ಮಂಗಳೂರಿನಲ್ಲಿ ಶಾಲೆಯ ಹೆಸರಿಗೆ ತಕ್ಕಂತೆ ಒಂದೇ ಸೂರಲ್ಲಿ 11 ಅವಳಿ ವಿದ್ಯಾರ್ಥಿಗಳ ಮೋಡಿ

ಮಂಗಳೂರಿನ ಹೊರವಲಯದಲ್ಲಿರುವ ಕೈರಂಗಳದಲ್ಲಿರುವ ಪುಣ್ಯಕೋಟಿ ನಗರದಲ್ಲಿನ ಶಾರದಾ ಗಣಪತಿ ವಿದ್ಯಾಕೇಂದ್ರದಲ್ಲಿ 11 ಜೋಡಿ ಅವಳಿ ಮಕ್ಕಳಿದ್ದು, ಗಮನ ಸೆಳೆಯುತ್ತಿದ್ದಾರೆ.

ಮಂಗಳೂರು: ಶಾಲೆಯಲ್ಲಿ ಒಂದೋ ಎರಡೋ ಅವಳಿ ಮಕ್ಕಳಿರುವುದು ಸಾಮಾನ್ಯ. ಆದರೆ, ಒಂದೇ ಸೂರಿನಡಿ ಹನ್ನೊಂದು ಅವಳಿ ಮಕ್ಕಳಿರುವ ಶಾಲೆಯೊಂದು ಮಂಗಳೂರು ಹೊರವಲಯದ ಕೈರಂಗಳದಲ್ಲಿ ಇದೆ.

ಕೈರಂಗಳದಲ್ಲಿರುವ ಪುಣ್ಯಕೋಟಿ ನಗರದಲ್ಲಿ ಶಾರದಾ ಗಣಪತಿ ಎಂಬ ವಿದ್ಯಾಕೇಂದ್ರ ಈ ವಿಶೇಷ ಕಾರಣಕ್ಕಾಗಿ ಗಮನ ಸೆಳೆಯುತ್ತಿದೆ. ಶಾಲೆಯಲ್ಲಿ 11 ಜೋಡಿ ಅವಳಿ ಮಕ್ಕಳಿದ್ದಾರೆ. 4ನೇ ತರಗತಿಯಲ್ಲಿ 3 ಜೋಡಿ, 5ನೇ ತರಗತಿಯಲ್ಲಿ 2 ಹಾಗೂ 6,7,8 ಮತ್ತು 10 ನೇ ತರಗತಿಯಲ್ಲಿ ತಲಾ 1 ಹಾಗೂ ಪಿಯುಸಿಯಲ್ಲಿ 2 ಜೋಡಿ ಅವಳಿಗಳಿದ್ದಾರೆ.

ಒಂದೇ ಶಾಲೆಯಲ್ಲಿ 11 ಅವಳಿ ವಿದ್ಯಾರ್ಥಿಗಳು

ಶಾಲೆಯ‌ 4ನೇ ತರಗತಿಯಲ್ಲಿ ಜ್ಞಾನೇಶ್- ಜಯೇಶ್, ಸಂಜನ- ಸಂಜಯ, ಲತೇಶ್- ಲವೇಶ್, 5ನೇ ತರಗತಿಯಲ್ಲಿ ಧನ್ಯಶ್ರೀ- ಧನುಷ್, ಚೈತ್ರ- ಚಂದನ, 6ನೇ ತರಗತಿಯಲ್ಲಿ ಭವ್ಯಶ್ರೀ- ದಿವ್ಯಶ್ರೀ, 7ನೇ ತರಗತಿಯಲ್ಲಿ ಕೀರ್ತಿ- ಕೀರ್ತನಾ, 8ನೇ ತರಗತಿಯಲ್ಲಿ ಸುಜನ- ಸುಹನ, 10ನೇ ತರಗತಿಯಲ್ಲಿ ಶ್ರೀನಾಥ್- ಸುಶಾಂತ್, ದ್ವಿತೀಯ ಪಿಯುಸಿಯಲ್ಲಿ ಪ್ರೇಕ್ಷ - ಪ್ರಜ್ಞ, ಮೋಕ್ಷ- ಮೋಕ್ಷಿತ ಎಂಬ ವಿದ್ಯಾರ್ಥಿ ಅವಳಿಗಳಿದ್ದಾರೆ. ಸದ್ಯ ಈ ವಿದ್ಯಾರ್ಥಿಗಳು ಎಲ್ಲರ ಗಮನ ಸೆಳೆಯುತ್ತಿದ್ದಾರೆ.

ಶಾರದಾ ಗಣಪತಿ ವಿದ್ಯಾಕೇಂದ್ರದಲ್ಲಿ 11 ಜೋಡಿ ಅವಳಿ ಮಕ್ಕಳು

ಈ ಪೈಕಿ 4 ಜೋಡಿ ಹೆಣ್ಣು, 4 ಜೋಡಿ ಗಂಡು ಹಾಗೂ 3 ಜೋಡಿ ಗಂಡು ಹೆಣ್ಣು ಮಕ್ಕಳು ಇದ್ದಾರೆ. ಈ ಶಾಲೆಯ ಹೆಸರು ಶಾರದಾ ಗಣಪತಿ ಎಂಬುದಾಗಿದ್ದು, ಇದು ಕೂಡ ಅವಳಿ ಹೆಸರಾಗಿದೆ. ಈ ಅವಳಿ ಹೆಸರಿನಲ್ಲಿರುವ ಶಾಲೆಯಲ್ಲಿ ಅವಳಿ ಮಕ್ಕಳ ಜೋಡಿ ಮೋಡಿ ಮಾಡುತ್ತಿದೆ.

ಒಂದೇ ಶಾಲೆಯಲ್ಲಿ 11 ಅವಳಿ ವಿದ್ಯಾರ್ಥಿಗಳು

ಇದನ್ನೂ ಓದಿ: ಮಂಗಳೂರು: ಮನೆಯವರು ಬರುವ ಮುಂಚೆಯೇ ಬಾಲಮಂದಿರದಿಂದ ಇಬ್ಬರು ಬಾಲಕರು ನಾಪತ್ತೆ