ಮೈಸೂರು: ಮಗ ಮಾಡಿದ ಅಪಘಾತಕ್ಕೆ ಸಂಬಂಧಿಸಿದಂತೆ ವ್ಯಕ್ತಿಗೆ ಮಹಿಳಾ ಸಬ್ ಇನ್ಸ್ಪೆಕ್ಟರ್ ರಸ್ತೆಯಲ್ಲೇ ಹಲ್ಲೆ ನಡೆಸಿರುವ ಘಟನೆ ಗಾಯತ್ರಿಪುರಂನಲ್ಲಿ ನಡೆದಿದೆ.
ವ್ಯಕ್ತಿಯ ಮೇಲೆ ಹಲ್ಲೆ ಮಾಡಿದ ಮಹಿಳಾ ಸಬ್ ಇನ್ಸ್ಪೆಕ್ಟ
ಕಳೆದ 2 ದಿನಗಳ ಹಿಂದೆ ನಗರದ ಗಾಯಿತ್ರಿಪುರಂ ನಲ್ಲಿ ತನ್ನ ಅಪ್ರಾಪ್ತ ಮಗನೊಂದಿಗೆ ಬೈಕ್ನಲ್ಲಿ ಟಿ.ನರಸೀಪುರ ಸಬ್ ಇನ್ಸ್ಪೆಕ್ಟರ್ ಯಾಸೀನ್ ತಾಜ್ ಹೊರಟಿದ್ದರು. ಈ ವೇಳೆ ಗಾಯತ್ರಿಪುರಂ ಚರ್ಚ್ ರಸ್ತೆಯ ಬಳಿ ಪರಮೇಶ್ ಎಂಬ ವ್ಯಕ್ತಿಗೆ ಗುದ್ದಿದ್ದಾರೆ. ಈ ಸಂಬಂಧ ಪರಮೇಶ್ ಅಪ್ರಾಪ್ತ ಯುವಕನನ್ನು ಕೇಳಲು ಮುಂದಾದಾಗ ಈ ಮಹಿಳಾ ಸಬ್ ಇನ್ಸ್ಪೆಕ್ಟರ್ ತನ್ನ ಮಗನ ಪರವಾಗಿ ಆ ವ್ಯಕ್ತಿಯ ಮೇಲೆ ಹಲ್ಲೆ ನಡೆಸಿದ್ದು, ವ್ಯಕ್ತಿಯ ಎಡಭಾಗದ ಕಣ್ಣಿಗೆ ಗಾಯವಾಗಿದೆ.
ಈ ಸಂಬಂಧ ಹಲ್ಲೆಗೊಳಗಾದ ವ್ಯಕ್ತಿ ಸಿದ್ದಾರ್ಥ ಸಂಚಾರಿ ಠಾಣೆಗೆ ದೂರು ನೀಡಲು ಹೋದಾಗ, ಈ ಮಹಿಳಾ ಸಬ್ ಇನ್ಸ್ಪೆಕ್ಟರ್ ಆತನಿಗೆ ಕರೆ ಮಾಡಿ ಪ್ರಾಣ ಬೆದರಿಕೆಯನ್ನು ಹಾಕಿದ್ದಾರೆ ಎಂದು ಉದಯಗಿರಿ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.
