ಮುಂಬೈ (ಮಹಾರಾಷ್ಟ್ರ): ಲಾಲ್ಸಿಂಗ್ ಚಡ್ಡಾ ಚಿತ್ರದ ಪೋಸ್ಟ್-ಪ್ರೊಡಕ್ಷನ್‌ನಲ್ಲಿನ ವಿಳಂಬದ ಬಗ್ಗೆ ಬಾಲಿವುಡ್ ಸೂಪರ್‌ಸ್ಟಾರ್ ಅಮೀರ್ ಖಾನ್ ಮಾತನಾಡಿದ್ದಾರೆ. ಇದು ಈ ವರ್ಷದ ಆರಂಭದಲ್ಲಿ ಬ್ಲಾಕ್‌ಬಸ್ಟರ್ ಚಲನಚಿತ್ರ ಕೆಜಿಎಫ್ 2 ಜೊತೆ ಬರಬೇಕಿತ್ತು. ಆದರೆ, ಇವೆರಡರ ನಡುವೆ ಘರ್ಷಣೆ ಉಂಟಾಗುತ್ತಿತ್ತು. ಅದರಿಂದ ಈಗ ನಾವು ಬಚಾವ್ ಆಗಿದ್ದೇವೆ ಎಂದು ಹೇಳಿದ್ದಾರೆ.
ಕೆಜಿಎಫ್ 2 ಬಿಡುಗಡೆಗೆ ಬಂದಾಗ ಹಿಂದಿ ಪ್ರೇಕ್ಷಕರಲ್ಲಿ ಅದರಲ್ಲೂ ನನ್ನ ಸ್ವಂತ ಸ್ನೇಹಿತರಲ್ಲಿಯೂ ಸಾಕಷ್ಟು ಉತ್ಸಾಹವಿತ್ತು. ಲಾಲ್ ಸಿಂಗ್ ಚಡ್ಡಾ ಆ ವೇಳೆಗೆ ಬಿಡುಗಡೆಯಾಗಬೇಕಿತ್ತು. ಆದರೆ, ನಮ್ಮ ಅದೃಷ್ಟಕ್ಕೆ ರೆಡ್ ಚಿಲ್ಲಿಸ್ ಸ್ವಲ್ಪ ಸಮಯ ತೆಗೆದುಕೊಂಡಿತು. ಇಲ್ಲದಿದ್ದರೆ, ನಾವು ಕೆಜಿಎಫ್ 2 ನೊಂದಿಗೆ ಬರುತ್ತಿದ್ದೆವು ಎಂದು ಸುದ್ದಿಗಾರರಿಗೆ ತಿಳಿಸಿದರು. ಲಾಲ್ ಸಿಂಗ್ ಚಡ್ಡಾ 1994 ರ ಟಾಮ್ ಹ್ಯಾಂಕ್ಸ್-ನಟನೆಯ ಫಾರೆಸ್ಟ್ ಗಂಪ್‌ನ ಹಿಂದಿ ರೂಪಾಂತರವಾಗಿದೆ.
ಈವೆಂಟ್‌ನಲ್ಲಿ, ಲಾಲ್ ಸಿಂಗ್ ಚಡ್ಡಾ ಅವರ ತೆಲುಗು ಆವೃತ್ತಿಯನ್ನು ಪ್ರಸ್ತುತಪಡಿಸುತ್ತಿರುವ ಚಿರಂಜೀವಿ ಮತ್ತು ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ನಟಿಸಿರುವ ನಾಗ ಚೈತನ್ಯ ಅವರು ಖಾನ್ ಅವರೊಂದಿಗೆ ವೇದಿಕೆ ಹಂಚಿಕೊಂಡಿದ್ದರು.
