ಬಾಲಿವುಡ್ ಬಿಗ್ ಬಿ ಪುತ್ರ, ನಟ ಅಭಿಷೇಕ್ ಬಚ್ಚನ್ ಅಭಿನಯದ ಬಹುನಿರೀಕ್ಷಿತ 'ಘೂಮರ್' ಸಿನಿಮಾದ ಟ್ರೇಲರ್ ಇಂದು ಅನಾವರಣಗೊಂಡಿದೆ. ಜೂನಿಯರ್ ಬಚ್ಚನ್ ಅವರು ಕೋಚ್ ಪಾತ್ರದಲ್ಲಿ ನಟಿಸಿದ್ದು, ಪವರ್‌ಫುಲ್ ಲುಕ್ ಬೀರಿದ್ದಾರೆ. ಕೋಚ್ ಅಭಿಷೇಕ್ ಬಚ್ಚನ್ ಮಾರ್ಗದರ್ಶನದಲ್ಲಿ ಕ್ರಿಕೆಟ್ ತರಬೇತಿ ಪಡೆಯುವ ಸೈಯಾಮಿ ಖೇರ್ (Saiyami) ಪಾತ್ರ ಕೂಡ ಗಮನ ಸೆಳೆದಿದೆ. ಕ್ರೀಡಾಪಟು ಸೈಯಾಮಿಯ ಸ್ಫೂರ್ತಿದಾಯಕ ಕಥೆಯನ್ನು ಈ ಚಿತ್ರ ಒಳಗೊಂಡಿದೆ. ಆರ್ ಬಾಲ್ಕಿ ಆ್ಯಕ್ಷನ್ ಕಟ್ ಹೇಳಿರುವ ಘೂಮರ್ ಸಿನಿಮಾ ಇದೇ ಆಗಸ್ಟ್ 18 ರಂದು ಚಿತ್ರಮಂದಿರದಲ್ಲಿ ತೆರೆ ಕಾಣಲಿದೆ.
Ghoomer Trailer ಹೇಗಿದೆ? : 'ಘೂಮರ್' ಟ್ರೇಲರ್ ಪ್ರಕಾರ, ಬಲಗೈ ಇಲ್ಲದ / ಪಾರ್ಶ್ವವಾಯು ಅಥ್ಲೀಟ್ ಅನಿನಾ (Anina) ಪಾತ್ರದಲ್ಲಿ ನಟಿ ಸೈಯಾಮಿ ಕಾಣಿಸಿಕೊಂಡಿದ್ದಾರೆ. ಇನ್ನೂ ನಟ ಅಭಿಷೇಕ್ ಬಚ್ಚನ್ ಕೋಚ್ ಪಾತ್ರದಲ್ಲಿ ದರ್ಶನ ಕೊಟ್ಟಿದ್ದಾರೆ. ತರಬೇತುದಾರ ಅಭಿಷೇಕ್ ಅವರ ಮೊಗದಲ್ಲಿ ಗಂಭೀರ ಮತ್ತು ಚಿಂತನಾಶೀಲ ಗುಣಲಕ್ಷಣಗಳನ್ನು ನಾವು ಕಾಣಬಹುದು. ದೈಹಿಕ ಇತಿಮಿತಿಗಳ ಹೊರತಾಗಿಯೂ ತನ್ನ ದೇಶದ ಕೀರ್ತಿ ಹೆಚ್ಚಿಸಲು, ಸಾಧನೆ ಮಾಡುವ ಮಹಿಳಾ ಕ್ರಿಕೆಟ್ ಆಟಗಾರ್ತಿ ಅನಿನಾ ಅವರ ಹೋರಾಟವನ್ನು ತೆರೆ ಮೇಲೆ ವಿಶಿಷ್ಠವಾಗಿ ತರುವ ಪ್ರಯತ್ನ ನಡೆದಿದೆ.
- " class="align-text-top noRightClick twitterSection" data="">
ಆರ್ ಬಾಲ್ಕಿ ಅವರೇ ಕಥೆ ಬರೆದು ಆ್ಯಕ್ಷನ್ ಕಟ್ ಹೇಳಿದ್ದಾರೆ. ಶಬಾನಾ ಅಜ್ಮಿ ಮತ್ತು ಅಂಗದ್ ಬೇಡಿ ಕೂಡ ಸಿನಿಮಾದಲ್ಲಿ ಪ್ರಮುಖ ಪಾತ್ರ ವಹಿಸಿದ್ದಾರೆ. ಕಥೆ ಮಹಿಳಾ ಆಟಗಾರ್ತಿ ಅನಿನಾ ಮೇಲೆ ಕೇಂದ್ರೀಕೃತವಾಗಿದೆ. ಅಂತಾರಾಷ್ಟ್ರೀಯ ಕ್ರಿಕೆಟ್ಗೆ ಪಾದಾರ್ಪಣೆ ಮಾಡುವ ಮುನ್ನ ಭೀಕರ ಅಪಘಾತಕ್ಕೊಳಗಾಗಿ ತಮ್ಮ ಬಲಗೈ ಕಳೆದುಕೊಳ್ಳುತ್ತಾರೆ. ಈ ಹಿನ್ನೆಲೆಯಲ್ಲಿ ಹತಾಶ ಮನೋಭಾವ ಹೊಂದುತ್ತಾರೆ. ಈ ಹತಾಶ ಆಟಗಾರ್ತಿಯೇ ಅನಿನಾ ಅವರ ಮುಂದಿನ ಹೋರಾಟಕ್ಕೆ ಪ್ರೇರಣೆ ಒದಗಿಸುತ್ತದೆ. ಜೀವನದಲ್ಲಿ ಒಂದು ಗುರಿ ಇಟ್ಟುಕೊಳ್ಳುತ್ತಾರೆ. ಬೌಲರ್ ಆಗಿ ದೇಶಕ್ಕೆ ಕೊಡುಗೆ ನೀಡಲು ಉತ್ತಮ ತರಬೇತಿ ಪಡೆಯಲು ನಿರ್ಧರಿಸುತ್ತಾರೆ. ಅಭಿಷೇಕ್ ಬಚ್ಚನ್ ಕೋಚ್ ಆಗಿ ಅವರಿಗೆ ಮಾರ್ಗದರ್ಶನ ನೀಡುತ್ತಾರೆ. ಇದೇ ಘೂಮರ್ ಸಿನಿಮಾದ ಹೂರಣ.
ಇದನ್ನೂ ಓದಿ: 'ಹರಿಯಾಣ ಸಂಘರ್ಷದ ಟ್ವೀಟ್ ನನ್ನದಲ್ಲ, ನನ್ನ ಖಾತೆ ಹ್ಯಾಕ್ ಮಾಡಲಾಗಿದೆ': ನಟ ಗೋವಿಂದ
ಘೂಮರ್ ಚಿತ್ರದಲ್ಲಿ ಹೊಸ ಬೌಲಿಂಗ್ ಶೈಲಿಯನ್ನು ವಿನ್ಯಾಸಗೊಳಿಸಲಾಗಿದೆ. ಸಿನಿಮಾ ಅಥ್ಲೀಟ್ ಕರೋಲಿ ಟಕಾಕ್ಸ್ (Karoly Takacs) ಸಾಧನೆಯಿಂದ ಸ್ಫೂರ್ತಿ ಪಡೆದಿದೆ. ನಟ ಅಭಿಷೇಕ್ ಬಚ್ಚನ್ ಅವರಿಗೆ ಸಿನಿಮಾ ಜೀವನದ ಯಶಸ್ಸಿಗೆ ಸಹಾಯವಾಗಲಿದೆ ಎಂದು ನಂಬಲಾಗಿದೆ. ಅಲ್ಲದೇ ಚಿತ್ರದ ಪ್ರೀಮಿಯರ್ ಶೋ ಇಂಡಿಯನ್ ಫಿಲ್ಮ್ ಫೆಸ್ಟಿವಲ್ ಆಫ್ ಮೆಲ್ಬೋರ್ನ್ 2023 ರಲ್ಲಿ ನಡೆಯಲಿದೆ. ಸಿನಿಮಾ ಇದೇ ಆಗಸ್ಟ್ 18 ರಂದು ಥಿಯೇಟರ್ನಲ್ಲಿ ತೆರೆ ಕಾಣಲಿದೆ.
ಇದನ್ನೂ ಓದಿ: 'ಕೋಯಿ ಮಿಲ್ ಗಯಾ' ರೀ ರಿಲೀಸ್: ಖುಷಿ ಹಂಚಿಕೊಂಡ ಹೃತಿಕ್ ರೋಷನ್
