ಬೆಂಗಳೂರು: ಹವಾಮಾನ ವರದಿಯಲ್ಲಿ ಸಾಧಾರಣ ಮಳೆ ಎನ್ನಲಾಗಿತ್ತು. ಕಳೆದ ರಾತ್ರಿ ಮಳೆ ಹೆಚ್ಚಿತ್ತು. ನಾನು ಡಿಸಿಗಳ ಜೊತೆ ಮಾತನಾಡಿದ್ದೇನೆ. ಅವರಿಗೆ ಎಲ್ಲಾ ಸೂಚನೆಗಳನ್ನು ನೀಡಿದ್ದೇವೆ ಎಂದು ಕಂದಾಯ ಸಚಿವ ಆರ್.ಅಶೋಕ್ ಹೇಳಿದ್ದಾರೆ.
ವಿಧಾನಸೌಧದಲ್ಲಿ ಇಂದು ಮಾತನಾಡಿದ ಅವರು, ಈಗಾಗಲೇ ಈ ವಿಚಾರವಾಗಿ ಹಣ ಬಿಡುಗಡೆ ಮಾಡಲಾಗಿದೆ ಎಂದರು.
ಸಚಿವ ಅಶೋಕ್
ಡ್ಯಾಂಗಳಿಗೆ ನೀರು ಬಂದರೆ ಬಿಡುವುದಕ್ಕೆ ಸೂಚಿಸಿದ್ದೇನೆ. ಕೋಯ್ನಾದಿಂದ ನೀರು ಬಿಡುವ ಅಗತ್ಯ ಇಲ್ಲ. ಇನ್ನು ಕೊಡಗಿಗೆ ನಮ್ಮ ಎನ್ಡಿಆರ್ಎಫ್ ತಂಡ ಹೋಗಿದೆ. ನಾನು ಕೂಡಾ ಕೊಡಗು ಜಿಲ್ಲೆಗೆ ಭೇಟಿ ನೀಡುತ್ತೇನೆ ಎಂದು ಹೇಳಿದರು.
ನಾವು ಎಲ್ಲಾ ಮುಂಜಾಗ್ರತಾ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದ್ದೇವೆ. ಪ್ರತಿಪಕ್ಷದ ನಾಯಕ ಸಿದ್ದರಾಮಯ್ಯ ಕೂಡ ಸಲಹೆ ಕೊಟ್ಟಿದ್ದಾರೆ. ಮಂಜುನಾಥ್ ಪ್ರಸಾದ್ಗೂ, ಪ್ರವಾಹಕ್ಕೂ ಸಂಬಂಧವಿಲ್ಲ. ವಿಪತ್ತು ನಿರ್ವಹಣೆಗೆ ಅಂಜುಂ ಫರ್ವೇಜ್ ಇದ್ದಾರೆ. ಹೀಗಾಗಿ ಯಾವುದೇ ಸಮಸ್ಯೆಯಾಗಲ್ಲ ಎಂದರು.
