ಸಿಲಿಕಾನ್‌ ಸಿಟಿಯ ಏರ್​ಪೋರ್ಟ್ ರಸ್ತೆಯಲ್ಲಿ ಸರಣಿ ಅಪಘಾತ : 5 ಕಾರು ಜಖಂ, 9 ಮಂದಿಗೆ ಗಾಯ

ಬೆಂಗಳೂರು ನಗರದಿಂದ ಏರ್​ಪೋರ್ಟ್ ಕಡೆಗೆ ಸಾಗುವ ಬ್ಯಾಟರಾಯನಪುರ ಫ್ಲೈಓವರ್ ಮೇಲೆ ಸರಣಿ ಅಪಘಾತ ಸಂಭವಿಸಿದ ಪರಿಣಾಮ ಟ್ರಾಫಿಕ್ ಜಾಮ್‌ ಆಗಿದೆ..

ಯಲಹಂಕ : ಏರ್​ಪೋರ್ಟ್ ರಸ್ತೆಯ ಬ್ಯಾಟರಾಯನಪುರ ಫ್ಲೈಓವರ್ ಮೇಲೆ ಸರಣಿ ಅಪಘಾತ ಸಂಭವಿಸಿದ್ದು, ಐದು ಕಾರು ಜಖಂಗೊಂಡು 9 ಮಂದಿ ಗಾಯಗೊಂಡಿದ್ದಾರೆ. ಬೆಂಗಳೂರು ನಗರದಿಂದ ಏರ್​ಪೋರ್ಟ್ ಕಡೆಗೆ ಸಾಗುವ ಬ್ಯಾಟರಾಯನಪುರ ಫ್ಲೈಓವರ್ ಮೇಲೆ ಈ ಘಟನೆ ನಡೆದಿದೆ.

ಏರ್​ಪೋರ್ಟ್ ರಸ್ತೆಗೆ ಬಂದ ಕಾರೊಂದು ನಿಯಂತ್ರಣ ತಪ್ಪಿ ಡಿವೈಡರ್ ಮೇಲೆ ಹಾರಿ ಸ್ವಿಪ್ಟ್ ಕಾರಿಗೆ ಡಿಕ್ಕಿ ಹೊಡೆದಿದೆ. ನಂತರ ಮುಂದೆ ಬರುತ್ತಿದ್ದ ಇಂಡಿಕಾ ಅಲ್ಟೋ ಸೇರಿ ಮತ್ತೆ ಮೂರು ಕಾರುಗಳಿಗೆ ಗುದ್ದಿದೆ.

ಇನ್ನು ಸ್ವಿಪ್ಟ್ ಕಾರಿನಲ್ಲಿದ್ದ ನಾಲ್ವರಿಗೆ ಗಾಯವಾಗಿದ್ದು, ಇಂಡಿಕಾ ಕಾರು ಚಾಲಕನಿಗೆ ಸಹ ಗಾಯವಾಗಿದೆ. ಈ ಕುರಿತು ಸ್ಥಳಕ್ಕೆ ಹೆಬ್ಬಾಳ ಟ್ರಾಫಿಕ್ ಪೊಲೀಸರು ದೌಡಾಯಿಸಿದ್ದು, ಘಟನೆಯಿಂದ ಏರ್‌ಪೋರ್ಟ್‌ ರಸ್ತೆಯಲ್ಲಿ ಟ್ರಾಫಿಕ್ ಜಾಮ್ ಉಂಟಾಗಿದೆ. ವಾಹನಗಳನ್ನು ತೆರವು ಮಾಡಲು ಪೊಲೀಸರು ಹರಸಾಹಸ ಪಡುತ್ತಿದ್ದಾರೆ.