ಸುಳ್ಯ: ಪಂಜ ಸಮೀಪದ ಗೋಳಿಯಡಿಯ ನಿವಾಸಿಯೊಬ್ಬರಿಗೆ ಮತ್ತು ಕಡಬದ ಫೋಟೋಗ್ರಾಫರ್ ಓರ್ವರಿಗೆ ಕೊರೊನಾ ಸೋಂಕು ತಗುಲಿರುವುದು ದೃಢಪಟ್ಟಿದೆ.
ಐವತ್ತೊಕ್ಲು ಹಾಗೂ ಕಲ್ಮಡ್ಕ ಗ್ರಾಮಗಳ ನಡುವೆ ಬರುವ ಮುಚ್ಚಿಲ ನಿವಾಸಿಯೊಬ್ಬರು ಕಿಡ್ನಿ ತೊಂದರೆಯಿಂದ ಬಳಲುತ್ತಿದ್ದು, ಡಯಾಲಿಸಿಸ್ಗಾಗಿ ಸುಳ್ಯ ತಾಲೂಕು ಆರೋಗ್ಯ ಕೇಂದ್ರಕ್ಕೆ ಹೋಗುತ್ತಿದ್ದರು.
ಸುಳ್ಯ ಆಸ್ಪತ್ರೆ ಸೀಲ್ಡೌನ್ ಆದ ಕಾರಣ ಮಂಗಳೂರಿನ ಆಸ್ಪತ್ರೆಗೆ ತೆರಳಿರುವ ವೇಳೆ ಅವರ ಗಂಟಲು ದ್ರವ ಮಾದರಿಯ ಪರೀಕ್ಷೆ ನಡೆಸಲಾಗಿತ್ತು. ಇದೀಗ ವರದಿ ಬಂದಿದ್ದು ಅವರಿಗೆ ಕೊರೊನಾ ದೃಢಪಟ್ಟಿದೆ. ಇದೇ ತರಹ ಕಡಬದಲ್ಲಿ ಫೋಟೋಗ್ರಾಫರ್ಗೂ ಕೊರೊನಾ ಪಾಸಿಟಿವ್ ವರದಿ ಬಂದಿದೆ.
ಈ ಹಿನ್ನೆಲೆಯಲ್ಲಿ ಅಧಿಕಾರಿಗಳು ಕಡಬದ ಕೋಡಿಂಬಾಳ ಸಮೀಪದ ಕೊರೊನಾ ಸೋಂಕಿತ ವ್ಯಕ್ತಿಯ ಹಾಗೂ ಗೋಳಿಯಡಿಗೆ ವ್ಯಕ್ತಿಯ ಮನೆಗೆ ಭೇಟಿ ನೀಡಿದ್ದು, ಸೋಂಕಿತರ ಮನೆ ಸೀಲ್ ಡೌನ್ ಮಾಡಿ ಹೋಮ್ ಕ್ವಾರಂಟೈನ್ ಆಗಿರಲು ಮನೆಯವರಿಗೆ ತಿಳಿಸಲಾಗಿದೆ.
