ಬೆಂಗಳೂರು: ಕುಡಿತದ ಚಟಕ್ಕೊಳಗಾಗಿ ಮಾದಕ ವಸ್ತು ಮಾರಾಟ ಮಾಡುತ್ತಿದ್ದ ಅಂತಾರಾಜ್ಯ ಡ್ರಗ್ಸ್ ಪೆಡ್ಲರ್ ಅನ್ನು ಪೂರ್ವ ವಿಭಾಗದ ಹಲಸೂರು ಪೊಲೀಸರು ಬಂಧಿಸುವಲ್ಲಿ ಯಶಸ್ವಿಯಾಗಿದ್ದಾರೆ.
ಟೆಡ್ಡಿಬೇರ್ ಗೊಂಬೆಯಲ್ಲಿ ಮಾದಕ ವಸ್ತು ಮಾರಾಟ: ಅಂತಾರಾಜ್ಯ ಪೆಡ್ಲರ್ ಅಂದರ್
ಅಸ್ಸೋಂ ಮೂಲದ ಸಕೀರ್ ಹುಸೇನ್ (34) ಬಂಧಿತ ಆರೋಪಿ. ಕುಡಿತದ ಚಟಕ್ಕೊಳಗಾಗಿದ್ದ ಈತ ಹಣಕ್ಕಾಗಿ ಮಾದಕ ವಸ್ತು ಮಾರಾಟ ಮಾಡುತ್ತಿದ್ದ. ಸಕೀರ್ ಹುಸೇನ್ ಟೆಡ್ಡಿಬೇರ್ನಲ್ಲಿ ಯಾರಿಗೂ ಅನುಮಾನ ಬಾರದ ರೀತಿಯಲ್ಲಿ ಮಾದಕವಸ್ತು ಇಟ್ಟುಕೊಂಡು ಟ್ರೈನ್ ಅಥವಾ ಕಾರಿನಲ್ಲಿ ಅಸ್ಸೋಂನಿಂದ ಬೆಂಗಳೂರಿಗೆ ಬರುತ್ತಿದ್ದ ಎನ್ನಲಾಗ್ತಿದೆ.
ಬೆಂಗಳೂರಿನ ಕೊತ್ತನೂರಿನಲ್ಲಿ ಬಾಡಿಗೆ ಮನೆ ಮಾಡಿಕೊಂಡು ವಹಿವಾಟು ನಡೆಸುತ್ತಿದ್ದ ಈತ, ಒಂದು ಮಾದಕ ಟ್ಯಾಬ್ಲೆಟ್ನ್ನು ಮೂರರಿಂದ ನಾಲ್ಕು ಸಾವಿರಕ್ಕೆ ಮಾರಾಟ ಮಾಡುತ್ತಿದ್ದ. ಈ ಬಗ್ಗೆ ಖಚಿತ ಮಾಹಿತಿ ಮೇರೆಗೆ ದಾಳಿ ನಡೆಸಿದ ಪೊಲೀಸರು, ಆರೋಪಿಯನ್ನು ಬಂಧಿಸಿದ್ದಾರೆ. ಬಂಧಿತನಿಂದ 28 ಲಕ್ಷ ಮೌಲ್ಯದ ನಶೆಯ ಟ್ಯಾಬ್ಲೆಟ್ಸ್ ಹಾಗೂ 71 ಗ್ರಾಂ ಹೆರಾಯಿನ್ ವಶಕ್ಕೆ ಪಡೆಯಲಾಗಿದೆ.
