ಹುಬ್ಬಳ್ಳಿ - ಹೈದರಾಬಾದ್ ಇಂಡಿಗೋ ವಿಮಾನ ಪ್ರಯಾಣಕ್ಕೆ ಗ್ರೀನ್ ಸಿಗ್ನಲ್

ಕೊರೊನಾ ಭೀತಿಯಿಂದ ಸ್ಥಗಿತೊಂಡಿದ್ದ ವಿಮಾನಯಾನ ಪುನಃ ಪ್ರಾರಂಭವಾದ ಹಿನ್ನೆಲೆ ಇಂಡಿಗೋ ಸಂಸ್ಥೆ ಹುಬ್ಬಳ್ಳಿ ವಿಮಾನ ನಿಲ್ದಾಣದಿಂದ ಹೈದರಾಬಾದ್​​ಗೆ ಸಂಚಾರ ಪ್ರಾರಂಭಿಸಲಿದೆ.

ಹುಬ್ಬಳ್ಳಿ : ಲಾಕ್ ಡೌನ್ ಸಡಲಿಕೆ ಬಳಿಕ ವಿಮಾನ ಪ್ರಯಾಣ ಪ್ರಾರಂಭವಾಗಿದ್ದು, ಹುಬ್ಬಳ್ಳಿ ವಿಮಾನ ನಿಲ್ದಾಣದಿಂದ ಅಂತಾರಾಜ್ಯ ಪ್ರಯಾಣ ಕೂಡ ಪ್ರಾರಂಭಗೊಂಡಿದೆ.

ಈಗಾಗಲೇ ಸ್ಟಾರ್ ಏರ್ ಲೈನ್ಸ್ ಹಾಗೂ ಇಂಡಿಗೋ ವಿಮಾನ ಕಾರ್ಯಾರಂಭ ಮಾಡಿದ್ದು, ಹುಬ್ಬಳ್ಳಿಯಿಂದ ಇಂಡಿಗೋ ಸಂಸ್ಥೆಯ ವಿಮಾನ ಹೈದರಾಬಾದ್​ಗೆ ಸಂಚಾರ ಪ್ರಾರಂಭಿಸಲಿದೆ.

ವಿಮಾನಯಾಕ್ಕಾಗಿ ಈ ಹಿಂದೆಯಷ್ಟೇ ಇಂಡಿಗೋ ಪ್ರಸ್ತಾವನೆ ಸಲ್ಲಿಸಿತ್ತು. ಸದ್ಯ ಸಂಚಾರಕ್ಕೆ ಗ್ರೀನ್ ಸಿಗ್ನಲ್ ಸಿಕ್ಕಿದ್ದು, ಪ್ರಯಾಣದ ದಿನಾಂಕ ಹಾಗೂ ಮಾಹಿತಿಯನ್ನು ಸಂಸ್ಥೆ ಇನ್ನಷ್ಟೇ ನೀಡಬೇಕಿದೆ.