗೆ ಪೋಸ್ ಕೊಟ್ಟರು. ಫೋಟೋ ಸೆಷನ್ ಮುಗಿದ ಬಳಿಕ ಭಾವಪರವಶರಾದ ಮಹಿಳಾ ಅಭಿಮಾನಿ ಪ್ರಭಾಸ್ ಅವರಿಗೆ ಸ್ನೇಹಪೂರ್ವಕವಾಗಿ, ಮುದ್ದಿನ ಪೆಟ್ಟು ಕೊಟ್ಟರು. ಅಭಿಮಾನಿಯ ನಡೆಗೆ ಅಲ್ಲಿದವರು ಕೊಂಚ ಗಾಬರಿಗೊಂಡರು. ವಿಶೇಷವಾಗಿ ನಟ ಪ್ರಭಾಸ್ ಕೂಡ ಕಸಿವಿಸಿಗೊಳಗಾದರು. ವಿಡಿಯೋದಲ್ಲಿ, ಪ್ರಭಾಸ್ ಗೊಂದಲಕ್ಕೊಳಗಾಗಿ ಹಾವ ಭಾವ ಬದಲಾಗಿದ್ದನ್ನು ಕಾಣಬಹುದು. ಹಳೇ ವಿಡಿಯೋ ಸಮಾಜಿಕ ಜಾಲತಾಣದಲ್ಲೀಗ ಸಖತ್ ಸದ್ದು ಮಾಡುತ್ತಿದೆ. ಅಭಿಮಾನಿಯ ವರ್ತನೆಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.
ಇದನ್ನೂ ಓದಿ: ಅಭಿಮಾನಿಗಳು ಮನೆ ಹತ್ತಿರ ಬಂದ್ರೂ, ಬರಬೇಡಿ ಅನ್ನುವುದು ನಮ್ಮ ಸಂಪ್ರದಾಯವಲ್ಲ: ಅಭಿಷೇಕ್ ಅಂಬರೀಶ್ ಹೀಗಂದಿದ್ಯಾಕೆ?
ಗಮನಾರ್ಹ ವಿಚಾರವೆಂದರೆ, ಪ್ರಭಾಸ್ ಸಿನಿಮಾ ರಿಲೀಸ್ ಡೇಟ್ ಘೋಷಣೆ ಆದ ಬಳಿಕ ಅವರ ವಿಡಿಯೋ ಈ ಮಟ್ಟಿಗೆ ಸದ್ದು ಮಾಡುತ್ತಿದೆ. ಪ್ಯಾನ್ ಇಂಡಿಯಾ ಸ್ಟಾರ್ಗಳಾದ ಪ್ರಭಾಸ್ ಮತ್ತು ಶಾರುಖ್ ಖಾನ್ ಬಾಕ್ಸ್ ಆಫೀಸ್ ಫೈಟ್ ಎದುರಿಸಲಿದ್ದಾರೆ. ಡಂಕಿ ಮತ್ತು ಸಲಾರ್ ಇದೇ ವರ್ಷ ಡಿಸೆಂಬರ್ 22 ರಂದು ಬಿಡುಗಡೆ ಆಗಲಿದೆ. ಸಲಾರ್ ಸಿನಿಮಾ ಬಿಡುಗಡೆ ವಿಳಂಬವಾಗುತ್ತಾ ಬಂದಿದ್ದು, ಇದೀಗ ಡಿಸೆಂಬರ್ನಲ್ಲಿ ರಿಲೀಸ್ ಮಾಡಲು ಚಿತ್ರತಂಡ ಸಜ್ಜಾಗಿದೆ.
ಇದನ್ನೂ ಓದಿ: '12th ಫೇಲ್‍' ಆದವರನ್ನು ಕರ್ನಾಟಕದಲ್ಲಿ ಪಾಸ್ ಮಾಡಿಸುವ ಜವಾಬ್ದಾರಿ ಹೊತ್ತುಕೊಂಡ ಕೆ.ಆರ್.ಜಿ ಸ್ಟುಡಿಯೋಸ್
ಕೊನೆಯದಾಗಿ ಸೆಪ್ಟೆಂಬರ್ 28ಕ್ಕೆ ಸಿನಿಮಾ ರಿಲೀಸ್ ಆಗಲಿದೆ ಎಂದು ಹೇಳಲಾಗಿತ್ತು. ಆ ಸಂದರ್ಭ ಬಾಲಿವುಡ್ನ ಖ್ಯಾತ ಚಲನಚಿತ್ರ ನಿರ್ದೇಶಕ ವಿವೇಕ್ ಅಗ್ನಿಹೋತ್ರಿ ಅವರ ದಿ ವ್ಯಾಕ್ಸಿನ್ ವಾರ್, ಕಂಗನಾ ರಣಾವತ್ ಅವರ ಚಂದ್ರಮುಖಿ 2 ಸೇರಿದಂತೆ ಕೆಲ ಚಿತ್ರಗಳು ಬಿಡುಗಡೆ ಆಗಿದ್ದು, ಬಾಕ್ಸ್ ಆಫೀಸ್ ಫೈಟ್ ಕಡಿಮೆ ಮಾಡಲು ಬಿಡುಗಡೆ ದಿನಾಂಕವನ್ನು ಚಿತ್ರತಂಡ ಮುಂಡೂಡಿದೆ ಎಂದು ಹೇಳಲಾಗಿದೆ. ಆದರೆ, ಡಿಸೆಂಬರ್ನಲ್ಲಿ ಕೂಡ ಸಿನಿಮಾ ಬಾಕ್ಸ್ ಆಫೀಸ್ನಲ್ಲಿ ದೊಡ್ಡ ಮಟ್ಟದ ಸ್ಪರ್ಧೆ ಎದುರಿಸಲಿದೆ, ಏಕೆಂದರೆ ಡಿಸೆಂಬರ್ 22ರಂದು ಡಂಕಿ ತೆರೆಕಾಣುತ್ತಿದೆ. ಭಾರತೀಯ ಚಿತ್ರರಂಗದ ಇಬ್ಬರು ಸ್ಟಾರ್ ನಟರ ಸಿನಿಮಾಗಳು ಮುಖಾಮುಖಿಯಾಗಲಿದೆ.
