MRPL's SPM: 500ನೇ ಸರಕು ಸಾಗಣೆ ಹಡಗು ಇಳಿಸಿ ಹೊಸ ಮೈಲಿಗಲ್ಲು ಸೃಷ್ಟಿಸಿದ ಎಂಆರ್​ಪಿಎಲ್

ನವಮಂಗಳೂರು ಬಂದರಿನಲ್ಲಿ ಎಂಆರ್​ಪಿಎಲ್​ನ ಎಸ್​ಪಿಎಂ ಮೂಲಕ ಕಚ್ಚಾ ತೈಲ ಸಾಗಿಸುವ 500ನೇ ಸರಕು ಸಾಗಾಟದ ಹಡಗನ್ನು ಯಶಸ್ವಿಯಾಗಿ ಇಳಿಸಲಾಗಿದೆ.

ಮಂಗಳೂರು: ಮಂಗಳೂರು ರಿಫೈನರಿ ಮತ್ತು ಪೆಟ್ರೋಕೆಮಿಕಲ್ಸ್ ಲಿಮಿಟೆಡ್ (ಎಂಆರ್​ಪಿಎಲ್​ -MRPL)ನ ಸಿಂಗಲ್ ಪಾಯಿಂಟ್ ಮೂರಿಂಗ್ (SPM -Single Point Mooring) ನಿಲ್ದಾಣದ ಮೂಲಕ ನವಮಂಗಳೂರು ಬಂದರಿನಲ್ಲಿ 500ನೇ ಸರಕು ಸಾಗಾಟದ ಹಡಗನ್ನು ಯಶಸ್ವಿಯಾಗಿ ಇಳಿಸಿ ಹೊಸ ಮೈಲಿಗಲ್ಲು ಸೃಷ್ಟಿಸಿದೆ.

ಕಚ್ಚಾ ತೈಲ ಸಾಗಿಸುವ ಹಡಗು (Crude Oil vessel) ಇದಾಗಿದ್ದು. ಎಂಆರ್​ಪಿಎಲ್ ನ ಈ ಕಾರ್ಯದಿಂದ ರಾಜ್ಯ ಮತ್ತು ಕೇಂದ್ರ ಸರ್ಕಾರದ ಬೊಕ್ಕಸಕ್ಕೆ ಆದಾಯ ಗಳಿಸುವ ಮೂಲಕ ವಿದೇಶಿ ವಿನಿಮಯದಲ್ಲಿ ಗಮನಾರ್ಹ ಉಳಿತಾಯ ಮಾಡಿದಂತಾಗಿದೆ.

ಸೋಮವಾರ 1.35 ಮಿಲಿಯನ್ ಮೆಟ್ರಿಕ್ ಟನ್ ಸಾಮರ್ಥ್ಯದೊಂದಿಗೆ ಸೌದಿ ಅರೇಬಿಯಾದಿಂದ ಆಗಮಿಸಿದ ಹಡಗಿನಿಂದ ಯುರೋಗ್ಲೋರಿ ಅನ್ನು ಇಳಿಸಲಾಗಿದೆ. ಎಂಆರ್​ಪಿಎಲ್​ನ ಎಸ್​ಪಿಎಂ ಅನ್ನು ಆಗಸ್ಟ್ 2013 ರಲ್ಲಿ ಉದ್ಘಾಟಿಸಲಾಗಿತ್ತು. ಅಂದಿನಿಂದ ಎಂಆರ್​ಪಿಎಲ್ ತಂಡವು 3 ವಿಭಿನ್ನ ವಿಭಾಗಗಳಲ್ಲಿ 500 ಹಡಗುಗಳ ಮೂಲಕ 75.5 ಮಿಲಿಯನ್ ಮೆಟ್ರಿಕ್ ಟನ್‌ಗಳನ್ನು ಯಶಸ್ವಿಯಾಗಿ ಇಳಿಸಿ ನಿರ್ವಹಣೆ ಮಾಡಿದೆ.

500ನೇ ಸರಕು ಸಾಗಾಟದ ಹಡಗು ಇಳಿಸಿ ಹೊಸ ಮೈಲಿಗಲ್ಲು ಸೃಷ್ಟಿಸಿದ ಎಂಆರ್​ಪಿಎಲ್

ಇದನ್ನೂ ಓದಿ: Space Junk: ಗಗನಯಾತ್ರಿಗಳಿಗೆ ಬೆದರಿಕೆಯೊಡ್ಡಿದ 'ಬಾಹ್ಯಾಕಾಶ ತ್ಯಾಜ್ಯ'

ಎಂಆರ್​ಪಿಎಲ್​ನ ಎಸ್​ಪಿಎಂ ಮೂಲಕ ಇರಾನ್, ಇರಾಕ್, ಸೌದಿ ಅರೇಬಿಯಾ, ಯುಎಇ ,ಕುವೈತ್ ಮತ್ತು ಯುಎಎಸ್​​ಎ ನಂತಹ ದೇಶಗಳಿಂದ ಹಡಗುಗಳನ್ನು ಇಳಿಸಿದೆ. ಎಂಆರ್​ಪಿಎಲ್ ತಂಡವು ವಿವಿಧ ಸವಾಲುಗಳನ್ನು ಧೈರ್ಯದಿಂದ ಎದುರಿಸಿ ಈ ಸಾಧನೆ ಮಾಡಿದೆ.

2012 ರವರೆಗೆ, ಎಂಆರ್​ಪಿಎಲ್ ಸಣ್ಣ ಹಡಗುಗಳ ಮೂಲಕ ಮಾತ್ರ ಕಚ್ಚಾ ತೈಲವನ್ನು ಇಳಿಸುತ್ತಿತ್ತು. ಇವುಗಳನ್ನು ಎನ್ ಎಂಪಿಟಿಯ ಜೆಟ್ಟಿ 11 ಮತ್ತು 12 ರಲ್ಲಿ ಇಳಿಸಲಾಗುತ್ತಿತ್ತು. 245 ಮೀಟರ್‌ಗಿಂತ ಕಡಿಮೆ ಉದ್ದ ಮತ್ತು 14 ಮೀಟರ್ ಡ್ರಾಫ್ಟ್ (ಸಮುದ್ರದೊಳಗಿನ ಹಡಗಿನ ಭಾಗ) ಹೊಂದಿರುವ ಸಣ್ಣ ಹಡಗುಗಳನ್ನು ಜೆಟ್ಟಿಯಲ್ಲಿ ಮಾತ್ರ ಇಳಿಸಬಹುದಾಗಿತ್ತು. ಈಗ ಪ್ರತ್ಯೇಕ ಎಸ್ ಪಿಎಂ ಮೂಲಕ 330 ಮೀಟರ್ ಉದ್ದ ಮತ್ತು 22 ಮೀಟರ್ ಡ್ರಾಫ್ಟ್ ಹೊಂದಿರುವ ಹಡಗುಗಳಿಗೆ ಒಳ ಬರಲು ಸಾಧ್ಯವಾಗುತ್ತಿದೆ.