ಮೈಸೂರು: ಗೊರಿಲ್ಲಗೆ ಮೈಸೂರು ಮೃಗಾಲಯದಲ್ಲಿ ನಿರ್ಮಿಸಿರುವ ಹೊಸ ಆವರಣದಲ್ಲಿ ಚಿಂಪಾಂಜಿ ಮೇಸನ್ ಆಟವಾಡುತ್ತಾ ಪ್ರವಾಸಿಗರನ್ನು ಆಕರ್ಷಿಸಿತು. ಗೊರಿಲ್ಲಕ್ಕೆ ವಿಶೇಷ ಆವರಣ ನಿರ್ಮಾಣಕ್ಕೆ ಇನ್ಫೋಸಿಸ್ ಫೌಂಡೇಶನ್ ನೆರವು ನೀಡಿದ್ದು, ಈ ಕಾರ್ಯಕ್ಕೆ ಮೃಗಾಲಯ ಪ್ರಾಧಿಕಾರವು ಇನ್ಫೋಸಿಸ್ ಫೌಂಡೇಶನ್ಗೆ ಶ್ಲಾಘನೆ ವ್ಯಕ್ತಪಡಿಸಿದೆ.
ಈ ಹಿನ್ನೆಲೆ, ಇನ್ಫೋಸಿಸ್ ಫೌಂಡೇಶನ್ ಅಧ್ಯಕ್ಷೆ ಸುಧಾಮೂರ್ತಿ ಮೃಗಾಲಯಕ್ಕೆ ಭೇಟಿ ನೀಡಿ, ಗೊರಿಲ್ಲದ ಆವರಣ ಕುರಿತು ಅಧಿಕಾರಿಗಳಿಂದ ಮಾಹಿತಿ ಪಡೆದು ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಇದನ್ನೂ ಓದಿ: ಇಬ್ಬರು ಹೆಣ್ಣು ಮಕ್ಕಳೊಂದಿಗೆ ತಾಯಿ ಆತ್ಮಹತ್ಯೆ ಯತ್ನ.. ಹಿರಿ ಮಗಳು ಸಾವು, ಕಿರಿ ಮಗಳು ಪಾರು
ಹೊಸ ಮನೆಯಲ್ಲಿ ಚಿಂಪಾಂಜಿಯ ಆಟ:
ಮೃಗಾಲಯದ ನಿರ್ಮಿಸಿರುವ ಹೊಸ ಮನೆಯಲ್ಲಿ ಚಿಂಪಾಂಜಿ ಆಟವಾಡುತ್ತಾ ಪ್ರವಾಸಿಗರ ಆಕರ್ಷಣೆಗೆ ಪಾತ್ರವಾಗಿತ್ತು. ಮೇಸನ್ ಎಂಬ ಹೆಸರಿನ ಚಿಂಪಾಂಜಿಗೆ ಹೊಸ ಜಾಗದಲ್ಲಿ ವಿಶ್ರಾಂತಿಗಾಗಿ ವಿಶೇಷ ಕೊಠಡಿ, ಉಯ್ಯಾಲೆ, ಅಟ್ಟಣಿಗೆ ಹಾಗೂ ನೀರಿನ ಕೊಳ ಇದ್ದು, ಚಿಂಪಾಂಜಿ ಸಂತೋಷದಿಂದ ವಿಹರಿಸುತ್ತಿದ್ದು, ಈ ದೃಶ್ಯ ಪ್ರವಾಸಿಗರನ್ನು ಆಕರ್ಷಿಸುತ್ತಿದೆ.
