ಬೆಳ್ತಂಗಡಿ (ದಕ್ಷಿಣ ಕನ್ನಡ): ಬೆಳ್ತಂಗಡಿ ತಾಲೂಕಿನ ಅಳದಂಗಡಿ ಸಮೀಪದ ನಾವರ ಗ್ರಾಮದ ಕೋಡೆಲ್ ಎಂಬಲ್ಲಿ ಹಳೆಯ ಮನೆಯೊಂದರಲ್ಲಿ ಕಳೆದ ಮೂರು ದಿನಗಳಿಂದ ಅವಿತುಕೊಂಡಿದ್ದ ಕಾಳಿಂಗ ಸರ್ಪವನ್ನು ಸ್ನೇಕ್ ಅಶೋಕ್ ಲಾಯಿಲ ಸೆರೆ ಹಿಡಿದರು.
ಮೂರು ದಿನಗಳಿಂದ ಅವಿತಿದ್ದ ಕಾಳಿಂಗ ಸರ್ಪ ಸೆರೆ
ನಾವರ ಗ್ರಾಮದ ಕೋಡೆಲ್ ಧರ್ಣಪ್ಪ ಮಲೆಕುಡಿ ಎಂಬುವವರ ಹಳೆಯ ಮನೆಯಲ್ಲಿ ಮಳೆಗಾಲಕ್ಕೆ ಕಟ್ಟಿಗೆ ಸಂಗ್ರಹಿಸಿಡಲಾಗಿತ್ತು. ಈ ಕಟ್ಟಿಗೆ ರಾಶಿಯಲ್ಲಿ ಬೃಹತ್ ಗಾತ್ರದ ಕಾಳಿಂಗ ಸರ್ಪ ಸೇರಿಕೊಂಡಿತ್ತು. ಮನೆಯವರು ಸ್ವಲ್ಪಹೊತ್ತಿನ ಬಳಿಕ ಹೋಗಬಹುದು ಎಂದು ತಿಳಿದಿದ್ದರು.
ಆದರೆ, ಕಾಳಿಂಗ ಸರ್ಪ ಮೂರು ದಿನವಾದರೂ ಹೋಗದ ಕಾರಣ ಸ್ನೇಕ್ ಅಶೋಕ್ ಲಾಯಿಲ ಮಾಹಿತಿ ನೀಡಿದ್ದಾರೆ. ಕೂಡಲೇ ಸ್ಥಳಕ್ಕೆ ತೆರಳಿದ ಅಶೋಕ್, ಕಾಳಿಂಗ ಸರ್ಪವನ್ನು ಸೆರೆಹಿಡಿದು ಸುರಕ್ಷಿತವಾಗಿ ಕಾಡಿಗೆ ಬಿಟ್ಟಿದ್ದಾರೆ.
ಇದನ್ನೂ ಓದಿ: ಅನ್ಯಜಾತಿ ಪ್ರೇಮಿಗಳನ್ನ ತಲೆ ಬೋಳಿಸಿ ದಂಡಿಸಿದ ಕುಟುಂಬಸ್ಥರು
