ಬೆಂಗಳೂರು : ದೀಪಾವಳಿ ಹಬ್ಬದ ಪ್ರಯುಕ್ತ ಹೆಚ್ಚಿನ ಪ್ರಯಾಣಿಕರು ತಮ್ಮ-ತಮ್ಮ ಊರುಗಳಿಗೆ ತೆರಳುವುದರಿಂದ ಪ್ರಯಾಣಿಕರ ಬೇಡಿಕೆಗೆ ಅನುಗುಣವಾಗಿ ವಿಶೇಷ ರೈಲ್ವೆ ಸೇವೆಯನ್ನ ಒದಗಿಸಲು ಇಲಾಖೆ ಮುಂದಾಗಿದೆ.
ಪ್ರಯಾಣಿಕರ ಅನುಕೂಲಕ್ಕಾಗಿ ನೈಋತ್ಯ ರೈಲ್ವೆಯು ಯಶವಂತಪುರ ಹಾಗೂ ವಿಜಯಪುರಗಳ ನಡುವೆ ಹಬ್ಬದ ವಿಶೇಷ ಎಕ್ಸ್ಪ್ರೆಸ್ ರೈಲು ಸೇವೆಯನ್ನ ಒದಗಿಸುತ್ತಿದೆ.
ನವೆಂಬರ್ 3ರಿಂದ ವಿಜಯಪುರದಿಂದ ಹಾಗೂ ನವೆಂಬರ್ 7ರಂದು ಯಶವಂತಪುರದಿಂದ ಪ್ರತ್ಯೇಕ ನಿಲುಗಡೆಗಳು ಹಾಗೂ ವೇಳಾಪಟ್ಟಿಯೊಂದಿಗೆ ಸಂಚರಿಸಲು ನಿರ್ಧರಿಸಿದೆ.
ಮೊದಲನೇ ದರ್ಜೆ, ಎರಡನೇ ದರ್ಜೆ, ಹನ್ನೆರಡು ಸ್ಲೀಪರ್ ಹಾಗೂ ಎರಡು ಲಗ್ಗೇಜ್ ಕಮ್ ಬ್ರೇಕ್ ವ್ಯಾನ್/ದಿವ್ಯಾಂಗ ಸ್ನೇಹಿ ಬೋಗಿಗಳು ಸೇರಿ ಒಟ್ಟು 20 ಬೋಗಿಗಳು ಇರಲಿವೆ.
ವಾರದ ವಿಶೇಷ ರೈಲು:
- ರೈಲು ಸಂ.02741/02742: ವಾಸ್ಕೊ ಡ ಗಾಮ - ಪಾಟ್ನಾ ಜಂಕ್ಷನ್ - ವಾಸ್ಕೊ ಡ ಗಾಮ ಹಬ್ಬದ ವಿಶೇಷ ಸಾಪ್ತಾಹಿಕ ಎಕ್ಸ್ ಪ್ರೆಸ್ ರೈಲು ಇರಲಿದೆ. ಇದು ಪ್ರತಿ ಬುಧವಾರದಂದು ವಾಸ್ಕೋ ಡ ಗಾಮದಿಂದ ನಿರ್ಗಮಿಸಲಿದೆ. ನವೆಂಬರ್ 3 ರಿಂದ ಈ ಸೇವೆ ಅನ್ವಯವಾಗಲಿದೆ.
- ರೈಲು ಸಂ.02741: ಪಾಟ್ನಾ ಜಂಕ್ಷನ್ - ವಾಸ್ಕೊ ಡ ಗಾಮ ಹಬ್ಬದ ವಿಶೇಷ ಸಾಪ್ತಾಹಿಕ ಎಕ್ಸ್ ಪ್ರೆಸ್ ಪ್ರತಿ ಶನಿವಾರದಂದು ಓಡಾಟ ನಡೆಸಲಿದೆ. ಇದು ನವೆಂಬರ್ 6 ರಿಂದ ಅನ್ವಯವಾಗಲಿದೆ.ವಿಶೇಷ ಎಕ್ಸ್ಪ್ರೆಸ್ ರೈಲು ವೇಳಾಪಟ್ಟಿ
ಬೆಂಗಳೂರಿನಿಂದ ಕಾರವಾರ :
- ರೈಲು ಸಂ. 06585/06586: ಕೆಎಸ್ಆರ್ ಬೆಂಗಳೂರಿನಿಂದ ಕಾರವಾರ ಹಾಗೂ ಕಾರವಾರದಿಂದ ಕೆಎಸ್ಆರ್ ಬೆಂಗಳೂರಿಗೆ ನಿತ್ಯ ವಿಶೇಷ ಎಕ್ಸ್ ಪ್ರೆಸ್ ಇರಲಿದೆ. ನವೆಂಬರ್ 1 ರಿಂದ ಕೆಎಸ್ಆರ್ ಬೆಂಗಳೂರು ನಿಲ್ದಾಣದಿಂದ ಸಂಚಾರಿಲಿದೆ.
- ರೈಲು ಸಂ.06211/06212: ಯಶವಂತಪುರ - ಕಾರವಾರ - ಯಶವಂತಪುರ ವಿಶೇಷ ಎಕ್ಸ್ ಪ್ರೆಸ್ ಸೇವೆಯು ಇರಲಿದ್ದು, ಪ್ರತಿ ಸೋಮವಾರ, ಬುಧವಾರ ಹಾಗೂ ಶುಕ್ರವಾರಗಳಂದು ಯಶವಂತಪುರದಿಂದ ಓಡಾಡಲಿದೆ. ಕಾರವಾರದಿಂದ ಯಶವಂತಪುರದ ವಿಶೇಷ ಎಕ್ಸ್ ಪ್ರೆಸ್ ರೈಲು ಪ್ರತಿ ಮಂಗಳವಾರ, ಗುರುವಾರ ಹಾಗೂ ಶನಿವಾರಗಳಂದು ಸಂಚಾರಲಿದೆ. ಇದು ನವೆಂಬರ್ 2 ರಿಂದ ಕಾರವಾರದಿಂದ ಅನ್ವಯವಾಗಲಿದೆ.
