ಬಾಳೆತೋಟಕ್ಕೆ ನುಗ್ಗಿದ ಕಾಡು ಹಂದಿಗಳ ಹಿಂಡು: ಸಾವಿರಾರು ಬಾಳೆ ಗಿಡ ನಾಶ

ಕಾಡು ಹಂದಿಗಳ ದಾಳಿಗೆ 2,500 ಬಾಳೆ ಗಿಡ ನಾಶವಾಗಿದ್ದು, ಸೂಕ್ತ ಪರಿಹಾರ ಕಲ್ಪಿಸುವಂತೆ ರೈತರೊಬ್ಬರು ರಾಜ್ಯ ಸರ್ಕಾರಕ್ಕೆ ಮೊರೆಯಿಟ್ಟಿದ್ದಾರೆ.

ಕಲಬುರಗಿ: ಆಹಾರ ಅರಿಸಿ ಬಂದ ಕಾಡು ಹಂದಿಗಳು ಬಾಳೆ ಗಿಡಗಳನ್ನು ನೆಲಸಮ ಮಾಡಿ ರೈತ ಕಂಗಾಲಾಗುವಂತೆ ಮಾಡಿರುವ ಘಟನೆ ಚಿಂಚೋಳಿ ತಾಲೂಕಿನ ಅಣವರ ಗ್ರಾಮದಲ್ಲಿ ನಡೆದಿದೆ.

ಅಣವರ ಗ್ರಾಮದಲ್ಲಿ ಬಿಚ್ಚಯ್ಯ ಸ್ವಾಮಿ ಎಂಬುವರಿಗೆ ಸೇರಿದ ಸುಮಾರು ಮೂರು ಎಕರೆಯಲ್ಲಿದ್ದ 2,500 ಬಾಳೆ ಗಿಡ ನಾಶವಾಗಿವೆ. 3 ಲಕ್ಷ ರೂಪಾಯಿ ಮೌಲ್ಯದ ಬಾಳೆ ಬೆಳೆ ಹಾನಿಯಾಗಿದ್ದು, ರೈತ ಬಿಚ್ಚಯ್ಯ ನವರಿಗೆ ದಿಕ್ಕೇ ತೋಚದಂತಾಗಿದೆ.

ಕಾಡು ಹಂದಿ ದಾಳಿಗೆ ನೆಲಸಮವಾದ ಬಾಳೆ ಗಿಡ

ಬೆಳೆ ನಾಶದ ಸಂಬಂಧ ಸೂಕ್ತ ಪರಿಹಾರ ಕಲ್ಪಿಸುವಂತೆ ರೈತ ರಾಜ್ಯ ಸರ್ಕಾರವನ್ನು ಅವರು ಆಗ್ರಹಿಸಿದ್ದಾರೆ.