ಕರ್ತವ್ಯ ನಿರತ ಪೊಲೀಸರಿಗೆ ಮಜ್ಜಿಗೆ ವಿತರಿಸುತ್ತಿರುವ ಬೆಂಗಳೂರು ನಿವಾಸಿ

ಲಾಕ್ ಡೌನ್‌ ಹಿನ್ನೆಲೆ ಕೆಲಸ ನಿರ್ವಹಿಸುತ್ತಿರುವ ಪೊಲೀಸರಿಗೆ ಸದಾಶಿವ ನಗರದ ನಿವಾಸಿ ಹೆಲನ್ ಎಂಬುವರು ಕಾರಿನಲ್ಲಿ ಬಂದು ಕುಡಿಯುವ ನೀರು ಹಾಗೂ‌ ತಂಪು ಮಜ್ಜಿಗೆ ನೀಡುವ ಮೂಲಕ ಮಾನವೀಯತೆ ಮೆರೆದಿದ್ದಾರೆ.

ಬೆಂಗಳೂರು: ಭಾನುವಾರದ ಲಾಕ್​ಡೌನ್​ ವೇಳೆ ಕರ್ತವ್ಯ ನಿರತ ಪೊಲೀಸರಿಗೆ ಮಜ್ಜಿಗೆ ಹಾಗೂ‌ ಕುಡಿಯುವ ನೀರು ಪೂರೈಸುವ ಮೂಲಕ ಇಲ್ಲೊಬ್ಬರು ಮಾನವೀಯತೆ ಮೆರೆದಿದ್ದಾರೆ.

ಮೂರು ಹಂತದ ಲಾಕ್​ಡೌನ್‌ ವೇಳೆಯೂ ಬಿಸಿಲು ಲೆಕ್ಕಿಸದೆ ವಾಹನ ತಪಾಸಣೆ ನಡೆಸುತ್ತಿದ್ದ ಪೊಲೀಸರಿಗೆ ನಿತ್ಯ ಹೆಲನ್ ಎಂಬುವರು ಕುಡಿಯು ನೀರು ಹಾಗೂ ಮಜ್ಜಿಗೆ ವಿತರಿಸಿದ್ದರು. ಸಿಗ್ನಲ್​ಗಳಲ್ಲಿ ಕರ್ತವ್ಯ ನಿರತ‌ ಸಿಬ್ಬಂದಿಗೆ ಖುದ್ದಾಗಿ ತೆರಳಿ ಮಜ್ಜಿಗೆ ವಿತರಣೆ ಮಾಡಿಕೊಂಡು ಬರುತ್ತಿದ್ದಾರೆ.

ಖಾಸಗಿ ಕಂಪನಿಯಲ್ಲಿ ಕೆಲಸ ಮಾಡುತ್ತಿರುವ ಹೆಲನ್, ಲಾಕ್​ಡೌನ್ ಅವಧಿಯಲ್ಲಿ ಪೊಲೀಸರ ಕಾರ್ಯಕ್ಕೆ‌ ಮೆಚ್ಚುಗೆ ವ್ಯಕ್ತಪಡಿಸಿ‌‌ ಅವರಿಗೆ ನೆರವಾಗಿರುವುದು ಶ್ಲಾಘನೀಯ.