ಭಕ್ತರಿಗೆ ಚಾಂಗದೇವರ ದರ್ಶನ ಭಾಗ್ಯವಿಲ್ಲ: ತಾಲೂಕಾಡಳಿತ ನಿರ್ಬಂಧ

ಕೊರೊನಾ ವೈರಸ್​ ಭೀತಿ ಹಿನ್ನೆಲೆ ಚಾಂಗದೇವರ ದರ್ಶನಕ್ಕೆ ಭಕ್ತರಿಗೆ ತಾಲೂಕಾಡಳಿತ ಕಡಿವಾಣ ಹಾಕಿದೆ.

ಧಾರವಾಡ: ಕೊರೊನಾ ವೈರಸ್​ ಭೀತಿ ಹಿನ್ನೆಲೆಯಲ್ಲಿ ಚಾಂಗದೇವರ ದರ್ಶನಕ್ಕೆ ತಾಲೂಕಾಡಳಿತ ಭಕ್ತರ ಪ್ರವೇಶಕ್ಕೆ ನಿರ್ಬಂಧ ಹೇರಿದೆ.

ಯಮನೂರು ಚಾಂಗದೇವರ ಜಾತ್ರೆ ಕಿಲ್ಲರ್ ವೈರಸ್​ ಆತಂಕದ ಕಾರಣ ಮುಕ್ತಾಯಗೊಂಡಿದೆ. ಸದ್ಯ ದೇವರ ದರ್ಶನಕ್ಕೆ ಭಕ್ತರು ಬರುವುದು ಬೇಡ ಎಂದು ನವಲಗುಂದ ತಹಶೀಲ್ದಾರ್​ ನವೀನ್​ ಹುಲ್ಲೂರ ಮನವಿ ‌ಮಾಡಿದ್ದಾರೆ.

ಯಮನೂರು ಜಾತ್ರಾ ಮಹೋತ್ಸವದಲ್ಲಿ ಅಂಗಡಿ ಬಂದ್ ಮಾಡುವಂತೆ ತಾಲೂಕಾಡಳಿತ ಘೋಷಣೆ ಮಾಡಿದೆ. ಜಿಲ್ಲಾಧಿಕಾರಿ ಆದೇಶದ ಹಿನ್ನೆಲೆಯಲ್ಲಿ ಜಾತ್ರೆಯಲ್ಲಿ ಅಂಗಡಿಗಳನ್ನು ಬಂದ್ ಮಾಡಲು ಸೂಚನೆ ನೀಡಲಾಗಿದೆ‌.