ಬೆಂಗಳೂರು : ಬೆಂಗಳೂರು ಗ್ರಾಮಾಂತರ ಲೋಕಸಭಾ ಕ್ಷೇತ್ರದ ಆನೇಕಲ್ ತಾಲೂಕಿನ ಮತಗಟ್ಟೆಗಳಲ್ಲಿ ಕಾರಣಾಂತರಗಳಿಂದ ಮತದಾನ ಮಂದಗತಿಯಲ್ಲಿ ಸಾಗಿದೆ.
ಆನೇಕಲ್ ನ ಗಟ್ಟಹಳ್ಳಿ, ಹುಸ್ಕೂರು, ರಾಗಿಹಳ್ಳಿ ದಾಸನಪುರ ಮುಂತಾದೆಡೆ ವಿವಿಧ ಕಾರಣಗಳಿಂದ ಮತದಾನಕ್ಕೆ ಕೊಂಚ ಅಡೆತಡೆ ಉಂಟಾಯಿತು. ದಾಸನಪುರದಲ್ಲಿ ಹಿರಿಯ ಮತದಾರರ ಹೆಸರು ಈ ಬಾರಿ ಮತದಾರರ ಪಟ್ಟಿಯಲ್ಲಿಲ್ಲದ ಕಾರಣ ಮತಗಟ್ಟೆಗೆ ಬಂದು ಸಿಬ್ಬಂದಿಯನ್ನು ಪ್ರಶ್ನಿಸಿದರು. ಮತಪಟ್ಟಿಯಲ್ಲಿ ಹೆಸರಿಲ್ಲದ್ದಕ್ಕೆ ಮತಗಟ್ಟೆಯವರು ತಮಗೆ ಇದು ಸಂಬಂಧಪಟ್ಟ ವಿಚಾರವಲ್ಲವೆಂದು ಸಮಜಾಯಿಸಿ ನೀಡಿ ವಾಪಸ್ ಕಳಿಸಿದ್ದಾರೆ ಎಂದು ಆರೋಪಿಸಲಾಗಿದೆ.
ಮತದಾನಕ್ಕೆ ಅಡೆತಡೆ...ಆನೇಕಲ್ ವಿಧಾಸಭಾ ಕ್ಷೇತ್ರದಲ್ಲಿ 29.35% ಮತದಾನ
ಇನ್ನೂ ಕೆಲವೆಡೆ ಇವಿಎಂ ಯಂತ್ರಗಳು ಕೈಕೊಟ್ಟ ಕಾರಣ ಚಂದಾಪುರ ಮುಖ್ಯ ನಿರ್ವಹಣಾ ಕೇಂದ್ರದಿಂದ ಅವುಗಳನ್ನು ಸರಿಪಡಿಸಿ ಬದಲಾಯಿಸುವಲ್ಲಿ ತಾಂತ್ರಿಕ ಚುನಾವಣಾಧಿಕಾರಿಗಳು ಯಶಸ್ವಿಯಾದರು. ಬೆಳಗ್ಗೆ ಮಂದಗತಿಯಿಂದ ಆರಂಭಗೊಂಡ ಮತದಾನ ನಂತರ 11-12ಗೆ ಚೇತರಿಕೆ ಕಂಡಿತ್ತು. ಮ. 1.3ರ ಸುಮಾರಿಗೆ 29.35% ಮತದಾನ ದಾಖಲಾಗಿತ್ತು.
