ಯಾವುದೇ ಉದ್ಯೋಗಕ್ಕಾಗಿ ಕೆಲಸಕ್ಕೆ ಅರ್ಜಿ ಹಾಕಲು ರೆಸ್ಯೂಮ್ ಪ್ರಮುಖ ಪಾತ್ರವಹಿಸುತ್ತದೆ. ಅಭ್ಯರ್ಥಿ ಮತ್ತು ನೇಮಕ ಮಾಡುವವರ ನಡುವಿನ ಸೇತುವೆಯಾಗಿ ರೆಸ್ಯೂಮ್ ಕಾರ್ಯ ನಿರ್ವಹಿಸುತ್ತದೆ. ಉದ್ಯೋಗಿಯು ಯಾವುದೇ ನೇಮಕಾತಿ ಪ್ರಕ್ರಿಯೆಯಲ್ಲಿ ತಪ್ಪದೇ ತಮ್ಮ ರೆಸ್ಯೂಮ್ನ ಜೊತೆಗೆ ಸಂದರ್ಶನದಲ್ಲಿ ಭಾಗಿಯಾಗುತ್ತಾರೆ. ಈ ರೆಸ್ಯೂಮ್ ಗಮನಿಸಿ ಅನೇಕ ಕಂಪನಿಗಳು ಅಭ್ಯರ್ಥಿಗಳ ಬಗ್ಗೆ ಮೊದಲಿಗೆ ಒಂದು ಅಭಿಪ್ರಾಯವನ್ನು ರೂಪಿಸಿಕೊಳ್ಳುತ್ತವೆ. ಸಂದರ್ಶನದ ಬಳಿಕ ಆಯ್ಕೆ ಮಾಡಬೇಕೇ ಬೇಡವೇ ಎಂಬ ನಿರ್ಧಾರ ಮಾಡಲಾಗುತ್ತದೆ. ಇಷ್ಟು ವರ್ಷಗಳ ಕಾಲ ನೇಮಕಾತಿ ವೇಳೆ ರೆಸ್ಯೂಮ್ ಮಹತ್ವವನ್ನು ಹೊಂದಿತು. ಆದರೆ, ಇನ್ಮುಂದೆ ಈ ರೆಸ್ಯೂಮ್ ತನ್ನ ಪಾತ್ರ ಕಳೆದುಕೊಳ್ಳಲಿದೆ ಎಂದರೆ ತಪ್ಪಲ್ಲ.
ಇತ್ತೀಚಿನ ದಿನದಲ್ಲಿ ರೆಸ್ಯೂಮ್ ಎಂಬುದು ಹಳಸಿದ ಅಂಶವಾಗಿದೆ. ಇದಕ್ಕೆ ಕಾರಣ ಹಲವು ಇದೆ. ಅದರಲ್ಲಿ ಮುಖ್ಯ ಅಂಶ ಎಂದರೆ ನೇಮಕಾತಿ ಏಜೆನ್ಸಿಗಳು ತಮ್ಮ ಅಭ್ಯರ್ಥಿಗಳು ಆಧುನಿಕ ಮಾದರಿಗಳ ಮೂಲಕ ಆಯ್ಕೆಗೆ ಒತ್ತು ನೀಡುತ್ತಿವೆ. ಇದಕ್ಕಾಗಿ ಕಂಪನಿಗಳು ತಂತ್ರಜ್ಞಾನದ ಮೊರೆ ಹೋಗುತ್ತಿವೆ. ಸಾಮಾಜಿಕ ಮಾಧ್ಯಮ ಫ್ಲಾಟ್ಫಾರ್ಮ್ ಬಳಕೆಯಿಂದ ಮಾಹಿತಿ ಸಂಗ್ರಹಿಸಲಾಗುತ್ತದೆ. ಇದರಿಂದಾಗಿ ಸಂಸ್ಥೆಗಳು ನೇಮಕಾತಿ ಪ್ರಕ್ರಿಯೆಗಳನ್ನು ಶೀಘ್ರವಾಗಿ ಮತ್ತು ಪರಿಣಾಮಕಾರಿಯಾಗಿ ಮಾಡುತ್ತಿವೆ.
'ನೋ ರೆಸ್ಯೂಮ್‘ ಪಾಲಿಸಿ: ಟ್ಯಾಲೆಂಟ್ ಸೆಟ್ರಿಕ್ ರಿಕ್ರೂಟ್ಮೆಂಟ್' ಮಾದರಿಯನ್ನು ಅಳವಡಿಸಿಕೊಳ್ಳಲಾಗುತ್ತದೆ. ಅನೇಕ ಡಿಜಿಟಲ್ ಸಂಪನ್ಮೂಲಗಳು ಲಭ್ಯವಿದ್ದು, ಇದರ ಆಧಾರದ ಮೇಲೆ ಕಂಪನಿಗಳು ನಿರ್ಧಾರವನ್ನು ಕೈಗೊಳ್ಳುತ್ತಿವೆ. ಟಾಪ್ ನೇಮಕಾತಿ ಚಾನೆಲ್ಗಳು, ಆನ್ಲೈನ್ ಪೋರ್ಟಲ್, ಎಂಪ್ಲಾಯಿ ರೆಫ್ರೆನ್ಸ್ (ಉದ್ಯೋಗಿ ಸಲಹೆ) ಹೀಗೆ ಹಲವು ಹೊಸ ತಂತ್ರಜ್ಞಾನಗಳು ಇದೀಗ ನೇಮಕಾತಿ ಪ್ರಕ್ರಿಯೆ ಭಾಗವಾಗಿದೆ.
ರೆಸ್ಯೂಮ್ಗಳಲ್ಲಿ ಬದಲಾವಣೆ ಮಾಡಲು ಕಾರಣ ಎಂದರೆ, ಹೆಚ್ಚಿನ ಅಭ್ಯರ್ಥಿಗಳು ಈಗಾಗಲೇ ಲಭ್ಯವಿರುವ ರೆಸ್ಯೂಮ್ ಫಾರ್ಮ್ಯಾಟ್‌ಗಳನ್ನು ಬಳಸುತ್ತಿರುವುದಾಗಿದೆ. ರೆಸ್ಯೂಮ್ ಬರೆಯುವುದಕ್ಕಾಗಿಯೇ ಅನೇಕ ಪ್ರೊಫೆಷನಲ್ ರೆಸ್ಯೂಮ್ ರೈಟರ್ಗಳಿದ್ದಾರೆ. ಅಲ್ಲದೇ, ಚಾಟ್ಜಿಪಿಟಿಯಂತಹ ಎಐ ತಂತ್ರಜ್ಞಾನಗಳನ್ನು ಬಳಕೆ ಮಾಡಬಹುದಾಗಿದೆ. ಶೇ 80ರಷ್ಟು ರೆಸ್ಯೂಮ್ಗಳಲ್ಲಿ ಜನರು ಸುಳ್ಳು ಹೇಳುತ್ತಾರೆ. 10 ವರ್ಷದ ಹಿಂದೆ ಇದರ ಪ್ರತಿಶತ ಶೇ 65 ರಷ್ಟಿತು.
ಮೂರು ಸಾವಿರಕ್ಕೂ ಹೆಚ್ಚಿನ ನೇಮಕಾತಿದಾರರನ್ನು ಇತ್ತೀಚಿಗೆ ಸಮೀಕ್ಷೆ ಮಾಡಲಾಗಿದ್ದು, ರೆಸ್ಯೂಮ್ ಅಲ್ಲಿರುವ ಎಲ್ಲಾ ವಿವರಗಳನ್ನು ಸಂಪೂರ್ಣವಾಗಿ ನಂಬುವುದಿಲ್ಲ. ಅವರು ಅಭ್ಯರ್ಥಿಗಳು ಕೆಲಸ ನೀಡುವುದಕ್ಕೂ ಮುನ್ನ, ಅಭ್ಯರ್ಥಿಗಳ ನಡುವಳಿಕೆಗಳಿಂದ ಹೆಚ್ಚಿನದನ್ನು ತಿಳಿಯಲು ಬಯಸುತ್ತಾರೆ. ಆದಾಗ್ಯೂ, ಕೇವಲ ಶೇ 30ರಷ್ಟು ಮಾಹಿತಿಗಳನ್ನು ಮಾತ್ರ ಈ ರೆಸ್ಯೂಮ್ಗಳಿಂದ ತಿಳಿಯಲು ಸಾಧ್ಯ ಎಂದಿದ್ದಾರೆ. ಅಲ್ಲದೆ ಬಹತೇಕ ನೇಮಕದಾರರು, ಅಭ್ಯರ್ಥಿಗಳು ಸಮಸ್ಯೆ ಬಿಡಿಸುವ, ನಿರ್ಧಾರ ಕೈಗೊಳ್ಳುವ ಕೌಶಲ್ಯ, ನಿರಂತರ ಕಲಿಕೆಯಲ್ಲಿನ ಸಾವಧಾನ, ತಂಡದೊಂದಿಗೆ ಕೆಲಸ ಮಾಡುವ ಸಾಮರ್ಥ್ಯ ಮತ್ತು ನಾಯಕತ್ವದ ಗುಣ ನೋಡಿ ಅಭ್ಯರ್ಥಿಗಳ ಆಯ್ಕೆ ಮಾಡುತ್ತಾರೆ. ಈ ಹಿನ್ನೆಲೆಯಲ್ಲಿ ಅಭ್ಯರ್ಥಿಗಳು ರೆಸ್ಯೂಮ್ ಮಾತ್ರ ಅವಲಂಬಿಸದೇ ಹೆಚ್ಚಾಗಿ ಆನ್‌ಲೈನ್‌ನಲ್ಲಿ ಪೋಸ್ಟ್‌ಗಳು ಮತ್ತು ನಡವಳಿಕೆಯ ಬಗ್ಗೆ ವಿಶೇಷ ಗಮನ ಹರಿಸಬೇಕು ಎಂದು ತಜ್ಞರು ತಿಳಿಸುತ್ತಾರೆ.
ಇದನ್ನೂ ಓದಿ: ಸ್ಟಾಕ್ ಮಾರ್ಕೆಟ್ನಲ್ಲಿ ಹೂಡಿಕೆ, ಲಾಭ - ನಷ್ಟ ಅಷ್ಟೇ ಅಲ್ಲ.. ಇಲ್ಲಿದೆ ಅಪಾರ ಪ್ರಮಾಣದ ಉದ್ಯೋಗಾವಕಾಶ!
