ಮಂಗಳೂರು(ದಕ್ಷಿಣ ಕನ್ನಡ): ಹಿಜಾಬ್, ಕೇಸರಿ ಶಾಲು ವಿವಾದದ ಹಿನ್ನೆಲೆಯಲ್ಲಿ ಖಾಸಗಿ ಶಾಲೆಯೊಂದು ಒಂದನೇ ತರಗತಿಗೆ ಸಿಖ್ ಬಾಲಕನನ್ನು ಸೇರಿಸಲು ಟರ್ಬನ್ ಹಾಕದಂತೆ ಸೂಚಿಸಿದ್ದು, ಈ ವಿಚಾರ ಮಾತುಕತೆ ಬಳಿಕ ಪರಿಹಾರವಾಗಿದೆ.
ಮಂಗಳೂರಿನಲ್ಲಿ ವಾಸವಾಗಿರುವ ರಾಷ್ಟ್ರೀಯ ಸಿಖ್ ಸಂಘಟನೆಯ ಕಾರ್ಯದರ್ಶಿ ಬಲ್ವಿಂದರ್ ಸಿಂಗ್ ಅವರು ತಮ್ಮ 6 ವರ್ಷದ ಮಗನನ್ನು ಒಂದನೇ ತರಗತಿಗೆ ಸೇರಿಸಲು ಖಾಸಗಿ ಶಾಲೆಗೆ ಹೋಗಿದ್ದರು. ಹಿಜಾಬ್ ವಿವಾದದ ಹಿನ್ನೆಲೆಯಲ್ಲಿ ಶಾಲಾ ಆಡಳಿತ ಮಂಡಳಿ ಟರ್ಬನ್ ತೆಗೆಯದೇ ಶಾಲೆಗೆ ಪ್ರವೇಶ ನೀಡಲು ನಿರಾಕರಿಸಿದೆ.
ಇದನ್ನೂ ಓದಿ: ಕೇಸರಿ ಶಾಲು-ಹಿಜಾಬ್ ತೆಗೆಸಿದಂತೆ ಟರ್ಬನ್ ತೆಗೆಯಲು ಸಾಧ್ಯವೇ? ಬೆಂಗಳೂರು ಕಾಲೇಜು ಆಡಳಿತ ಮಂಡಳಿ ಮನವಿ ಒಪ್ಪದ ವಿದ್ಯಾರ್ಥಿನಿ
ಒಂದೋ ಟರ್ಬನ್ ತೆಗೆಯಬೇಕು, ಇಲ್ಲಾ ಬೇರೆ ಶಾಲೆಯಲ್ಲಿ ಶಾಲೆಗೆ ಸೇರಿಸಿ ಎಂದು ಸೂಚಿಸಲಾಗಿತ್ತು. ಇದರಿಂದಾಗಿ ಸಿಖ್ ಬಾಲಕನ ಶಾಲಾ ಪ್ರವೇಶಕ್ಕೆ ಅಡ್ಡಿ ಎದುರಾಗಿತ್ತು. ಆದರೆ ಆ ಬಳಿಕ ಶಾಲಾ ಆಡಳಿತ ಮಂಡಳಿ ಜೊತೆಗೆ ವಿವಿಧ ಹಂತದ ಮಾತುಕತೆ ನಡೆಸಿದ ಬಳಿಕ ಸಿಖ್ ಬಾಲಕನಿಗೆ ಟರ್ಬನ್ ಧರಿಸಲು ಅವಕಾಶ ನೀಡಲಾಗಿದೆ. ಈ ಬಗ್ಗೆ 'ಈಟಿವಿ ಭಾರತ' ಜೊತೆಗೆ ಮಾತನಾಡಿರುವ ಬಲ್ವಿಂದರ್ ಸಿಂಗ್ ಅವರು ಸಮಸ್ಯೆ ಬಗೆಹರಿದಿದೆ ಎಂದು ತಿಳಿಸಿದ್ದಾರೆ.
