ಬೆಂಗಳೂರು: ಉತ್ತರ ಭಾರತ ಮೂಲದ ಕಾರ್ಮಿಕರ ತಪಾಸಣೆ, ಮಹಾರಾಷ್ಟ್ರದಿಂದ ಬಂದವರಿಗೆ ಕ್ವಾರಂಟೈನ್ ಮತ್ತು ಸಿಲಿಕಾನ್ ಸಿಟಿಯಿಂದ ತಮ್ಮ ತಮ್ಮ ಊರುಗಳಿಗೆ ಜನರನ್ನ ಕಳುಹಿಸುವ ವೇಳೆ ಕಾರ್ಯ ನಿರ್ವಹಿಸಿದ್ದ ರೈಲ್ವೆ ಪೊಲೀಸರಿಗೆ ಈಗ ಕೊರೊನಾ ವೈರಸ್ ಅಂಟಿದೆ.
ರೈಲ್ವೆ ಎಸ್ಪಿ ಕಚೇರಿಯ ಐದು ಮಂದಿಗೆ, ಸಂಗೊಳ್ಳಿ ರಾಯಣ್ಣ ಪೊಲೀಸ್ ಠಾಣೆಯ ಏಳು ಸಿಬ್ಬಂದಿಗೆ, ಬೈಯಪ್ಪನಹಳ್ಳಿ ರೈಲ್ವೆ ಪೊಲೀಸ್ ಸ್ಟೇಷನ್ನ ಐವರು ಸಿಬ್ಬಂದಿಗೆ ಸೋಂಕು ದೃಢವಾಗಿದೆ.
ಹತ್ತು ದಿನದ ಹಿಂದೆಯೇ ಪೊಲೀಸರಿಗೆ ಕೋವಿಡ್ ಟೆಸ್ಟ್ ಮಾಡಿಸಲಾಗಿತ್ತಾದರೂ ಆರೋಗ್ಯ ಇಲಾಖೆಯ ಎಡವಟ್ಟಿನಿಂದಾಗಿ ವರದಿ ತಡವಾಗಿ ಬಂದಿದೆ. ಈ ಮಧ್ಯೆ ಸೋಂಕಿತ ಸಿಬ್ಬಂದಿಯ ಸಂಪರ್ಕ ಜಾಲ ಕೂಡ ದೊಡ್ಡದಾಗಿದ್ದು, ನೂರಕ್ಕೂ ಹೆಚ್ಚು ಸಿಬ್ಬಂದಿಯನ್ನು ಕ್ವಾರಂಟೈನ್ ಮಾಡಲಾಗಿದೆ.
ಮತ್ತೊಂದೆಡೆ ಯಶವಂತಪುರ ಮತ್ತು ಕಂಟೇನ್ಮೆಂಟ್ ರೈಲ್ವೆ ನಿಲ್ದಾಣ ಸಿಬ್ಬಂದಿಗೆ ಕೂಡ ಕೊರೊನಾ ಟೆಸ್ಟ್ ನಡೆಸಲಾಗಿದ್ದು, ಇನ್ನೂ ಕೂಡ ವರದಿ ಕೈ ಸೇರಿಲ್ಲ.
