ರಜೆ ಸರಿದೂಗಿಸಲು ಶನಿವಾರ, ಭಾನುವಾರವೂ ತರಗತಿ ನಡೆಸಲು ಆದೇಶ

ಧಾರವಾಡದಲ್ಲಿ ಮಳೆಯಿಂದಾಗಿ ಘೋಷಿಸಲಾದ ರಜೆಗಳನ್ನು ಸರಿದೂಗಿಸಲು ಮತ್ತು ಕಲಿಕಾ ಕೊರತೆ ಉಂಟಾಗದಂತೆ ಶನಿವಾರ, ಭಾನುವಾರವೂ ಪೂರ್ಣ ತರಗತಿಗಳನ್ನು ನಡೆಸುವಂತೆ ಸಾರ್ವಜನಿಕ ಶಿಕ್ಷಣಾ ‌ಇಲಾಖೆ ತಿಳಿಸಿದೆ.

ಧಾರವಾಡ: ಭಾರಿ ಮಳೆಯಿಂದಾಗಿ ಉಂಟಾಗಿದ್ದ ಪ್ರವಾಹದಿಂದ ಶಾಲೆಗಳಿಗೆ ಘೋಷಿಸಲಾದ ರಜೆ ಸರಿದೂಗಿಸಲು ಶನಿವಾರ, ಭಾನುವಾರವೂ ಪೂರ್ಣ ತರಗತಿಗಳನ್ನು ನಡೆಸುವಂತೆ ಸಾರ್ವಜನಿಕ ಶಿಕ್ಷಣಾ ‌ಇಲಾಖೆ ಉಪ ನಿರ್ದೇಶಕರು ಆದೇಶ ಹೊರಡಿಸಿದ್ದಾರೆ.

ಜಿಲ್ಲಾದ್ಯಂತ ಮಳೆಯಿಂದಾಗಿ ಆಗಸ್ಟ್​​ 6ರಿಂದ 10ರವರೆಗೂ ರಜೆ ಘೋಷಿಸಿ ಜಿಲ್ಲಾಧಿಕಾರಿ ಆದೇಶ ನೀಡಿದ್ದರು. ವಿದ್ಯಾರ್ಥಿಗಳಿಗೆ ಪಠ್ಯದಲ್ಲಿ ಯಾವುದೇ ತೊಂದರೆ ಆಗಬಾರದು ಎಂಬ ಉದ್ದೇಶಕ್ಕೆ 5 ದಿನಗಳ ರಜೆಯ ತರಗತಿಗಳನ್ನು ಸರಿದೂಗಿಸಲು ಈ ನಿರ್ಧಾರ ಕೈಗೊಳ್ಳಲಾಗಿದೆ.

ಸಾರ್ವಜನಿಕ ಶಿಕ್ಷಣಾ ‌ಇಲಾಖೆ ಉಪ ನಿರ್ದೇಶಕರ ಆದೇಶ

ಆಗಸ್ಟ್​ 17ರಿಂದ 31ರವರೆಗೂ ಬರುವ ಶನಿವಾರ, ಭಾನುವಾರ ದಿನಗಳಂದು ಜಿಲ್ಲೆಯ ಎಲ್ಲಾ ಸರ್ಕಾರಿ, ಅನುದಾನಿತ ಮತ್ತು ಅನುದಾನ ರಹಿತ ಪ್ರಾಥಮಿಕ ಮತ್ತು ಪ್ರೌಢ ಶಾಲೆಗಳ ಮುಖ್ಯ ಶಿಕ್ಷಕರುಗಳಿಗೆ ಸಾರ್ವಜನಿಕ ಶಿಕ್ಷಣಾ ‌ಇಲಾಖೆ ಉಪ ನಿರ್ದೇಶಕರು ಸೂಚಿಸಿದ್ದಾರೆ.