ಬಾಲಿವುಡ್ನ ಪ್ರಣಯ ಪಕ್ಷಿಗಳಾದ ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ಮದುವೆಯ ಫೋಟೋಗಳು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿವೆ. ಅಲ್ಲದೇ ಟ್ವಿಟರ್ನಲ್ಲಿ ಟ್ರೆಂಡ್ ಸೃಷ್ಟಿಸಿದೆ.
ಸುಮಾರು 5 ವರ್ಷಗಳ ಕಾಲ ಡೇಟಿಂಗ್ ಮಾಡಿದ ನಂತರ ಆಲಿಯಾ ಭಟ್ ಮತ್ತು ರಣಬೀರ್ ಕಪೂರ್ ಇಂದು ಸಪ್ತಪದಿ ತುಳಿದಿದ್ದಾರೆ.
ಮುಂಬೈನ ಬಾಂದ್ರಾದಲ್ಲಿರುವ ಮನೆಯಲ್ಲಿ ವಿವಾಹ ಸಂಭ್ರಮ ನೆರವೇರಿದೆ. ಮದುವೆಯ ಬಳಿಕ ಆಲಿಯಾ ಮತ್ತು ರಣಬೀರ್ ತಮ್ಮ ಮನೆಯ ಟೆರೇಸ್ ಮೇಲೆ ನಿಂತುಕೊಂಡು ಫೋಟೋ ತೆಗೆದುಕೊಂಡ ವಿಡಿಯೋ, ಫೋಟೋಗಳು ವೈರಲ್ ಆಗಿವೆ.
ಭಾರಿ ಗೌಪ್ಯತೆಯಿಂದ ನಡೆದ ಬಾಲಿವುಡ್ ಜೋಡಿಯ ಈ ಮದುವೆ ಇಂದು ಕೊನೆಗೂ ಬಹಿರಂಗವಾಗಿದೆ. ಇಬ್ಬರೂ ಸಾರ್ವಜನಿಕವಾಗಿ ಕಾಣಿಸಿಕೊಳ್ಳುವ ಮೂಲಕ ಮದುವೆಯನ್ನು ದೃಢೀಕರಿಸಿದ್ದಾರೆ.
ಪತ್ನಿಗೆ ಕಿಸ್ ಮಾಡಿದ ರಣಬೀರ್: ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿರುವ ಫೋಟೋಗಳಲ್ಲಿ ಪತ್ನಿ ಆಲಿಯಾ ಭಟ್ಗೆ ರಣಬೀರ್ ಕಪೂರ್ ಚುಂಬಿಸಿದ ಫೋಟೋ ಸಖತ್ ಸದ್ದು ಮಾಡುತ್ತಿದೆ.
ಬಿಳಿ ಶೇರ್ವಾನಿಯಲ್ಲಿರುವ ಪೇಟ ಧರಿಸಿರುವ ರಣಬೀರ್, ಲೈಟ್ ವೈಟ್ ಬಣ್ಣದ ಸೀರೆಯಲ್ಲಿರುವ ಬೆಡಗಿ ಆಲಿಯಾ ಇಬ್ಬರೂ ಆಲಂಗಿಸಿಕೊಂಡಿರುವ ಫೋಟೋ ಕೂಡ ಹರಿಬಿಡಲಾಗಿದೆ.
ವಿವಾಹದ ವೇಳೆ ಆಲಿಯಾ ಮತ್ತು ರಣಬೀರ್ ಪರಸ್ಪರ ಚೇಷ್ಟೆಯಲ್ಲಿ ತೊಡಗಿರುವ ಮತ್ತು ಮಾತುಕತೆ ಮಾಡುತ್ತಿರುವ ಫೋಟೋಗಳು ಇವೆ.
ಸ್ಟಾರ್ ಜೋಡಿಯ ಮದುವೆಯಲ್ಲಿ ಬಾಲಿವುಡ್ನ ಆಪ್ತೇಷ್ಟೆಯರು ಮಾತ್ರ ಭಾಗವಹಿಸಿದ್ದರು. ಅಲ್ಲದೇ ಕುಟುಂಬದ ಸದಸ್ಯರು ಕೂಡ ಜೊತೆಗಿದ್ದರು. ನಟಿ ಕರೀಷ್ಮಾ ಕಪೂರ್, ನಿರ್ಮಾಪಕ ಕರಣ್ ಜೋಹರ್ ಫೋಟೋಗಳಲ್ಲಿ ಕಾಣಿಸಿಕೊಂಡಿದ್ದಾರೆ.
ಇದಲ್ಲದೇ ಮದುವೆಯಲ್ಲಿ ನೀತು ಕಪೂರ್, ರಿದ್ಧಿಮಾ ಕಪೂರ್ ಸಾಹ್ನಿ, ಕರೀನಾ ಕಪೂರ್ ಖಾನ್, ಕರಿಷ್ಮಾ ಕಪೂರ್, ಮಹೇಶ್ ಭಟ್, ಸೋನಿ ರಜ್ದಾನ್, ಶಾಹೀನ್ ಭಟ್ ಮತ್ತು ಇತರರು ಭಾಗವಹಿಸಿದ್ದರು.
ಇದನ್ನೂ ಓದಿ: ಬಾಳಸಂಗಾತಿಗಳಾದ ರಣಬೀರ್ ಕಪೂರ್, ಆಲಿಯಾ ಭಟ್; ಸಾಂಗವಾಗಿ ನೆರವೇರಿದ ವಿವಾಹ
