ಕುಟುಂಬದಿಂದ ವಿನೂತನವಾಗಿ ಕೊರೊನಾ ಜಾಗೃತಿ

ವಿನೂತನವಾಗಿ ಧಾರವಾಡ ಜಿಲ್ಲೆಯ ವಿವೇಕಾನಂದ ನಗರದ ಮನೆಯೊಂದರಲ್ಲಿ ಕೊರೊನಾ ವೈರಸ್​ ಕುರಿತು ಜಾಗೃತಿ ಮೂಡಿಸಲಾಗುತ್ತಿದೆ.

ಧಾರವಾಡ: ಕೊರೊನಾ ಭೀತಿ ಹಿನ್ನೆಲೆ ವಿನೂತನವಾಗಿ ಧಾರವಾಡದ ವಿವೇಕಾನಂದ ನಗರದ ಮನೆಯೊಂದರಲ್ಲಿ ಜಾಗೃತಿ ಮೂಡಿಸಲಾಗುತ್ತಿದೆ.

ಸಾಮಾನ್ಯವಾಗಿ ಆರತಿ ಮಾಡಿದಾಗ ಹಣ ಹಾಕುವುದು ರೂಢಿ, ಆದರೆ ಆರತಿ‌ ತಟ್ಟೆಗೆ ಹಣದ ಬದಲಿಗೆ ಶುಚಿತ್ವಕ್ಕೆ ಮಹತ್ವ ಕೊಟ್ಟು ಸ್ಯಾನಿಟೈಜರ್, ಮಾಸ್ಕ್​, ಹ್ಯಾಂಡ್ ವಾಶ್ ಇಟ್ಟು ಜಾಗೃತಿ ಮೂಡಿಸಲಾಗುತ್ತಿದೆ. ವಿವೇಕಾನಂದ ನಗರದ ಬಸವರಾಜ ಅಂಗಡಿ ಎಂಬುವವರ ಮನೆಯಲ್ಲಿ ಹೀಗೆ ವಿಶೇಷವಾಗಿ ಅರಿವು ಮೂಡಿಸಲಾಗುತ್ತಿದೆ. ಜೊತೆಗೆ ಪೂಜೆಗೆ ಆಗಮಿಸಿದ ಇತರರಿಗೂ ಕೂಡ ಶುಚಿತ್ವದ ಕುರಿತು ಮಾಹಿತಿ ನೀಡಲಾಗುತ್ತಿದೆ.