ಮೈಸೂರು: ಸಾಂಸ್ಕೃತಿಕ ನಗರಿ ಮೈಸೂರಿನ ಚಾಮರಾಜೇಂದ್ರ ಮೃಗಾಲಯದಲ್ಲಿ ಗೊರಿಲ್ಲಾದ ಜನ್ಮದಿನವನ್ನು ವಿವಿಧ ತರಕಾರಿಗಳನ್ನು ಜೋಡಿಸಿ ವಿಶಿಷ್ಟ ರೀತಿಯಲ್ಲಿ ಇಂದು ಆಚರಣೆ ಮಾಡಲಾಯಿತು.
ಮೈಸೂರು ಮೃಗಾಲಯದಲ್ಲಿ ಗೊರಿಲ್ಲಾ ಜನ್ಮದಿನ ಸಂಭ್ರಮ
ಜರ್ಮನಿಯಿಂದ ಕಳೆದ ಅಕ್ಟೋಬರ್ನಲ್ಲಿ ಮೈಸೂರಿನ ಮೃಗಾಲಯಕ್ಕೆ ತರಲಾಗಿದ್ದ ಎರಡು ಸಹೋದರ ಗೊರಿಲ್ಲಾಗಳಲ್ಲಿ ಒಂದಾದ ಡೆಂಬ ಹೆಸರಿನ ಗೊರಿಲ್ಲಾಗೆ ಇಂದು 9ನೇ ವರ್ಷದ ಜನ್ಮ ಸಂಭ್ರಮ. ಹೀಗಾಗಿ ಅದು ತಿನ್ನುವ ವಿವಿಧ ತರಕಾರಿಗಳನ್ನು 'ವಿಶ್ ಯೂ ಹ್ಯಾಪಿ ಬರ್ತ್‌ಡೇ ಡೆಂಬ' ಎಂದು ಜೋಡಿಸಿ ಮೃಗಾಲಯದ ಸಿಬ್ಬಂದಿ ವಿಶಿಷ್ಟ ರೀತಿಯಲ್ಲಿ ಆಚರಿಸಿ ಶುಭ ಕೋರಿದ್ದಾರೆ.
ಇದನ್ನು ಮೃಗಾಲಯಕ್ಕೆ ಆಗಮಿಸಿದ್ದ ಪ್ರವಾಸಿಗರು ಕಂಡು ಫೋಟೋ, ವಿಡಿಯೋ ಕ್ಲಿಕ್ಕಿಸಿ ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದಾರೆ.
ಇದನ್ನೂ ಓದಿ: ಕೊರೊನಾ ನಿರ್ಬಂಧ : ಮೈಸೂರಿನ ಸುತ್ತೂರು ಶಿವರಾತ್ರೀಶ್ವರ ಜಾತ್ರೋತ್ಸವ ರದ್ದು
