ಕೈಕಾಲು ಕಡಿತೀವಿ, ಅಗತ್ಯಬಿದ್ರೆ ತಲೆನೂ ತೆಗಿತೀವಿ: ಮಿಥುನ್ ರೈಗೆ ಬೆದರಿಕೆಯ ವಿಡಿಯೋ ವೈರಲ್

ಕರಾವಳಿ ನಗರಿಯಲ್ಲಿ ಇದೀಗ ವಿಡಿಯೋವೊಂದು ವೈರಲ್​ ಆಗಿದೆ. ಲೋಕಸಭಾ ಚುನಾವಣೆಯಲ್ಲಿ ಪರಾಭವಗೊಂಡ ಕೈ ಅಭ್ಯರ್ಥಿ ಮಿಥುನ್​ ರೈಗೆ ಹಿಂದೂ ಸಂಘಟನೆವೊಂದರ ಕಾರ್ಯಕರ್ತರು ಬೆದರಿಕೆ ಹಾಕಿದ್ದಾರೆ. ತಲೆ ಕಡಿಯಲು ಹಿಂದೆ ಮುಂದೆ ನೋಡುವುದಿಲ್ಲ ಎಂದು ಘೋಷಣೆ ಕೂಗಿದ್ದಾರೆ.

ಮಂಗಳೂರು: ದಕ್ಷಿಣ ಕನ್ನಡ ಲೋಕಸಭಾ ಕ್ಷೇತ್ರದಲ್ಲಿ ಕಾಂಗ್ರೆಸ್​ನಿಂದ ಸ್ಪರ್ಧಿಸಿ ಸೋತ ಮಿಥುನ್ ರೈಗೆ ಕೊಲೆ ಬೆದರಿಕೆ ಹಾಕಿ ಘೋಷಣೆ ಕೂಗುವ ವಿಡಿಯೋ ವೈರಲ್ ಆಗಿದೆ.

ವಿಡಿಯೋದಲ್ಲಿ ಓರ್ವ ಈ ಘೋಷಣೆ ಹಾಕಿದ್ದು, ಜೊತೆಗಿದ್ದ ಇತರರು ಆತನಿಗೆ ಧ್ವನಿಗೂಡಿಸಿದ್ದಾರೆ. ಮಿಥುನ್ ರೈ ಹೆಸರನ್ನು ಹೇಳಿಯೇ ನೇರವಾಗಿ ಘೋಷಣೆ ಮಾಡಲಾಗಿದೆ. ಮಿಥುನ್​ ರೈಗೆ ಬೈದು ಘೋಷಣೆ ಕೂಗಲಾಗಿದೆ. ಘೋಷಣೆ ಕೂಗಿದವರು ಹಿಂದೂ ಸಂಘಟನೆವೊಂದರ ಕಾರ್ಯಕರ್ತರು ಎನ್ನಲಾಗಿದೆ.

ನಮ್ಮ ಸಂಘಟನೆಯ ಸುದ್ದಿಗೆ ಬಂದ್ರೆ ಕೈ- ಕಾಲು ಕಡಿಯುತ್ತೇವೆ. ಅಗತ್ಯಬಿದ್ದರೆ ತಲೆ ಕೂಡಾ ತೆಗೆಯುತ್ತೇವೆ ಎಂದು ಮಿಥುನ್​ ರೈಗೆ ಘೋಷಣೆ ಮೂಲಕ ಎಚ್ಚರಿಕೆ ನೀಡಿರುವುದು ವಿಡಿಯೋದಲ್ಲಿದೆ. ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದ್ದು, ಕ್ರಮ ತೆಗೆದುಕೊಳ್ಳುವಂತೆ ಪೊಲೀಸ್ ಇಲಾಖೆಗೆ ಆಗ್ರಹಿಸಲಾಗುತ್ತಿದೆ.