'ಪಿಎಫ್​ಐ, ಬಜರಂಗದಳವನ್ನು ನಿಷೇಧಿಸುವ ಕಾಂಗ್ರೆಸ್ ಪ್ರಯತ್ನವನ್ನು ವಿರೋಧಿಸುತ್ತೇನೆ': ನಟ ಚೇತನ್​

'ಪಿಎಫ್​ಐ, ಬಜರಂಗದಳವನ್ನು ನಿಷೇಧಿಸುವ ಕಾಂಗ್ರೆಸ್​ ಪ್ರಯತ್ನವನ್ನು ನಾನು ವಿರೋಧಿಸುತ್ತೇನೆ' ಎಂದು ನಟ ಚೇತನ್​ ಪೋಸ್ಟ್ ಮಾಡಿದ್ದಾರೆ.

ರಾಜ್ಯ ವಿಧಾನಸಭೆ ಚುನಾವಣಾ ಅಖಾಡ ರಂಗೇರುತ್ತಿದೆ. ಎಲ್ಲೆಡೆ ಪಕ್ಷಗಳ ಭರ್ಜರಿ ಪ್ರಚಾರ ನಡೆಯುತ್ತಿದೆ. ಸ್ಟಾರ್ ಸೆಲೆಬ್ರಿಟಿಗಳು ಸಹ ಪ್ರಚಾರಕ್ಕಿಳಿದಿದ್ದಾರೆ. ಪಕ್ಷಗಳು ತಮ್ಮ ಪ್ರಣಾಳಿಕೆಯನ್ನೂ ಬಿಡುಗಡೆ ಮಾಡಿ ಮತದಾರರನ್ನು ಸೆಳೆಯುವ ಪ್ರಯತ್ನ ಮಾಡಿವೆ. ಈ ಬಗ್ಗೆ ನಟ ಚೇತನ್​​ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ಇದೇ ಮೇ 2ರಂದು (ಮಂಗಳವಾರ) ರಾಜ್ಯ ಕಾಂಗ್ರೆಸ್‌ ತಮ್ಮ ಪ್ರಣಾಳಿಕೆ ಬಿಡುಗಡೆ ಮಾಡಿದೆ. ಬೆಂಗಳೂರಿನ ಖಾಸಗಿ ಹೋಟೆಲ್​ನಲ್ಲಿ ನಡೆದ ಈ ಪ್ರಣಾಳಿಕೆ ಬಿಡುಗಡೆ ಆಗಿತ್ತು. ಎಐಸಿಸಿ ಅಧ್ಯಕ್ಷ ಮಲ್ಲಿಕಾರ್ಜುನ ಖರ್ಗೆ ಪ್ರಣಾಳಿಕೆ ರಿಲೀಸ್​ ಮಾಡಿದ್ದರು. ಪ್ರಣಾಳಿಕೆಯಲ್ಲಿ ಮತದಾರರಿಗೆ ಹಲವು ಭರವಸೆಗಳನ್ನು ಕಾಂಗ್ರೆಸ್​ ಪಕ್ಷ ನೀಡಿದೆ. ಬಜರಂಗದಳ ಮತ್ತು ಪಿಎಫ್‌ಐಗಳಂತಹ ಸಂಘಟನೆಗಳ ಮೇಲೆ ಕಾನೂನು ಕ್ರಮ ಜರುಗಿಸಲಾಗುವುದು ಇಲ್ಲವೇ ನಿಷೇಧ ಮಾಡಲಾಗುವುದು ಎಂದು ಸಹ ಭರವಸೆ ಕೊಟ್ಟಿದ್ದು, ಇದು ಪರ ವಿರೋಧ ಚರ್ಚೆಗೆ ಕಾರಣವಾಗಿದೆ. ಸಾಮಾಜಿಕ ಹೋರಾಟಗಾರರೂ ಆಗಿರುವ ನಟ ಚೇತನ್​ ಸಹ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

ನಟ ಚೇತನ್​ ಪೋಸ್ಟ್: ಸದಾ ಹೇಳಿಕೆಗಳ ಮೂಲಕ ಸುದ್ದಿಯಲ್ಲಿರುವ ನಟ ಚೇತನ್​​ ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಪೋಸ್ಟ್​ ಒಂದನ್ನು ಮಾಡಿದ್ದಾರೆ. ''ಕಾಂಗ್ರೆಸ್ ತನ್ನ ಕರ್ನಾಟಕ ಪ್ರಣಾಳಿಕೆಯಲ್ಲಿ ಪಿಎಫ್​​ಐ ಮತ್ತು ಬಜರಂಗದಳವನ್ನು ನಿಷೇಧಿಸುವ ಭರವಸೆ ನೀಡಿದೆ. ನಾನು ಪುಸ್ತಕಗಳು, ಚಲನ ಚಿತ್ರಗಳು, ಸಂಸ್ಥೆಗಳು ಸೇರಿದಂತೆ ಇತ್ಯಾದಿಗಳ 'ನಿಷೇಧ ಸಂಸ್ಕೃತಿ'ಯ ವಿರೋಧಿಯಾಗಿದ್ದೇನೆ. ಅವುಗಳನ್ನು ನಿಷೇಧಿಸುವ ಬದಲು ವಿಚಾರಗಳ ಯುದ್ಧಭೂಮಿಯಲ್ಲಿ ನಾವು ನಮ್ಮ ಸೈದ್ಧಾಂತಿಕ ವಿರೋಧಿಗಳನ್ನು ಸೋಲಿಸಬೇಕು ಎಂದು ನಾನು ನಂಬುತ್ತೇನೆ. ಹಿಂದೆ ಪಿಎಫ್​ಐ ನಿಷೇಧವನ್ನು ಬಿಜೆಪಿ ಮಾಡಿದಾಗ ನಾನು ವಿರೋಧಿಸಿದ್ದೆ. ಅದೇ ರೀತಿ ಈಗ ಪಿಎಫ್​ಐ, ಬಜರಂಗದಳವನ್ನು ನಿಷೇಧಿಸುವ ಕಾಂಗ್ರೆಸ್​ ಪ್ರಯತ್ನವನ್ನು ನಾನು ವಿರೋಧಿಸುತ್ತೇನೆ'' ಎಂದು ಬರೆದುಕೊಂಡಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ಈ ಬಗ್ಗೆ ಮಿಶ್ರ ಪ್ರತಿಕ್ರಿಯೆ ವ್ಯಕ್ತವಾಗುತ್ತಿದೆ.

• Congress in its KA manifesto promises to ban PFI & Bajrang Dal
  
  As an opponent of ‘ban culture’— books/films/groups/etc—I hold we must defeat our ideological adversaries in battleground of ideas instead of banning
  
  I opposd BJP’s PFI ban then; I oppose Congress’s PFI & BD ban now pic.twitter.com/mf4zRyFoWK

  — Chetan Kumar Ahimsa / ಚೇತನ್ ಅಹಿಂಸಾ (@ChetanAhimsa) May 3, 2023 " class="align-text-top noRightClick twitterSection" data="

  Congress in its KA manifesto promises to ban PFI & Bajrang Dal
  
  As an opponent of ‘ban culture’— books/films/groups/etc—I hold we must defeat our ideological adversaries in battleground of ideas instead of banning
  
  I opposd BJP’s PFI ban then; I oppose Congress’s PFI & BD ban now pic.twitter.com/mf4zRyFoWK

  — Chetan Kumar Ahimsa / ಚೇತನ್ ಅಹಿಂಸಾ (@ChetanAhimsa) May 3, 2023

  ">

  Congress in its KA manifesto promises to ban PFI & Bajrang Dal
  
  As an opponent of ‘ban culture’— books/films/groups/etc—I hold we must defeat our ideological adversaries in battleground of ideas instead of banning
  
  I opposd BJP’s PFI ban then; I oppose Congress’s PFI & BD ban now pic.twitter.com/mf4zRyFoWK

  — Chetan Kumar Ahimsa / ಚೇತನ್ ಅಹಿಂಸಾ (@ChetanAhimsa) May 3, 2023

ಡಿಕೆಶಿ ಪ್ರತಿಕ್ರಿಯೆ: ಕಾಂಗ್ರೆಸ್​ ಪ್ರಣಾಳಿಕೆ ವಿಚಾರವಾಗಿ ಪರ ವಿರೋಧ ಚರ್ಚೆ ಆಗುತ್ತಿದೆ. ಭಜರಂಗದಳ ನಿಷೇಧ ಬಗ್ಗೆ ಹಲವೆಡೆ ಸಾಕಷ್ಟು ಅಸಮಧಾನ ವ್ಯಕ್ತವಾಗಿದೆ. ಈ ವಿಚಾರವಾಗಿ ಇಂದು ಕೆಪಿಸಿಸಿ ಅಧ್ಯಕ್ಷ ಡಿ.ಕೆ. ಶಿವಕುಮಾರ್ ಪ್ರತಿಕ್ರಿಯೆ ನೀಡಿದ್ದಾರೆ. ಬಿಜೆಪಿಯವರು ಏನು ಬೇಕಾದ್ರೂ ಮಾಡಿಕೊಳ್ಳಲಿ, ಹೇಗೆ ಬೇಕಾದರು ಅರ್ಥೈಸಿಕೊಳ್ಳಲಿ ನಾವು ಮಾತ್ರ ಈ ಬಜರಂಗದಳ ನಿಷೇಧ ಘೋಷಣೆಯನ್ನು ವಾಪಸ್​ ಪಡೆಯಲ್ಲ ಎಂದು ತಿಳಿಸಿದ್ದಾರೆ. ಅಲ್ಲದೇ ಬಜರಂಗದಳಕ್ಕೂ, ಆಂಜನೇಯನಿಗೂ ಏನು ಸಂಬಂಧ?. ಆಂಜನೇಯ ಬೇರೆ ಬಜರಂಗದಳ ಬೇರೆ ಎಂದು ಕೂಡ ತಿಳಿಸಿದ್ದಾರೆ. ನಾವು ಕೂಡ ಭಕ್ತರೇ ಎಂದು ಸ್ಪಷ್ಟಪಡಿಸಿದ್ದಾರೆ.

ಇದನ್ನೂ ಓದಿ: 'ದಿ ಕೇರಳ ಸ್ಟೋರಿ' ಬಿಡುಗಡೆಯಾದ್ರೆ ಪ್ರತಿಭಟನೆ ಎದುರಿಸಬೇಕಾಗುತ್ತದೆ: ಗುಪ್ತಚರ ಇಲಾಖೆ

ಬಿಎಸ್​ವೈ ಟೀಕೆ: ಮಾಜಿ ಮುಖ್ಯಮಂತ್ರಿ ಬಿ.ಎಸ್​ ಯಡಿಯೂರಪ್ಪ ಸಹ ಕಾಂಗ್ರೆಸ್​ ನಡೆ ಬಗ್ಗೆ ವ್ಯಂಗ್ಯವಾಡಿದ್ದಾರೆ. ಅಧಿಕಾರಕ್ಕೆ ಬಂದರಲ್ಲವೇ ಬ್ಯಾನ್​ ವಿಚಾರ. ಕಾಂಗ್ರೆಸ್​ ಅಧಿಕಾರಕ್ಕೆ ಬರೋದು ಮತ್ತು ಬಜರಂಗದಳ ಬ್ಯಾನ್​ ಮಾಡೋದು ತಿರುಕನ ಕನಸು ಎಂದು ಬಿಎಸ್​ವೈ ಟೀಕಿಸಿದ್ದಾರೆ.

ಸಿಎಂ ಬೊಮ್ಮಾಯಿ ಹೀಗಂದ್ರು: ಕಾಂಗ್ರೆಸ್​ ಅಧಿಕಾರದಲ್ಲಿಲ್ಲ, ಅಧಿಕಾರಕ್ಕೆ ಬರೋದು ಇಲ್ಲ. ಆದ್ರೆ ಬಜರಂಗದಳ ಇಡೀ ದೇಶದಲ್ಲೇ ಇರೋ ಸಂಘಟನೆ. ಅಧಿಕಾರಕ್ಕೆ ಬಾರದ ಕಾಂಗ್ರೆಸ್​ನಿಂದ ಬಜರಂಗದಳ ನಿಷೇಧ ಸಾಧ್ಯವೇ? ಎಂದು ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ವ್ಯಂಗ್ಯವಾಡಿದರು.

ಇದನ್ನೂ ಓದಿ: ಬಜರಂಗದಳ ನಿಷೇಧ ಘೋಷಣೆ ವಾಪಸ್ ಪಡೆಯೋದಿಲ್ಲ: ಡಿ ಕೆ ಶಿವಕುಮಾರ್​