ಆಹಾರ ಅರಸಿ ಆನಂದದೂರಿನ ಮನೆಯೊಳಗೆ ಬಂದು ಫ್ರಿಡ್ಜ್‌ನಲ್ಲಿ ಕುಳಿತ ಹಾವು! ವಿಡಿಯೋ ನೋಡಿ..

ಆಹಾರ ಅರಸಿ ಮನೆಯೊಳಗೆ ನುಗ್ಗಿದ ಹಾವೊಂದು ಫ್ರಿಡ್ಜ್​ ಸೇರಿರುವ ಘಟನೆ ಮೈಸೂರು ತಾಲೂಕಿನ ಆನಂದದೂರು ಗ್ರಾಮದಲ್ಲಿ ಬೆಳಕಿಗೆ ಬಂದಿದೆ.

ಮೈಸೂರು: ಫ್ರಿಡ್ಜ್‌ನೊಳಗೆ ನುಸುಳಿ ಕೂಲ್ ಆಗಿ ಮಲಗಿದ್ದ ಹಾವಿನ ಮರಿಯನ್ನು ತಾಲೂಕಿನ ಆನಂದದೂರು ಗ್ರಾಮದ ಮನೆಯೊಂದರಲ್ಲಿ ರಕ್ಷಣೆ ಮಾಡಲಾಗಿದೆ.

ಆನಂದದೂರು ಗ್ರಾಮದ ಕುಮಾರ್ ಎಂಬುವರ ಮನೆಯ ಫ್ರಿಡ್ಜ್​ನಲ್ಲಿ ತರಕಾರಿ ತೆಗೆಯಲು ಹೋದಾಗ ಹಾವಿನ ಮರಿ ಕಂಡುಬಂದಿದೆ. ಇದರಿಂದ ಬೆಚ್ಚಿಬಿದ್ದ ಮನೆಯವರು ಕೂಡಲೇ ಸ್ನೇಕ್ ಶಾಮ್ ಎಂಬವರಿಗೆ ಕರೆ ಮಾಡಿದ್ದಾರೆ‌.

ಸ್ಥಳಕ್ಕೆ ಆಗಮಿಸಿದ ಸ್ನೇಕ್ ಶ್ಯಾಮ್ ಫ್ರಿಡ್ಜ್‌ನಲ್ಲಿದ್ದ ವಿಷರಹಿತ ಹಾವಿನ ಮರಿಯನ್ನು ರಕ್ಷಣೆ ಮಾಡಿದ್ದಾರೆ. ಅಲ್ಲದೆ ಅವಶ್ಯಕತೆ ಇದ್ದಾಗ ಉಪಯೋಗಿಸಿ ನಂತರ ಫ್ರಿಡ್ಜ್​​ ಲಾಕ್ ​ಮಾಡಿ ಇಡುವಂತೆ ಕುಟುಂಬಕ್ಕೆ ಸಲಹೆ ನೀಡಿದರು.