ಮಂಗಳೂರು: ಕೇಂದ್ರ ಸರ್ಕಾರ ಪೇಜಾವರ ಶ್ರೀ ವಿಶ್ವೇಶ ತೀರ್ಥ(sri vishwesha theertha) ಸ್ವಾಮೀಜಿಯವರಿಗೆ ಅವರ ವ್ಯಕ್ತಿಗತವಾದ ಗುಣ ಗ್ರಹಿಸಿ ಪದ್ಮವಿಭೂಷಣ ಪ್ರಶಸ್ತಿ (padma vibhushan award ) ಯನ್ನು ನೀಡಲಾಗಿದೆ. ಈ ವ್ಯಕ್ತಿಗತವಾದ ಗುಣ ಇನ್ನಾರಿಗೂ ಬರಲು ಸಾಧ್ಯವಿಲ್ಲ. ಹಾಗಾಗಿ ಈ ಪ್ರಶಸ್ತಿ ಶ್ರೀಗಳ ಪ್ರಶಸ್ತಿಯಾಗಿದ್ದು, ಇದು ಅವರ ಮಹತ್ವ ಎಂದು ಪೇಜಾವರ ಶ್ರೀ ವಿಶ್ವಪ್ರಸನ್ನ ತೀರ್ಥ ಸ್ವಾಮೀಜಿ(vishwaprasanna theertha swamiji) ಹೇಳಿದರು.
ಪೇಜಾವರ ಶ್ರೀಗಳಿಗೆ ಮರಣೋತ್ತರವಾಗಿ ನೀಡಿರುವ ಪದ್ಮವಿಭೂಷಣ ಪ್ರಶಸ್ತಿಯನ್ನು ರಾಷ್ಟ್ರಪತಿ ರಾಮನಾಥ ಕೋವಿಂದ್ (president Ram Nath Kovind) ಅವರಿಂದ ಸ್ವೀಕರಿಸಿದ ಅವರು, ಮಂಗಳೂರಿಗೆ ಆಗಮಿಸಿ ಮಾತನಾಡಿದರು. ಬೇರೆ - ಬೇರೆ ಕ್ಷೇತ್ರಗಳ ಸಾಧನೆ, ಸೇವೆ ಗ್ರಹಿಸಿ ಪದ್ಮಪ್ರಶಸ್ತಿಗಳನ್ನು ನೀಡಲಾಗುತ್ತದೆ. ಆದರೆ, ಆ ಕ್ಷೇತ್ರಗಳಲ್ಲಿ ಸಾಕಷ್ಟು ಜನರು ಬಂದು ಹೋಗಿರಬಹುದು. ಪ್ರಶಸ್ತಿ ಪಡೆದಿರಬಹುದು. ಮುಂದೆಯೂ ಆ ಕ್ಷೇತ್ರಗಳಲ್ಲಿ ಪ್ರಶಸ್ತಿ ಪಡೆಯುವವರು ಇರಬಹುದು. ಪೇಜಾವರ ಶ್ರೀಗಳ ಆದರ್ಶ ನಮ್ಮ ಕಣ್ಣ ಮುಂದೆ ಇದ್ದು, ಆ ದಾರಿಯಲ್ಲಿ ನಡೆಯುವ ಶಕ್ತಿಯನ್ನು ಗುರುಗಳು ನಮಗೆ ಅನುಗ್ರಹಿಸಬೇಕು ಎಂದು ಹೇಳಿದರು.
ಇದನ್ನೂ ಓದಿ: ಪುನೀತ್ ಸಾವಿನ ಬಳಿಕ ಭಟ್ಕಳದ ಸರ್ಕಾರಿ ಆಸ್ಪತ್ರೆ ಕಡೆ ಮುಖ ಮಾಡಿದ ಯುವ ಜನತೆ
ಪದ್ಮವಿಭೂಷಣ ಪ್ರಶಸ್ತಿಯನ್ನು ರಾಮನಾಥ ಕೋವಿಂದ್ ಅವರು ಕೊಡುವ ವೇಳೆ ವಿಶ್ವೇಶ ತೀರ್ಥ ಸ್ವಾಮೀಜಿ ಇರಬೇಕಿತ್ತು. ಗುರುಗಳು ಇರುವಾಗ ಈ ಪ್ರಶಸ್ತಿ ಅವರಿಗೆ ಸಂದಾಯವಾಗಬೇಕಿತ್ತು ಎಂದು ಹೇಳಿದ್ದರು. ಆದರೆ, ಈ ಸಮಯದಲ್ಲಿ ಅವರು ನಮ್ಮೊಂದಿಗೆ ಇಲ್ಲದಿರುವುದು ದುರ್ವಿಧಿಯಾಗಿದೆ. ಪೇಜಾವರ ಶ್ರೀಗಳ ವ್ಯಕ್ತಿತ್ವ ಈ ಪ್ರಶಸ್ತಿಯಿಂದ ದೊಡ್ಡದಾಗಿರೋದಲ್ಲ. ಗುರುಗಳಿಗೆ ನೀಡುವ ಮೂಲಕ ಈ ಪ್ರಶಸ್ತಿಗೂ ಗೌರವ ಲಭ್ಯವಾಯಿತು ಎಂದು ನಾವು ಭಾವಿಸುತ್ತೇವೆ ಎಂದು ಹೇಳಿದರು.
