ಬೆಂಗಳೂರು : ಕೆ ಪಿ ಅಗ್ರಹಾರ ಪೊಲೀಸ್ ಠಾಣೆಯ ಇಬ್ಬರು ಸಿಬ್ಬಂದಿಗೆ ಕೊರೊನಾ ಸೋಂಕು ತಗುಲಿದೆ. ಮೂರು ಕೋವಿಡ್-19 ಪ್ರಕರಣ ದಾಖಲಾದ್ರೂ ಠಾಣೆಯನ್ನು ಸೀಲ್ಡೌನ್ ಮಾಡದ ಕಾರಣ, ಉಳಿದ ಸಿಬ್ಬಂದಿ ಕರ್ತವ್ಯ ನಿರ್ವಹಿಸಲು ಹಿಂದೇಟು ಹಾಕುವ ಸ್ಥಿತಿ ನಿರ್ಮಾಣವಾಗಿದೆ.
ಇದೇ ಠಾಣೆಯ ಅಪರಾಧ ವಿಭಾಗದ ಕಾನ್ಸ್ಟೇಬಲ್ ಒಬ್ಬರಿಗೆ ಸೋಂಕು ತಗುಲಿತ್ತು. ಈತನ ಸಂಪರ್ಕದಿಂದ ಇಬ್ಬರಿಗೆ ಕೊರೊನಾ ಬಂದಿದೆ. ಇಷ್ಟಾದ್ರೂ ಸೀಲ್ಡೌನ್ ಮಾಡಲಿಲ್ಲ ಏಕೆ ಎಂಬ ಪ್ರಶ್ನೆ ಕಾಡುತ್ತಿದೆ. ದಿನೇದಿನೆ ಪೊಲೀಸರಲ್ಲಿ ಸೋಂಕು ಕಾಣಿಸುತ್ತಿರುವ ಪರಿಣಾಮ ಆತಂಕ ಹೆಚ್ಚಿದೆ.
ಬಂದೋಬಸ್ತ್ನಲ್ಲಿ ಕೆಲಸ ಮಾಡುತ್ತಿದ್ದ ಶ್ರೀರಾಂಪುರ ಠಾಣೆಯ ಮಹಿಳಾ ಕಾನ್ಸ್ಟೇಬಲ್‌ಗೆ ಸೋಂಕು ತಗುಲಿದೆ. ಠಾಣಾಧಿಕಾರಿಗೆ ಕೊರೊನಾ ಧೃಢವಾದ ಹಿನ್ನೆಲೆ ಕಾಮಾಕ್ಷಿಪಾಳ್ಯ ಠಾಣೆಯನ್ನ ಸೀಲ್ಡೌನ್ ಮಾಡಲಾಗಿದೆ. ಆತನ ಸಂಪರ್ಕದಲ್ಲಿದ್ದ ಸಿಬ್ಬಂದಿಯನ್ನು ಹೋಮ್ ಕ್ವಾರಂಟೈನ್ ಮಾಡಲಾಗಿದೆ.
