ಬಳ್ಳಾರಿ: ರಂಗಜಂಗಮ ಸಂಸ್ಥೆ ಏರ್ಪಡಿಸಿರುವ ಕನ್ನಡ ರಂಗ ಹಬ್ಬದ ಎರಡನೇ ದಿನದ ನಾಟಕೋತ್ಸವದಲ್ಲಿ ಚಿದಂಬರರಾವ್ ಜಂಬೆ ನಿರ್ದೇಶನದ ಬೆಂದಕಾಳು ಆನ್ ಟೋಸ್ಟ್ ನಾಟಕ ಪ್ರದರ್ಶನಗೊಂಡಿತು. ಸಾಹಿತಿ ಡಾ.ಗಿರೀಶ್ ಕಾರ್ನಾಡ್ ಅವರ ರಚನೆ ಇದಾಗಿದೆ.
ಕಾರ್ಯಕ್ರಮದಲ್ಲಿ ಸರಳಾದೇವಿ ಕಾಲೇಜಿನ ಉಪನ್ಯಾಸಕ ದೇವಣ್ಣ ಮಾತನಾಡಿ, ಕಲೆಯನ್ನು ಕಟ್ಟುವ ಕೆಲಸವನ್ನು ರಂಗಜಂಗಮ ಸಂಸ್ಥೆ ಮಾಡುತ್ತಿದೆ. ಬಳ್ಳಾರಿಯಲ್ಲಿ ಪದವಿ ಕಾಲೇಜ್ ಮತ್ತು ವಿಶ್ವವಿದ್ಯಾಲಯದಲ್ಲಿ ನಾಟಕ ವಿಭಾಗ ಆರಂಭವಾಗಿವೆ. ಯುವಕರು ಇದರ ಉಪಯೋಗ ಪಡೆಯಬೇಕು. ಬಳ್ಳಾರಿ ನಾಟಕದ ತವರೂರು ಆಗಿದೆ ಎಂದು ತಿಳಿಸಿದರು.
ಹೊಸ ಕಲಾವಿದರಿಗೆ, ನಿರ್ದೇಶಕರಿಗೆ ಪ್ರೋತ್ಸಾಹವನ್ನು ಪ್ರೇಕ್ಷಕರು ನೀಡಬೇಕೆಂದು ಹಿರಿಯ ಕಲಾವಿದ ಅಬ್ದುಲ್ ತಿಳಿಸಿದರು.
ನಾಟಕೋತ್ಸವ
ಇಂದು ಬೆಳಗ್ಗೆ 11.30ಕ್ಕೆ ಶ್ರವಣ್ ಕುಮಾರ್ ಹೆಗ್ಗೋಡು ನಿರ್ದೇಶನದ ರೆಕ್ಸ್ ಅವರ್ಸ್ ಡೈನೋ ಏಕಾಂಗಿ ಪಯಣ ನಾಟಕ ಹಮ್ಮಿಕೊಳ್ಳಲಾಗಿದೆ. ಈ ನಾಟಕಕ್ಕೆ ಶಾಲಾ, ಕಾಲೇಜ್ ವಿದ್ಯಾರ್ಥಿಗಳು ಭಾಗವಹಿಸಬಹುದು. ಉಚಿತ ಪ್ರವೇಶ ಇರಲಿದೆ.
