ಮಂಗಳೂರು: ಮಂಗಳೂರು ಅಂತಾರಾಷ್ಟ್ರೀಯ ವಿಮಾನ ನಿಲ್ದಾಣದಲ್ಲಿ ನಿನ್ನೆ ಬಾಂಬ್ ಪತ್ತೆ ಯಾದ ಹಿನ್ನೆಲೆಯಲ್ಲಿ ಇಂದು ಎನ್ಎಸ್ಜಿ ಬ್ಲ್ಯಾಕ್ ಕಮಾಂಡೋ ತಂಡ ಮಂಗಳೂರಿಗೆ ಆಗಮಿಸಿದ್ದು ಪರಿಶೀಲನೆ ಆರಂಭಿಸಿದೆ.
ಪರಿಶೀಲನೆ ನಡೆಸುತ್ತಿರುವ ಎನ್ಎಸ್ಜಿ ತಂಡ
ಇಂದು ಮುಂಜಾನೆ ಮಂಗಳೂರಿಗೆ ಬಂದ ಎನ್ಎಸ್ಜಿ ಬ್ಲ್ಯಾಕ್ ಕಮಾಂಡೋ ತಂಡ ವಿಮಾನ ನಿಲ್ದಾಣದಲ್ಲಿ ಪರಿಶೀಲನೆ ನಡೆಸಿತು. ಬಾಂಬ್ ತಂದಿಟ್ಟ ಜಾಗದಲ್ಲಿ ಪರಿಶೀಲನೆ ಬಳಿಕ ಎನ್ಎಸ್ಜಿ ತಂಡ ಬಾಂಬ್ ನಿಷ್ಕ್ರಿಯ ಮಾಡಿದ ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿ, ಬಳಿಕ ಪ್ರಕರಣ ದಾಖಲಾಗಿರುವ ಬಜ್ಪೆ ಠಾಣೆಗೆ ಭೇಟಿ ನೀಡಿ ಮಾಹಿತಿ ಪಡೆದುಕೊಂಡಿದೆ.
ನಿನ್ನೆ ಬಾಂಬ್ ಪತ್ತೆಯಾದ ಬಳಿಕ ಅದನ್ನು ಕೆಂಜಾರ್ ಮೈದಾನದಲ್ಲಿ ನಿಷ್ಕ್ರಿಯಗೊಳಿಸಲಾಗಿತ್ತು. ಇದೀಗ ಎಎನ್ಎಸ್ಜಿ ಬ್ಲ್ಯಾಕ್ ಕಮಾಂಡೋ ತಂಡ ಬಂದು ಪರಿಶೀಲನೆ ನಡೆಸಿದೆ.
