ಹೊಸಪೇಟೆ(ಬಳ್ಳಾರಿ): ಕರ್ನಾಟಕ ಬಂದ್ನಿಂದಾಗಿ ಈಶಾನ್ಯ ಕರ್ನಾಟಕ ರಸ್ತೆ ಸಾರಿಗೆ ಸಂಸ್ಥೆ ಹೊಸಪೇಟೆ ವಿಭಾಗಕ್ಕೆ ಅಂದಾಜು ₹18 ಲಕ್ಷ ನಷ್ಟವಾಗಿದೆ ಎಂದು ವಿಭಾಗೀಯ ನಿಯಂತ್ರಣಾಧಿಕಾರಿ ಜಿ ಶೀನಯ್ಯ ತಿಳಿಸಿದ್ದಾರೆ.
ಕರ್ನಾಟಕ ಬಂದ್.. ವಾಕರಸಾ ಸಂಸ್ಥೆ ಹೊಸಪೇಟೆ ವಿಭಾಗಕ್ಕೆ ಅಂದಾಜು ₹18 ಲಕ್ಷ ನಷ್ಟ
ಈಟಿವಿ ಭಾರತದೊಂದಿಗೆ ಮಾತನಾಡಿದ ಅವರು, ಕೊರೊನಾ ಲಾಕ್ಡೌನ್ನಿಂದಾಗಿ ಹೊಸಪೇಟೆ ವಿಭಾಗಕ್ಕೆ ಪ್ರತಿ ತಿಂಗಳಿಗೆ 1 ಕೋಟಿ ಹಣ ನಷ್ಟವಾಗಿತ್ತು. ಕರ್ನಾಟಕ ಬಂದ್ನಿಂದ ಗಾಯದ ಮೇಲೆ ಬರೆ ಎಳೆದಂತಾಗಿದೆ. ಹೊಸಪೇಟೆಯ ಒಟ್ಟು 244 ಬಸ್ ಕಾರ್ಯಾಚರಣೆ ಮಾಡಬೇಕಿತ್ತು.
ಆದರೆ, ಬೆಳಗ್ಗೆ 5 ರಿಂದ 151 ಬಸ್ಗಳು ಮಾತ್ರ ರಸ್ತೆಗಿಳಿದಿವೆ. ಅಲ್ಲದೇ, ಸಂಚರಿಸಿದ ಬಸ್ಗಳು ಪ್ರತಿಭಟನೆಯಿಂದ ಅಲ್ಲಲ್ಲಿ ನಿಂತಿವೆ. ಒಂದು ದಿನಕ್ಕೆ ₹30 ಲಕ್ಷ ಆದಾಯ ಬರುತ್ತಿತ್ತು. ಆದರೆ, ಕರ್ನಾಟಕ ಬಂದ್ನಿಂದ ಆದಾಯಕ್ಕೆ ಹೊಡೆತ ಬಿದ್ದಿದೆ ಎಂದರು.
ಬಸ್ ಕಾರ್ಯಾಚರಣೆ: ಮಧ್ಯಾಹ್ನ 3ಗಂಟೆಯಿಂದ ಹೊಸಪೇಟೆ ವಿಭಾಗದ ಬಸ್ಗಳು ಕಾರ್ಯಾಚರಣೆ ಮಾಡುತ್ತಿವೆ. ರಾತ್ರಿ ಪಾಳಿಯ ಬಸ್ಗಳನ್ನು ಕರ್ನಾಟಕ ಬಂದ್ನಿಂದ ರದ್ದು ಮಾಡಲಾಗಿದೆ.
