ಹೈದರಾಬಾದ್: ಸೂಪರ್ ಸ್ಟಾರ್ ಅಮೀರ್ ಖಾನ್ ಅಭಿನಯದ 'ಲಾಲ್ ಸಿಂಗ್ ಚಡ್ಡಾ' ಚಿತ್ರ ಇಂದು ತಡವಾಗಿ ತೆರೆ ಕಂಡಿದೆ. ಚಿತ್ರದಲ್ಲಿ ಅಮೀರ್ ಖಾನ್ ಮತ್ತು ಕರೀನಾ ಕಪೂರ್ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ಈ ಚಿತ್ರವು ಹಾಲಿವುಡ್ ಚಿತ್ರ 'ಫಾರೆಸ್ಟ್ ಗಂಪ್' ನ ಅಧಿಕೃತ ಹಿಂದಿ ರಿಮೇಕ್ ಆಗಿದೆ.
ಚಿತ್ರದ ಬಿಡುಗಡೆಗೂ ಮುನ್ನ ಅಮೀರ್ ಖಾನ್ ತುಂಬಾ ಆತಂಕಗೊಂಡಿದ್ದರು. ಈ ಚಿತ್ರವನ್ನು ಬ್ಯಾನ್ ಮಾಡಬೇಕೆಂಬ ಘೋಷಣೆಯಿಂದಾಗಿ ಅಮೀರ್ ಶಾಂತಿಯುತವಾಗಿ ನಿದ್ದೆ ಮಾಡುತ್ತಿಲ್ಲವಂತೆ. ನಿನ್ನೆ ಬಾಲಿವುಡ್‌ನ ತಾರೆಯರಿಗೆ ಈ ಚಿತ್ರದ ವಿಶೇಷ ಪ್ರದರ್ಶನ ನಡೆಯಿತು. ಲಾಲ್ ಸಿಂಗ್ ಚಡ್ಡಾ ಚಿತ್ರವನ್ನು ವೀಕ್ಷಿಸಲು ಆಲಿಯಾ ಭಟ್ ತಮ್ಮ ಅಭಿಮಾನಿಗಳಿಗೆ ಮನವಿ ಮಾಡಿದ್ದಾರೆ.
ಆಲಿಯಾ ಭಟ್ ಅಭಿಮಾನಿಗಳಲ್ಲಿ ಮನವಿ: ಆಲಿಯಾ ಭಟ್ ಕೂಡ ಸಿನಿಮಾ ನೋಡಿ ತುಂಬಾ ಒಳ್ಳೆ ಚಿತ್ರ ಎಂದು ಹೇಳಿದ್ದಾರೆ. ಆಲಿಯಾ ತಮ್ಮ ಇನ್ಸ್ಟಾಸ್ಟೋರಿ, ತುಂಬಾ ಅದ್ಭುತವಾದ ಚಿತ್ರ ಎಂದು ಬರೆದುಕೊಂಡಿದ್ದಾರೆ. ಈ ಚಿತ್ರವನ್ನು ಥಿಯೇಟರ್‌ಗಳಿಗೆ ಹೋಗಿ ನೋಡಿ, ಮಿಸ್ ಮಾಡಬೇಡಿ ಎಂದು ಅಭಿಮಾನಿಗಳಿಗೆ ಆಲಿಯಾ ಹೇಳಿದ್ದಾರೆ.
- " class="align-text-top noRightClick twitterSection" data="
">
ಚಿತ್ರದಲ್ಲಿ ತೆಲುಗು ನಟ : ಅಮೀರ್ ಖಾನ್ ಮತ್ತು ಕರೀನಾ ಕಪೂರ್ ಖಾನ್ ಹೊರತುಪಡಿಸಿ, 'ಲಾಲ್ ಸಿಂಗ್ ಚಡ್ಡಾ' ಚಿತ್ರದಲ್ಲಿ ನಟಿ ಮೋನಾ ಸಿಂಗ್ ಮತ್ತು ಟಾಲಿವುಡ್ ಸ್ಟಾರ್ ನಟ ನಾಗ ಚೈತನ್ಯ ಸಹ ಪ್ರಮುಖ ಪಾತ್ರಗಳಲ್ಲಿ ನಟಿಸಿದ್ದಾರೆ. ನಾಗ ಚೈತನ್ಯ ಈ ಚಿತ್ರದ ಮೂಲಕ ಬಾಲಿವುಡ್‌ಗೆ ಪದಾರ್ಪಣೆ ಮಾಡಿದರು.
ಯಾರ್ಯಾರಿಗೆ ಎಷ್ಟೇಷ್ಟು ಸಂಭವಾನೆ: ಮಾಧ್ಯಮಗಳ ಪ್ರಕಾರ ಈ ಚಿತ್ರಕ್ಕಾಗಿ ಅಮೀರ್ ಖಾನ್ 50 ಕೋಟಿ, ಕರೀನಾ ಕಪೂರ್ ಖಾನ್ 8 ಕೋಟಿ, ನಟಿ ಮೋನಾ ಸಿಂಗ್ ಈ ಚಿತ್ರದಲ್ಲಿ ರೋಲ್ ಮಾಡಲು 2 ಕೋಟಿ ಪಡೆದರೆ 6 ಕೋಟಿ ಸಂಭಾವನೆ ಪಡೆದಿರುವ ನಟ ನಾಗ ಚೈತನ್ಯ ಈ ಚಿತ್ರದ ಬಾಲಿವುಡ್‌ಗೆ ಎಂಟ್ರಿ ಕೊಟ್ಟಿದ್ದಾರೆ.
ಅಮೀರ್ ಖಾನ್ ಮತ್ತು ಅಕ್ಷಯ್ ಕುಮಾರ್ ಮುಖಾಮುಖಿ : ಇಂದು ಅಕ್ಷಯ್ ಕುಮಾರ್ ಅಭಿನಯದ 'ರಕ್ಷಾ ಬಂಧನ' ಸಿನಿಮಾ ಕೂಡ ರಿಲೀಸ್ ಆಗಿದೆ. 'ತನು ವೆಡ್ಸ್ ಮನು' ಮತ್ತು 'ರಾಂಜನಾ' ಚಿತ್ರಗಳನ್ನು ನಿರ್ಮಿಸಿದ ನಿರ್ದೇಶಕ ಆನಂದ್ ಎಲ್ ರಾಯ್ ಈ ಚಿತ್ರವನ್ನು ನಿರ್ದೇಶಿಸಿದ್ದಾರೆ. ಈಗ ಯಾವ ಚಿತ್ರ ಬಾಕ್ಸ್ ಆಫೀಸ್‌ನಲ್ಲಿ ಎಷ್ಟೊಂದು ಗಳಿಸುತ್ತೆಂಬುದು ಈ ವಾರದೊಳಗೆ ಗೊತ್ತಾಗಲಿದೆ.
ಓದಿ: ಲಾಲ್ ಸಿಂಗ್ ಚಡ್ಡಾ ರಿಲೀಸ್: ಆತಂಕದಿಂದ 48 ಗಂಟೆ ನಿದ್ದೆ ಮಾಡಿಲ್ಲವಂತೆ ನಟ ಅಮೀರ್ ಖಾನ್
