ಬೆಳಗಾವಿ: ಕಳೆದ ತಿಂಗಳಷ್ಟೆ ಕೃಷ್ಣಾ ನದಿ ಪ್ರವಾಹ ದಿಂದ ತತ್ತರಿಸಿ ಹೋಗಿದ್ದ ಇಲ್ಲಿನ ರೈತರಿಗೆ ವರುಣ ಗಾಯದ ಮೇಲೆ ಬರೆ ಎಳೆದಿದ್ದಾನೆ. ಮೆಕ್ಕೆಜೋಳದ ಕೊಯ್ಲು ಮಾಡಲು ಸಿದ್ಧತೆ ಮಾಡಿಕೊಂಡಿದ್ದ ಕೃಷಿಕನಿಗೆ ಶಾಕ್ ನೀಡಿದ್ದಾನೆ.
ಗಡಿ ಜಿಲ್ಲೆ ಬೆಳಗಾವಿಯಲ್ಲಿ ಮತ್ತೆ ವರುಣನಾರ್ಭಟ
ಇಂದು ಜಿಲ್ಲೆಯಾದ್ಯಂತ ಭಾರಿ ಪ್ರಮಾಣದಲ್ಲಿ ಮಳೆ ಸುರಿದ ಪರಿಣಾಮ ನೀರಿನ ಪ್ರಮಾಣ ದಿನೇ ದಿನೇ ಹೆಚ್ಚಾಗುತ್ತಿದೆ, ಬೆಳೆಗಳಲ್ಲಿ ತಂಪು ಕಾಣಿಸಿಕೊಂಡು ಕೆಲವು ಬೆಳೆಗಳು ನೀರು ಪಾಲಾಗಿವೆ. ಮಳೆ ಕಡಿಮೆ ಆಯ್ತು ಇನ್ನು ಬರಲು ಸಾಧ್ಯವಿಲ್ಲ ಎಂದು ಅಥಣಿ, ಚಿಕ್ಕೋಡಿ ಭಾಗದಲ್ಲಿ ಮೆಕ್ಕೆಜೋಳದ ರಾಸಿ(ಕೊಯ್ಲು) ಪ್ರಾರಂಭ ಮಾಡಿದ್ದರು. ಆದರೆ ಅಕಾಲಿಕ ಮಳೆ ಪರಿಣಾಮವಾಗಿ ಮೆಕ್ಕೆಜೋಳ ನೀರು ಪಾಲಾಗಿದ್ದು, ಅಕಾಲಿಕ ಮಳೆ ಹಿಂದ ರೈತರು ಕಂಗಾಲಾಗಿದ್ದಾರೆ.
