ಕ್ಯಾನ್ಸರ್​ ಚಿಕಿತ್ಸೆ.. ಕೈಗೆಟಕುವಂತಹ ವಿಮಾ ಪಾಲಿಸಿ ಆಯ್ಕೆ ಮಾಡಿ!

ಇದೆಲ್ಲವೂ ಖಂಡಿತವಾಗಿಯೂ ನಮ್ಮ ಆರ್ಥಿಕ ಪರಿಸ್ಥಿತಿ ಮೇಲೆ ಭಾರವಾಗುತ್ತದೆ. ನಾವು ಮಾಡುತ್ತಿರುವ ಉಳಿತಾಯ ಕಡಿಮೆ ಮಾಡುವುದಲ್ಲದೇ, ನಮ್ಮ ಭವಿಷ್ಯದ ಆರ್ಥಿಕ ಗುರಿಗಳ ಮೇಲೂ ನಾವು ರಾಜಿ ಮಾಡಿಕೊಳ್ಳಬೇಕಾಗುತ್ತದೆ. ಇಂತಹ ಕಠಿಣ ಸಂದರ್ಭಗಳಿಂದ ತಪ್ಪಿಸಿಕೊಳ್ಳಲು, ಸಮಗ್ರ ಆರೋಗ್ಯ ವಿಮಾ ಪಾಲಿಸಿಯೊಂದಿಗೆ ಕ್ಯಾನ್ಸರ್​ ಸ್ಪೆಷಲ್​ ಪಾಲಿಸಿಯನ್ನು ಆಯ್ಕೆ ಮಾಡಿಕೊಳ್ಳುವುದು ಉತ್ತಮ.

ಹೈದರಾಬಾದ್: ಸಂದೇಹವೇ ಇಲ್ಲ, ಕ್ಯಾನ್ಸರ್​ ಎನ್ನುವ ಹೆಸರಿಗೇನೆ ಜನ ಹೆದರುತ್ತಾರೆ. ಅದಕ್ಕೆ ಸರಿಯಾಗಿ ಇತ್ತೀಚಿನ ದಿನಗಳಲ್ಲಿ ಕ್ಯಾನ್ಸರ್​ ಪ್ರಕರಣಗಳ ಸಂಖ್ಯೆ ಕೂಡ ಬಹಳಷ್ಟು ಹೆಚ್ಚಾಗುತ್ತಿದೆ. ರೋಗದ ಭಯದ ಜೊತೆ ಅದಕ್ಕೆ ಮಾಡಬೇಕಾದ ಖರ್ಚಿನ ಬಗ್ಗೆಯೂ ಭಯ ಪ್ರಾರಂಭವಾಗುತ್ತದೆ. ಚಿಕಿತ್ಸೆಗಾಗಿ ಲಕ್ಷಾಂತರ ರುಪಾಯಿ ಖರ್ಚು ಮಾಡಬೇಕಾಗುತ್ತದೆ. ಭವಿಷ್ಯದಲ್ಲಿ ಏನಾಗಬಹುದು ಎಂಬುದೇ ಎಲ್ಲರ ಭಯವಾಗಿರುತ್ತದೆ.

ಪ್ರಾಮಾಣಿಕವಾಗಿ ಹೇಳಬೇಕೆಂದರೆ ಎಲ್ಲರಿಗೂ ಕ್ಯಾನ್ಸರ್​ ಚಿಕಿತ್ಸೆಗೆ ತಗುಲುವ ಖರ್ಚು ಭರಿಸುವ ಸಾಮರ್ಥ್ಯ ಇರುವುದಿಲ್ಲ. ಪ್ರಸ್ತುತವಾಗಿ ಕ್ಯಾನ್ಸರ್​ ಚಿಕಿತ್ಸೆ ಸುಲಭವಾಗಿ ಕೈಗೆಟಕುವಂತಿರುವುದಿಲ್ಲ. ಕೆಲವೊಮ್ಮೆ ವಿಮಾ ಪಾಲಿಸಿಗಳೂ ಕ್ಯಾನ್ಸರ್​ನ ಸಂಪೂರ್ಣ ವೆಚ್ಚವನ್ನು ಸಂಪೂರ್ಣವಾಗಿ ಸರಿದೂಗಿಸಲು ಸಾಧ್ಯವಾಗುವುದಿಲ್ಲ. ಕ್ಯಾನ್ಸರ್​ಗಾಗಿಯೇ ನಿರ್ದಿಷ್ಟ ಪಾಲಿಸಿಗಳನ್ನು ಮಾಡಿಕೊಳ್ಳಲು ಇದು ಸರಿಯಾದ ಸಮಯ.

ಕ್ಯಾನ್ಸರ್​ ಚಿಕಿತ್ಸೆಗೆ ಸುಮಾರು 20 ಲಕ್ಷ ರುಪಾಯಿ ಖರ್ಚಾಗುವ ಸಾಧ್ಯತೆ ಇರುತ್ತದೆ. ಅದರಲ್ಲೂ ಮೆಟ್ರೋ ನಗರ ಹಾಗೂ ಕ್ಯಾನ್ಸರ್​ ಸ್ಪೆಷಾಲಿಟಿ ಆಸ್ಪತ್ರೆಗಳಲ್ಲಿ ಈ ವೆಚ್ಚು ಇನ್ನೂ ದುಬಾರಿಯಾಗಬಹುದು. ಕ್ಯಾನ್ಸರ್​ ಪತ್ತೆಯಾದ ನಂತರ ಮಾಡುವ ವಿವಿಧ ಪರೀಕ್ಷೆಗಳ ವೆಚ್ಚವೇ ಲಕ್ಷಕ್ಕೆ ಹೋಗಬಹುದು. ಕ್ಯಾನ್ಸರ್​ಗೆ ದೀರ್ಘಾವಧಿಯ ಔಷಧ ಮಾಡಬೇಕಾಗುತ್ತದೆ. ಆ ಔಷಧದ ಖರ್ಚೂ ಇದರೊಂದಿಗೆ ಸೇರುತ್ತದೆ.

ಇದೆಲ್ಲವೂ ಖಂಡಿತವಾಗಿಯೂ ನಮ್ಮ ಆರ್ಥಿಕ ಪರಿಸ್ಥಿತಿ ಮೇಲೆ ಭಾರವಾಗುತ್ತದೆ. ನಾವು ಮಾಡುತ್ತಿರುವ ಉಳಿತಾಯ ಕಡಿಮೆ ಮಾಡುವುದಲ್ಲದೆ, ನಮ್ಮ ಭವಿಷ್ಯದ ಆರ್ಥಿಕ ಗುರಿಗಳ ಮೇಲೂ ನಾವು ರಾಜಿ ಮಾಡಿಕೊಳ್ಳಬೇಕಾಗುತ್ತದೆ. ಇಂತಹ ಕಠಿನ ಸಂದರ್ಭಗಳಿಂದ ತಪ್ಪಿಸಿಕೊಳ್ಳಲು, ಸಮಗ್ರ ಆರೋಗ್ಯ ವಿಮಾ ಪಾಲಿಸಿಯೊಂದಿಗೆ ಕ್ಯಾನ್ಸರ್​ ಸ್ಪೆಷಲ್​ ಪಾಲಿಸಿಯನ್ನು ಆಯ್ಕೆ ಮಾಡಿಕೊಳ್ಳುವುದು ಉತ್ತಮ.

ಕ್ಯಾನ್ಸರ್​ ವಿಶೇಷ ಪಾಲಿಸಿ ಮಾಡಿಕೊಳ್ಳಿ: ಈಗಾಗಲೇ ನಿಮ್ಮಲ್ಲಿರುವ ಪಾಲಿಸಿ, ಕ್ಯಾನ್ಸರ್​ನ ಎಲ್ಲಾ ವ್ಯಾಪ್ತಿಯನ್ನು ಕವರ್​ ಮಾಡದೇ ಇದ್ದರೆ, ಕ್ಯಾನ್ಸರ್​ ವಿಶೇಷ ಪಾಲಿಸಿ ಅಥವಾ ಎಲ್ಲಾ ಅನಾರೋಗ್ಯವನ್ನು ಕವರ್​ ಮಾಡುವಂತಹ ಆರೋಗ್ಯ ವಿಮಾ ಪಾಲಿಸಿ ಖರೀದಿಸುವುದು ಉತ್ತಮ. ಚಿಕಿತ್ಸಾ ವೆಚ್ಚಗಳಲ್ಲದೆ, ಚಿಕಿತ್ಸೆಗಾಗಿ ಪ್ರಯಾಣ, ಪೂರಕ ಔಷಧಗಳ ವೆಚ್ಚಗಳು ಇತ್ಯಾದಿ ಸೇರಿದಂತೆ ವೈದ್ಯಕೀಯೇತರ ವೆಚ್ಚಗಳಂತಹ ಇತರ ಸಂಬಂಧಿತ ವೆಚ್ಚಗಳನ್ನು ಸಹ ಕವರ್​ ಮಾಡುವಂತಹ ಪಾಲಿಸಿಗಳು ಸಹಾಯಕವಾಗಿರುತ್ತವೆ.

ಆರಂಭಿಕ ಕಾಯುವ ಅವಧಿ ವಿಮಾ ಕಂಪನಿ ಅವಲಂಬಿಸಿದ್ದು, ಸಾಮಾನ್ಯವಾಗಿ ಪಾಲಿಸಿ ಪ್ರಾರಂಭದ ದಿನಾಂಕದಿಂದ 90 ದಿನಗಳಿಂದ 180 ದಿನಗಳವರೆಗೆ ಇರುತ್ತದೆ. ಈ ಸಮಯದಲ್ಲಿ ಪಾಲಿಸಿದಾರರು ಯಾವುದೇ ಕ್ಲೈಮ್‌ಗಳನ್ನು ಮಾಡಲು ಸಾಧ್ಯವಿಲ್ಲ. ಬದುಕುಳಿಯುವ ಅವಧಿಯು ರೋಗದ ಮೊದಲ ರೋಗನಿರ್ಣಯದ ನಂತರದ ಸಮಯವಾಗಿದ್ದು, ಈ ಸಮಯದಲ್ಲಿ ಕವರೇಜ್ ಕಾರ್ಯನಿರ್ವಹಿಸುವುದಿಲ್ಲ.

ಒಬ್ಬ ವ್ಯಕ್ತಿಯು ಆ ಅವಧಿಯಲ್ಲಿ ಉಳಿದುಕೊಂಡರೆ, ನಂತರ ಅವನಿಗೆ ಅಗತ್ಯವಿರುವ ಉಪಶಾಮಕ ಆರೈಕೆ ಮತ್ತು ವೈದ್ಯಕೀಯ ವೆಚ್ಚಗಳನ್ನು ಪಾಲಿಸಿ ಕವರ್​ ಮಾಡುತ್ತದೆ. ಬದುಕುಳಿಯುವ ಅವಧಿಯು 30 ದಿನಗಳಿಂದ ಆರು ತಿಂಗಳವರೆಗೆ ಇರಬಹುದು.

ಪಾಲಿಸಿ ಎಲ್ಲವನ್ನೂ ಕವರ್​ ಮಾಡುವಂತಿರಲಿ: ವಿವಿಧ ರೀತಿಯ ಕ್ಯಾನ್ಸರ್‌ಗಳನ್ನು ಕವರ್​ ಮಾಡುವಂತಹ ಪಾಲಿಸಿಯನ್ನು ಅಥವಾ ಗರಿಷ್ಠ ಸಂಖ್ಯೆಯ ವಿವಿಧ ಕ್ಯಾನ್ಸರ್‌ಗಳನ್ನು ಕವರ್​ ಮಾಡುವಂತಹ ಪಾಲಿಸಿಯನ್ನು ಟಿಕ್ ಮಾಡುವುದು ಉತ್ತಮ. ದೀರ್ಘಕಾಲದ ಮತ್ತು ದುಬಾರಿ ಖರ್ಚು ಬೇಡುವಂತಹ ಅನಾರೋಗ್ಯವಾಗಿರುವ ಕಾರಣ, ಪಾಲಿಸಿ ಮೊತ್ತ ಕೂಡ ಹೆಚ್ಚಿನ ಭಾಗದಲ್ಲಿರಬೇಕು. ಶಸ್ತ್ರಚಿಕಿತ್ಸೆ, ಕೀಮೋಥೆರಪಿ, ಇಮ್ಯುನೊಥೆರಪಿ ಮತ್ತು ಇತರ ಚಿಕಿತ್ಸೆಗಳ ವೆಚ್ಚವನ್ನು ಅಂದಾಜು ಮಾಡಬೇಕು ಮತ್ತು ಅದಕ್ಕೆ ಅನುಗುಣವಾಗಿ ಪಾಲಿಸಿ ಮೊತ್ತವನ್ನು ನಿರ್ಧರಿಸಬೇಕು.

ಸಾಧ್ಯವಾದಷ್ಟು ಅವಧಿಗೆ ಪಾಲಿಸಿ ರಕ್ಷಣೆ ಮುಂದುವರಿಸುತ್ತದೆಯೋ ಇಲ್ಲವೋ ಎಂಬುದನ್ನು ಖಚಿತಪಡಿಸಿಕೊಳ್ಳುವುದು ಸೂಕ್ತ. ಈಗ ಹೆಚ್ಚಿನ ಪಾಲಿಸಿಗಳು 80 ವರ್ಷ ವಯಸ್ಸಿನವರೆಗೆ ಕವರೇಜ್ ನೀಡುತ್ತವೆ. ಆರೋಗ್ಯ ವಿಮಾ ಪಾಲಿಸಿ ಇದ್ದರೂ, ಕ್ಯಾನ್ಸರ್ ಪಾಲಿಸಿ ಅಥವಾ ಅದರ ಜೊತೆಗೆ ಕ್ರಿಟಿಕಲ್ ಅನಾರೋಗ್ಯದ ಪಾಲಿಸಿ ತೆಗೆದುಕೊಳ್ಳುವುದು ಇತ್ತೀಚಿನ ದಿನಗಳಲ್ಲಿ ಆಯ್ಕೆಗಿಂತ ಹೆಚ್ಚು ಅಗತ್ಯವಾಗಿದೆ ಎಂದು ಅರ್ಥಮಾಡಿಕೊಳ್ಳಬೇಕು. ಅಂತಿಮಗೊಳಿಸುವ ಮೊದಲು ಎಲ್ಲಾ ನಿಯಮಗಳು ಮತ್ತು ಷರತ್ತುಗಳನ್ನು ಸಂಪೂರ್ಣವಾಗಿ ಪರಿಶೀಲಿಸಿ.

ಇದನ್ನೂ ಓದಿ: ಎಫ್​ಡಿ ಮೇಲೆ ಅತಿ ಹೆಚ್ಚು ಬಡ್ಡಿ ಆಸೆ ಬೇಡ.. ಅಸಲೂ ಹೋದೀತು ಜೋಕೆ!