ನವದೆಹಲಿ: ವೈದ್ಯಕೀಯ ವಲಯದಲ್ಲಿ ಧರಿಸಬಹುದಾದ ತಂತ್ರಜ್ಞಾನದ ಮಾರುಕಟ್ಟೆಯು ಈ ವರ್ಷಾಂತ್ಯಕ್ಕೆ ಅಂದರೆ 2023ರಲ್ಲಿ 100 ಬಿಲಿಯನ್ ಡಾಲರ್ ತಲುಪಲಿದೆ. ಅಲ್ಲದೇ ಇದು 2030ರ ಹೊತ್ತಿಗೆ ವಾರ್ಷಿಕ ಬೆಳವಣಿಗೆ ದರ ಶೇ 15ರಷ್ಟಿದೆ ಎಂದು ವರದಿ ತಿಳಿಸಿದೆ.
ಧರಿಸಬಹುದಾದ ಸಾಧನಗಳ ಜೊತೆಗಿನ ಆರೋಗ್ಯ ಸೆನ್ಸರ್ಗಳು ಆರೋಗ್ಯ ವಲಯದಲ್ಲಿ ಕ್ರಾಂತಿಯನ್ನೇ ಉಂಟು ಮಾಡಿವೆ. ಅಲ್ಲದೇ ಗ್ರಾಹಕರು ತಮ್ಮ ಆರೋಗ್ಯದ ಮೇಲೆ ನಿಯಂತ್ರಣ ಹೊಂದಿ ಸಬಲರನ್ನಾಗಿಸಲು ಇದು ಸಹಾಯಕವಾಗಲಿದೆ.
ದೂರದ ರೋಗಿಗಳ ನಿರ್ವಹಣೆ ಮತ್ತು ಟೆಲಿಹೆಲ್ತ್ ಸರ್ವೀಸ್ ಪತ್ತೆಗೆ ಮತ್ತು ಹೃದಯ ಬಡಿತ, ಗ್ಲುಕೋಸ್ ಮಟ್ಟ ಮತ್ತು ರಕ್ತದೊತ್ತಡದಂತಹ ಪ್ರಮುಖ ಸೂಚನೆ ನಿರ್ವಹಣೆ ಸೇರಿದಂತೆ ಹಲವು ವೈದ್ಯಕೀಯ ಉದ್ದೇಶದಿಂದ ಈ ಸಾಧನಗಳನ್ನು ಬಳಕೆ ಮಾಡಲಾಗುತ್ತಿದೆ. ಫಿಟ್ನೆಸ್ ಟ್ರ್ಯಾಕರ್ ಮತ್ತು ಆರೋಗ್ಯ ನಿರ್ವಹಣೆ ಸೇರಿದಂತೆ ವೈದ್ಯಕೀಯ ಎಲ್ಲ ಉದ್ದೇಶಕ್ಕಾಗಿ ಎಲ್ಲ ಬಗೆಯ ಬಳಕೆದಾರರಲ್ಲಿ ಈ ಸಾಧನಗಳು ಜನಪ್ರಿಯಾಗುತ್ತಿದೆ ಎಂದು ಗ್ಲೋಬಲ್ ಡಾಟಾದ ವೈದ್ಯಕೀಯ ಸಾಧನದ ಹಿರಿಯ ವಿಶ್ಲೇಷಕ ಬ್ರೈನ್ ಹಿಕ್ಸ್ ತಿಳಿಸಿದ್ದಾರೆ.
ಸ್ಮಾರ್ಟ್ ವಾಚ್: ಈ ಸಾಧನಗಳನ್ನು ದೇಹದಲ್ಲಿ ಧರಿಸಬಹುದಾಗಿದೆ. ಅದರಲ್ಲಿ ಸಾಮಾನ್ಯವಾಗಿ ಜನಪ್ರಿಯ ಆಗಿರುವುದು ಮೊಣಕೈಗೆ ಕಟ್ಟುತ್ತಿರುವ ಸ್ಮಾರ್ಟ್ವಾಚ್ ಆಗಿದೆ. ಇದು ಮೊಬೈಲ್ ಹೆಲ್ತ್ ಜೊತೆಗೆ ಬಳಕೆಯ ಸಂಯೋಜನೆಯನ್ನು ಹೊಂದಿದೆ. ಈ ಸಾಧನಗಳಲ್ಲಿನ ದತ್ತಾಂಶವನ್ನು ನೈಜ ಸಮಯವನ್ನು ಆರೋಗ್ಯ ಕಾರ್ಯಕರ್ತರೊಂದಿಗೆ ಹಂಚಿಕೊಳ್ಳಬಹುದಾಗಿದೆ. ಇದರಿಂದ ಅವರಿಗೆ ರಿಮೋಟ್ ನಿರ್ವಹಣೆ ಮತ್ತು ಸಮಯಕ್ಕೆ ಚಿಕಿತ್ಸೆ ನೀಡಲು ಸಾಧ್ಯವಾಗುತ್ತದೆ ಎಂದಿದ್ದಾರೆ.
ಇದಕ್ಕಿಂತ ಹೆಚ್ಚಾಗಿ ಈ ಸಾಧನಗಳು ಫಿಟ್ನೆಸ್ ನಿರ್ವಹಣೆಮ, ಸ್ಟೈಲಿಶ್ ಡಿಸೈನ್ ಮತ್ತು ಎಐ ಅಲ್ಕೋರಿಧನ್ ಒಳಗೊಳ್ಳುವಿಕೆ, ಸ್ವಂ ಆರೈಕೆ ರಕ್ಷಣಾ ವ್ಯವಸ್ಥೆಯಂತಹ ಗ್ರಾಹಕರ ಆಧಾರಿತ ವೈಶಿಷ್ಟ್ಯಗಳನ್ನು ಒಳಗೊಂಡಿದೆ.
ಹೊಸ ಹೊಸ ಉತ್ಪನ್ನಗಳ ಅಭಿವೃದ್ಧಿ: ಇತ್ತೀಚಿನ ದಿನದಲ್ಲಿ ಈ ಮಾರುಕಟ್ಟೆಯಲ್ಲಿ ಹೊಸ ಉತ್ಪನ್ನಗಳಲ್ಲಿ ಅಭಿವೃದ್ಧಿ ಹೊಂದಿದ ತಂತ್ರಜ್ಞಾನ ಹೊಂದುವ ಮೂಲಕ ಮತ್ತಷ್ಟು ಗ್ರಾಹಕ ಆಕರ್ಷಣಿಯಾಗಿದೆ. ಜೊತೆಗೆ ಧರಿಸಬಹುದಾದ ಸಾಧನಗಳಲ್ಲಿ ಹೆಲ್ತ್ಕೇರ್ ಆ್ಯಪ್ಗಳ ಹೊಸ ಅಭಿವೃದ್ಧಿ ನಡೆಸಲಾಗಿದ್ದು, ಅವು ಕೇವಲ ಆರೋಗ್ಯದ ಮಾನದಂಡಗಳನ್ನು ನಿರ್ವಹಣೆ ಮಾಡದೇ ಅವು ಅದರ ಸೂಚನೆಗೆ ಫಲಿತಾಂಶವನ್ನು ಅಂದಾಜಿಸುತ್ತದೆ. ವೈದ್ಯಕೀಯ ವೃತ್ತಿಪರರಿಗೆ ಮೌಲ್ಯಯುತ ಮಾಹಿತಿಯನ್ನು ನೀಡುವ ಮೂಲಕ ವೇಗವಾಗಿ ಬೆಳವಣಿಗೆ ಕಾಣುತ್ತಿದೆ.
ಸ್ಮಾರ್ಟ್ವಾಚ್ನಲ್ಲಿ ಆ್ಯಪಲ್ ಮತ್ತು ಗರ್ಮಿನ್ ಪ್ರಮುಖವಾಗಿದ್ದು ವೈದ್ಯಕೀಯ ಉದ್ದೇಶದ ಧರಿಬಹುದಾದ ತಂತ್ರಜ್ಞಾನದ ಮಾರುಕಟ್ಟೆಯಲ್ಲಿ ಮುನ್ನಡೆ ಸಾಧಿಸಿದ್ದಾರೆ. ಅಷ್ಟೇ ಅಲ್ಲದೇ ಆರೋಗ್ಯ ಸಂಬಂಧಿತ ಲಕ್ಷಣದ ಮತ್ತು ಫಿಟ್ನೆಸ್ ಟ್ರಾಕ್ ಮಾಡುವ ಮೊದಲ ಧರಿಸಬಹುದಾದ ಸಾಧನವನ್ನು ಪರಿಚಯಿಸಿದವರಲ್ಲಿ ಮೊದಲಿಗರಾಗಿದ್ದಾರೆ. (ಐಎಎನ್ಎಸ್)
ಇದನ್ನೂ ಓದಿ: ಮಕ್ಕಳ ಮಿದುಳಿನ ಮೇಲೆ ಟೆಕ್ ಸಾಧನಗಳ ಪರಿಣಾಮವೇನು?: ಅಧ್ಯಯನದಲ್ಲಿ ಕುತೂಹಲದ ಮಾಹಿತಿ ಬಹಿರಂಗ
