ಬೆಂಗಳೂರು: ರಾಜ್ಯ ರಾಜಧಾನಿ ಸೇರಿದಂತೆ ಹಲವೆಡೆ ಮುಂಬೈನಿಂದ ಬರುತ್ತಿರುವ ವಲಸಿಗರು ಶೇ 100ರಷ್ಟು ಆತಂಕ ಸೃಷ್ಟಿಸಿರುವುದು ನಿಜ. ಇಂದು ರೈಲಿನ ಮೂಲಕ ಮಹಾರಾಷ್ಟ್ರದಿಂದ ಬೆಂಗಳೂರಿಗೆ ಬಂದ 644 ಮಂದಿಯಲ್ಲಿ ಹಲವರಿಗೆ ಕೊರೊನಾ ಲಕ್ಷಣಗಳು ಕಂಡು ಬಂದಿವೆ.
ಇದನ್ನೂ ಓದಿ: ಮುಂಬೈಯಿಂದ ಬೆಂಗಳೂರಿಗೆ ರೈಲಲ್ಲಿ ಬಂದ ಪ್ರಯಾಣಿಕರು ಪರಾರಿ, ಪೊಲೀಸರಿಗೆ ಹೆಚ್ಚಿದ ತಲೆನೋವು
ರೈಲು ಕಾಂತ್ರಿವೀರ ಸಂಗೊಳ್ಳಿರಾಯಣ್ಣ ರೈಲ್ವೆ ನಿಲ್ದಾಣಕ್ಕೆ ಬಂದ 644 ವಲಸಿಗರ ಪೈಕಿ 592 ವಯಸ್ಕರು, 52 ಮಕ್ಕಳಿದ್ದಾರೆ. ಅವರನ್ನು ಥರ್ಮಲ್ ಸ್ಕ್ರೀನಿಂಗ್ ಒಳಪಡಿಸಿ ನಂತರ ಹೋಟೆಲ್ ಕ್ವಾರಂಟೈನ್ಗೆ ಕಳುಹಿಸಲಾಗುತ್ತಿದೆ. ನಿನ್ನೆಯೂ ಮಹಾರಾಷ್ಟ್ರ ಟ್ರಾವೆಲ್ ಹಿಸ್ಟರಿ ಹೊಂದಿದ್ದ 20 ಮಂದಿಗೆ ಕೊರೊನಾ ಸೋಂಕು ತಗುಲಿರುವುದು ದೃಢಪಟ್ಟಿತ್ತು.
ರೋಗ ಲಕ್ಷಣಗಳು ಕಂಡು ಬಂದರೆ ಸ್ವಾಬ್ ಟೆಸ್ಟ್:
ಥರ್ಮಲ್ ಸ್ಕೀನಿಂಗ್ ವೇಳೆ ದೇಹದ ಉಷ್ಣಾಂಶ ಹೆಚ್ಚಾಗಿರುವುದು ಕಂಡು ಬಂದಲ್ಲಿ ಅವರಿಗೆ ಸ್ವಾಬ್ ಟೆಸ್ಟ್ಗೆ ಒಳಪಡಿಸಿ ನೇರವಾಗಿ ಆಸ್ಪತ್ರೆಗೆ ರವಾನಿಸಲಾಗುತ್ತಿದೆ. ನಿಲ್ದಾಣದಲ್ಲೇ ಸ್ವಾಬ್ ಟೆಸ್ಟ್ ವ್ಯವಸ್ಥೆ ಇರುವ ಕಾರಣ 48 ಗಂಟೆಗಳಲ್ಲಿ ವರದಿ ಇಲಾಖೆ ಕೈ ಸೇರಲಿದೆ. ಈಗಾಗಲೇ 30ಕ್ಕೂ ಹೆಚ್ಚು ಮಂದಿಗೆ ಆರೋಗ್ಯದಲ್ಲಿ ಏರುಪೇರು ಕಂಡು ಬಂದಿದೆ.
