ನನ್ನ ಆಟ ನಾ ಆಡುವೆ, ಟೀಂ​ಗೆ ಆಯ್ಕೆ ಮಾಡುವುದು ಸಮಿತಿಗೆ ಬಿಟ್ಟ ವಿಚಾರ: ಪ್ರಿಯಾಂಕ್​ ಪಾಂಚಾಲ್

ನಾಳೆಯಿಂದ ಮಾನಸಗಂಗೋತ್ರಿಯ ಗ್ಲೈಡ್ಸ್ ಮೈದಾನದಲ್ಲಿ ಭಾರತ ಎ ಮತ್ತು ಇಂಗ್ಲೆಂಡ್ ಲಯನ್ಸ್ ತಂಡಗಳ ಮಧ್ಯೆ ಪೈಪೋಟಿ... ಟೀಂ ಇಂಡಿಯಾಗೆ ಆಯ್ಕೆ ಮಾಡುವ ವಿಚಾರ ಆಯ್ಕೆ ಸಮಿತಿಗೆ ಬಿಟ್ಟ ವಿಚಾರ ಎಂದ ಯುವ ಕ್ರಿಕೆಟರ್ ಪ್ರಿಯಾಂಕ್ ಪಾಂಚಾಲ್.

ಮೈಸೂರು: ನನ್ನ ಆಟವನ್ನು ನಾನು ಆಡುತ್ತೇನೆ. ಇಂಡಿಯಾ ಟೀಂ​ಗೆ ಆಯ್ಕೆ ಮಾಡುವುದು ಆಯ್ಕೆ ಸಮಿತಿಗೆ ಬಿಟ್ಟ ವಿಚಾರ ಎಂದು ಇಂಡಿಯಾ ಎ ಟೀಂ​ನ ಭರವಸೆಯ ಆಟಗಾರ ಪ್ರಿಯಾಂಕ್ ಪಾಂಚಾಲ್ ಹೇಳಿದರು.

ನಾಳೆಯಿಂದ ನಗರದ ಮಾನಸಗಂಗೋತ್ರಿಯ ಗ್ಲೈಡ್ಸ್ ಮೈದಾನದಲ್ಲಿ ಆರಂಭವಾಗಲಿರುವ ಭಾರತ ಎ ಮತ್ತು ಇಂಗ್ಲೆಂಡ್ ಲಯನ್ಸ್ ತಂಡಗಳ ನಡುವಿನ ನಾಲ್ಕು ದಿನದ ಕ್ರಿಕೆಟ್ ಪಂದ್ಯಕ್ಕೂ ಮುನ್ನ ಮಾಧ್ಯಮ ಗೋಷ್ಠಿಯಲ್ಲಿ ಅವರು ಮಾತನಾಡಿದರು.

ನನ್ನ ಆಟವನ್ನು ನಾನು ಆಡುತ್ತೇನೆ. ಟೀಂ ಇಂಡಿಯಾಕ್ಕೆ ಆಯ್ಕೆ ಮಾಡುವುದು ಆಯ್ಕೆ ಸಮಿತಿಗೆ ಬಿಟ್ಟ ವಿಚಾರ. ಮೈಸೂರಿನ ಈ ಕ್ರೀಡಾಂಗಣ ನಾಲ್ಕು ದಿನದ ಪಂದ್ಯಕ್ಕೆ ಸ್ಪರ್ಧಾತ್ಮಕ ಬೌಲಿಂಗ್ ಮತ್ತು ಬ್ಯಾಟಿಂಗ್ ಎರಡಕ್ಕೂ ಅನುಕೂಲವಾಗಲಿದೆ. ಭಾರತ ಎ ತಂಡದ ಕೋಚ್ ರಾಹುಲ್ ದ್ರಾವಿಡ್​ರಿಂದ ಬಹಳ ಕಲಿಯುತ್ತಿದ್ದೇನೆ. ಪ್ರತಿ ಪಂದ್ಯಕ್ಕೂ ನನ್ನಲ್ಲಿ ಆತ್ಮವಿಶ್ವಾಸ ಹೆಚ್ಚಾಗುತ್ತಿದ್ದು, ಇದರಿಂದಲೇ ಉತ್ತಮ ಪ್ರದರ್ಶನ ನೀಡಲು ಸಾಧ್ಯವಾಗುತ್ತಿದೆ. ಅದೇ ರೀತಿ ನಾಳಿನ ಪಂದ್ಯದಲ್ಲೂ ಉತ್ತಮವಾಗಿ ಆಡತ್ತೇನೆ ಎಂದು ಪ್ರಿಯಾಂಕ್​ ಪಾಂಚಾಲ್ ವಿಶ್ವಾಸದಿಂದ ನುಡಿದರು.