ಬಳ್ಳಾರಿ: ಕೊರೊನಾದಿಂದ ಮೃತಪಟ್ಟ ಹಿಂದೂ ಮಹಿಳೆಯರ ಅಂತ್ಯಕ್ರಿಯೆ ಮಾಡುವ ಮೂಲಕ ಮುಸ್ಲಿಂ ಯುವಕರು ಮಾನವೀಯತೆ ಮೆರೆದಿರುವ ಘಟನೆ ಜಿಲ್ಲೆಯಲ್ಲಿ ನಡೆದಿದೆ.
ಜಿಲ್ಲೆಯ ಸಂಡೂರು ತಾಲೂಕಿನ ತೋರಣಗಲ್ಲು ಮತ್ತು ಸುಬ್ರಯ್ಯನಹಳ್ಳಿ ಗ್ರಾಮದ ಇಬ್ಬರು ಮಹಿಳೆಯರು ಕೊರೊನಾದಿಂದ ಮೃತಪಟ್ಟಿದ್ದರು. ಮುಸ್ಲಿಂ ಯುವಕರು ಇವರ ಅಂತ್ಯ ಸಂಸ್ಕಾರವನ್ನು ಹಿಂದೂ ಧಾರ್ಮಿಕ ವಿಧಿ-ವಿಧಾನಗಳ ಅನುಸಾರ ನಡೆಸಿದ್ದಾರೆ.
ಕೆ.ಕೆ.ದಾದಖಲಂದರ್, ಸೈಯದ್ ಹುಸೇನ್ ಪೀರಾ, ಇಸ್ಮಾಯಿಲ್, ಎಸ್.ಉಮ್ಮರ್ ಫಾರೂಕ್, ಟಿ.ಸುಭಾನ್, ಟಿ.ನಿಜಾಮುದ್ದಿನ್, ಬಿ.ಇಮಾಮ್ ದಾದು, ಖಾದರ್ ಮಹಮ್ಮದ್ ಯೂಸುಫ್, ಕೆ.ಕೆ.ಮೆಹಬೂಬ್ ಬಾಷ, ಎಸ್.ಮೆಹಬೂಬ್ ಸುಭಾನಿ, ಬಿ.ಜಿಲಾನ್ ಬಾಷ, ಹುಸೇನ್ ಶರ್ಮಸ್ ಅಲಿ ಆರೋಗ್ಯ ಇಲಾಖೆಯ ಸಹಾಯದೊಂದಿಗೆ ಪಿಪಿಇ ಕಿಟ್ ಧರಿಸಿ ಅಂತ್ಯಕ್ರಿಯೆ ನೆರವೇರಿಸಿದರು.
ಓದಿ: ರಾಜ್ಯದಲ್ಲಿ ಜನತಾ ಲಾಕ್ಡೌನ್ ಫೇಲ್, ಸಂಪೂರ್ಣ ಲಾಕ್ಡೌನ್ ಬಗ್ಗೆ ಸುಧಾಕರ್ ಸುಳಿವು
