6,6,6,6,4,4,4.. ರಿಚಾ ಸ್ಫೋಟಕ ಬ್ಯಾಟಿಂಗ್​; RCB ಗೆಲುವಿನ ಶುಭಾರಂಭ

RCB vs GG Highlight: ಗುಜರಾತ್​ ಜೈಂಟ್ಸ್​ ವಿರುದ್ಧ ನಡೆದಿದ್ದ WPL 2025ರ ಮೊದಲ ಪಂದ್ಯದಲ್ಲಿ RCB ಗೆದ್ದು ಶುಭಾರಂಭ ಮಾಡಿದೆ.

RCB vs GG Highlight: ಮಹಿಳಾ ಪ್ರೀಮಿಯರ್​ ಲೀಗ್ (WPL 2025)​ 3ನೇ ಆವೃತ್ತಿ ಶುಕ್ರವಾರ ಪ್ರಾರಂಭವಾಗಿದೆ. 2024ರಲ್ಲಿ ಚಾಂಪಿಯನ್​ ಆಗಿದ್ದ RCB ಉದ್ಘಾಟನ ಪಂದ್ಯದಲ್ಲಿ ಗುಜರಾತ್ ಜೈಂಟ್ಸ್​ (GG)​ ವಿರುದ್ಧ ಕಾಳಗಕ್ಕೆ ಇಳಿದಿತ್ತು.

ವಡೋದರದ ಕೋಟುಂಬಿ ಮೈದಾನದಲ್ಲಿ ನಡೆದಿದ್ದ ಈ ಪಂದ್ಯದಲ್ಲಿ ಆರ್​ಸಿಬಿ ಬೃಹತ್​ ಮೊತ್ತವನ್ನು ಬೆನ್ನಟ್ಟಿ ಯಶಸ್ವಿಯಾಗಿ ಗೆಲುವು ಸಾಧಿಸಿದೆ. ಇದರೊಂದಿಗೆ 3ನೇ ಆವೃತ್ತಿಯಲ್ಲಿ ಮಂಧಾನ ಪಡೆ ಶುಭಾರಂಭ ಮಾಡಿದೆ.

ಗುಜರಾತ್​ ಜೈಂಟ್ಸ್​: ಉಭಯ ತಂಡಗಳ ನುಡವಿನ ಈ ಪಂದ್ಯದಲ್ಲಿ ಮೊದಲು ಬ್ಯಾಟ್​ ಮಾಡಿದ್ದ ಗುಜರಾತ್​ ಜೈಂಟ್ಸ್​ ಭರ್ಜರಿ ಬ್ಯಾಟಿಂಗ್​ ಮಾಡಿತ್ತು. ನಾಯಕಿ ಆಶ್ಲೆಗ್​ ಗಾರ್ಡನರ್​ ಮತ್ತು ವಿಕೆಟ್​ ಕೀಪರ್​ ಬೆಥ್​ ಮೂನಿ ಸ್ಪೋಟಕ ಪ್ರದರ್ಶನ ನೀಡಿದರು.

Tough chase, but we are tougher than that! 💪

🚨 Record broken in our 1️⃣st game of #WPL2025! 💀#PlayBold #ನಮ್ಮRCB #SheIsBold #GGvRCB pic.twitter.com/Z9gOZf3axc

— Royal Challengers Bengaluru (@RCBTweets) February 14, 2025

ಆರಂಭಿಕರಾಗಿ ಬ್ಯಾಟಿಂಗ್​​​ಗೆ ಬಂದ ಮೂನಿ 42 ಸೆತಗಳಲ್ಲಿ 8 ಬೌಂಡರಿ ಸಹಾಯದಿಂದ 56 ರನ್ ಚಚ್ಚಿ ಅರ್ಧಶತಕ ಪೂರ್ಣಗೊಳಿಸಿದರು. ಮಧ್ಯಮ ಕ್ರಮಾಂಕದಲ್ಲಿ ನಾಯಕಿ ಆಶ್ಲೇಗ್​ ಗಾರ್ಡನರ್​ 37 ಎಸೆತಗಳಲ್ಲಿ 3 ಬೌಂಡರಿ, 8 ಸಿಕ್ಸರ್​ ಸಿಡಿಸಿ 79 ರನ್​ ಕಲೆ ಹಾಕಿದರು. ಈ ಇಬ್ಬರ ಸ್ಫೋಟಕ ಬ್ಯಾಟಿಂಗ್​ ನಿಂದಾಗಿಗೆ ಗುಜರಾತ್​ ಮಹಿಳಾ ತಂಡ 5 ವಿಕೆಟ್​ ನಷ್ಟಕ್ಕೆ 201 ರನ್​ ಗಳಿಸಿತು.

ರಾಯಲ್​ ಚಾಲೆಂಜರ್ಸ್​ ಬೆಂಗಳೂರು: ಈ ಬೃಹತ್​ ಗುರಿ ಭೇದಿಸಲು ಮುಂದಾದ ಆರ್​ಸಿಬಿಗೆ ಆರಂಭಿಕ ಹಿನ್ನಡೆ ಆಯ್ತು. ಓನರ್​ ಆಗಿ ಬ್ಯಾಟಿಂಗ್​ ಗೆ ಬಂದ ನಾಯಕಿ ಸ್ಮೃತಿ ಮಂಧಾನ 9ರನ್​, ವ್ಯಾಟ್​ ಹೊಡ್ಜ್​ 4ರನ್​ ಗೆ ತಮ್ಮ ಇನ್ನಿಂಗ್ಸ್​ ಮುಗಿಸಿದರು. ಬಳಿಕ ಬ್ಯಾಟಿಂಗ್​ ಚಾರ್ಜ್ ತೆಗದುಕೊಂಡ ಎಲ್ಲಿಸ್​ ಪೆರಿ 6 ಬೌಂಡರಿ, 2 ಸಿಕ್ಸರ್​ ನೆರವಿನಿಂದ 57 ರನ್​ ಚಚ್ಚಿ ನಿರ್ಗಮಿಸಿದರು.

🚨 I.C.Y.M.I 🚨

GOAT did GOAT things today. 🥱#PlayBold #ನಮ್ಮRCB #SheIsBold #WPL2025 #GGvRCB

pic.twitter.com/159E4kA05k

— Royal Challengers Bengaluru (@RCBTweets) February 14, 2025

ರಿಚಾ ಘೋಷ್​ ಸ್ಫೋಟಕ ಬ್ಯಾಟಿಂಗ್​: ಎಲ್ಲಿಸ್ ಪೆರಿ ನಿರ್ಗಮಿಸಿದ ಬಳಿಕ ಸಿಡಿದೆದ್ದ ರಿಚಾ ಘೋಷ್​ ಗುಜರಾತ್​ ಬೌಲರ್ ಗಳನ್ನು ಹಿಗ್ಗಾಮುಗ್ಗ ದಂಡಿಸಿದರು. ಕನಿಕಾ ಅಹುಜಾ ಅವರೊಂದಿಗೆ ಸೇರಿ ಅಜೇಯ ಇನ್ನಿಂಗ್ಸ್​ ಆಡಿ ವೇಗವಾಗಿ ಅರ್ಧಶತಕ ಪೂರ್ಣಗೊಳಿಸಿದರು. ಕೇವಲ 27 ಎಸೆಗಳಲ್ಲಿ 64 ರನ್​ ಚಚ್ಚಿದರು. ಇದರಲ್ಲಿ 7 ಬೌಂಡರಿ, 4 ಸಿಕ್ಸರ್​ ಗಳು ಸೇರಿದವು. ಇದರೊಂದಿಗೆ ಗೆಲುವಿನ ನಗಾರಿಯನ್ನು ಬಾರಿಸಿದರು.

ವೇಗದ ಅರ್ಧಶತಕ: ಆರಂಭದಿಂದಲೆ ಭರ್ಜರಿ ಬ್ಯಾಟ್​ ಬೀಸಿದ ರಿಚಾ ಕೇವಲ 23 ಎಸೆತಗಳಲ್ಲಿ 50 ರನ್​ ಪೂರ್ಣಗೊಳಿಸಿದರು. ಇದರೊಂದಿಗೆ ಮಹಿಳಾ ಪ್ರೀಮಿಯರ್​ ಲೀಗ್​ನಲ್ಲಿ ವೇಗಾವಗಿ ಅರ್ಧಶತಕ ಸಿಡಿಸಿದ 5 ಆಟಗಾರ್ತಿ ಎಂಬ ದಾಖಲೆ ಬರೆದಿದ್ದಾರೆ.

ಶುಭಾರಂಭ ✅
ಹೆಂಗೆ ನಮ್ ಹೆಣ್ಮಕ್ಳು? 🤩🔥#PlayBold #ನಮ್ಮRCB #SheIsBold #WPL2025 #GGvRCB https://t.co/r1JZQTDkh1

— Royal Challengers Bengaluru (@RCBTweets) February 14, 2025

ರೇಣುಕಾ ಸಿಂಗ್​ ಭರ್ಜರಿ ಬೌಲಿಂಗ್​: ಆರ್​ಸಿಬಿ ಪರ ರೇಣುಕಾ ಸಿಂಗ್​ ಉತ್ತಮ ಬೌಲಿಂಗ್​ ಮಾಡಿದರು ಇವರು 4 ಓವರ್​ಗಳಲ್ಲಿ 25 ರನ್​ ನೀಡಿ 2 ವಿಕೆಟ್​ಗಳನ್ನು ಪಡೆಯುವಲ್ಲಿ ಯಶಸ್ವಿಯಾದರು. ಉಳಿದಂತೆ ಕನಿಕಾ ಅಹುಜಾ ವೆರ್​ಹ್ಯಾಮ್​, ಪ್ರೇಮಾ ರಾವತ್​ ತಲಾ ಒಂದು ವಿಕೆಟ್​ ಪಡೆದು ಮಿಂಚಿದರು.

ಇದನ್ನೂ ಓದಿ: ವಿರಾಟ್​ ಕೊಹ್ಲಿ ದಾಖಲೆ ಮುರಿದು ನಂಬರ್​ 1 ಸ್ಥಾನಕ್ಕೇರಿದ ಬಾಬರ್​ ಅಜಮ್