ನವದೆಹಲಿ: ಸ್ಮಾರ್ಟ್ಫೋನ್ ತಯಾರಿಕಾ ಕಂಪನಿಗಳಲ್ಲಿ ಒಂದಾದ ಭಾರತ ಮೂಲದ ಲಾವಾ ದೇಶವಾಸಿಗಳಿಗೆ ಅಗ್ಗದ ಬೆಲೆಯ 5ಜಿ ಬ್ಲೇಜ್ ಮೊಬೈಲ್ ಅನ್ನು ಪರಿಚಯಿಸಿದೆ. ಮೀಡಿಯಾ ಟೆಕ್ 5ಜಿ ಚಿಪ್ ಹೊಂದಿರುವ ಗುಣಮಟ್ಟದ ಮತ್ತು ಕೈಗೆಟುವ ದರದ ಸ್ಮಾರ್ಟ್ಫೋನ್ ಮಾರುಕಟ್ಟೆಗೆ ಬಿಡುಗಡೆ ಮಾಡಿದೆ.
ಕಳೆದ ತಿಂಗಳು ನಡೆದ ಕಾರ್ಯಕ್ರಮದಲ್ಲಿ ದೇಶದ ಸ್ಮಾರ್ಟ್ಫೋನ್ ಮಾರುಕಟ್ಟೆಗೆ ಹೊಸ ಮಾದರಿಯ 5ಜಿ ಮೊಬೈಲ್ ಬಿಡುಗಡೆ ಮಾಡುವುದಾಗಿ ಘೋಷಿಸಿದ್ದ ಲಾವಾ, ಅದರಂತೆ ಬ್ಲೇಜ್ 5ಜಿ ಮೊಬೈಲ್ ಗ್ರಾಹಕರಿಗೆ ಮುಕ್ತ ಮಾಡಿದೆ.
ಮೊಬೈಲ್ನ ಬೆಲೆ, ವೈಶಿಷ್ಟ್ಯಗಳು: Lava Blaze 5G ಬೆಲೆ 9,999 ರೂ.ಗಳಾಗಿದೆ. ಇದು 5 ಜಿ ಮೊಬೈಲ್ಗಳಲ್ಲೇ ಅತಿ ಕಡಿಮೆ ಬೆಲೆಯದ್ದಾಗಿದೆ. 4GB + 128GB ಆಂತರಿಕ ಸಾಮರ್ಥ್ಯವನ್ನು ಇದು ಹೊಂದಿದೆ. ಪ್ರಸ್ತುತ ಒಂದೇ ರೂಪದಲ್ಲಿ ಮೊಬೈಲ್ ಬಿಡುಗಡೆ ಮಾಡಲಾಗಿದೆ. ಮುಂದಿನ ದಿನಗಳಲ್ಲಿ ಬೆಲೆ ಮತ್ತು ಅದರ ಸಾಮರ್ಥ್ಯ ವಿಸ್ತರಿಸುವ ಬಗ್ಗೆ ಕಂಪನಿ ತಿಳಿಸಿದೆ.
ಲಾವಾ ಬ್ಲೇಜ್ 5 ಜಿ ಆಕರ್ಷಕ ವಿನ್ಯಾಸದೊಂದಿಗೆ ರೂಪಿಸಲಾಗಿದ್ದು, ಅಗ್ಗದ ಬೆಲೆ ಕಾರಣ ಗ್ರಾಹಕರ ಗಮನ ಸೆಳೆದಿದೆ. ಸಮತಟ್ಟಾದ ವಿನ್ಯಾಸದಿಂದ ಕೂಡಿರುವ ಬ್ಲೇಜ್ ಪರದೆಯು ವಾಟರ್‌ಡ್ರಾಪ್ ಸೆಕ್ಯೂರಿಟಿ, 90Hz ರಿಫ್ರೆಶ್ ದರವನ್ನು ಇದು ಹೊಂದಿದೆ. ಮೀಡಿಯಾ ಟೆಕ್ ಡೈಮೆನ್ಸಿಟಿ 700 ಚಿಪ್‌ನಿಂದ ಇದು ಚಾಲಿತವಾಗಿದೆ. 4 GB RAM ಮತ್ತು 128 GB ಆಂತರಿಕ ಸಾಮರ್ಥ್ಯವನ್ನು ಇದು ಹೊಂದಿದೆ. ಆಂತರಿಕ ಮೆಮೊರಿಯೊಂದಿಗೆ ಇದನ್ನು 7 ಜಿಬಿವರೆಗೂ ವಿಸ್ತರಿಸಬಹುದಾಗಿದೆ.
ಆ್ಯಂಡ್ರಾಯ್ಡ್ 12 ಓಎಸ್ನಿಂದ ಕಾರ್ಯನಿರ್ವಹಿಸುವ ಈ ಮೊಬೈಲ್ 6.51 ಇಂಚಿನ ಪರದೆಯನ್ನು ಹೊಂದಿದೆ. ಓಎಸ್ ಸಾಮರ್ಥ್ಯವನ್ನು ಅಪ್ಡೇಟ್ ಮಾಡುವ ಬಗ್ಗೆ ಕಂಪನಿ ತಿಳಿಸಿಲ್ಲವಾದರೂ, ಮುಂದಿನ ದಿನಗಳಲ್ಲಿ ಇದು ಆಂಡ್ರಾಯ್ಡ್ 13 ಸಾಮರ್ಥ್ಯವನ್ನು ಹೊಂದುವ ಸಾಧ್ಯತೆ ಇದೆ.
ಕ್ಯಾಮೆರಾಗಳು: ದೊಡ್ಡ ಪರದೆ ಹೊಂದಿರುವ ಬ್ಲೇಜ್ ಮೊಬೈಲ್ ಮೂರು ಕ್ಯಾಮೆರಾಗಳನ್ನು ಹೊಂದಿದೆ. 50 ಮೆಗಾಪಿಕ್ಸಲ್ ಸಾಮರ್ಥ್ಯದ ಪ್ರಾಥಮಿಕ ಕ್ಯಾಮೆರಾ ಜೊತೆಗೆ ಇನ್ನೆರಡು ಕ್ಯಾಮೆರಾಗಳಿವೆ. 8 ಮೆಗಾಪಿಕ್ಸಲ್ನ ಮುಂಭಾಗದ ಕ್ಯಾಮೆರಾವು ಇದೆ. 5 ಸಾವಿರ ಎಂಎಎಚ್ನ ಬಲಿಷ್ಠ ಬ್ಯಾಟರಿ ಇದೆ ಹೆಚ್ಚುವರಿಯಾಗಿದೆ.
ಬ್ಲೇಜ್ ಮೊಬೈಲ್ನ ವಿಶೇಷತೆಗಳು
- ಕ್ಯಾಮೆರಾ- 50 ಎಂಪಿ ಪ್ರೈಮರಿ, 2 ಸೆಕೆಂಡರಿ ಕ್ಯಾಮೆರಾ
- ಬ್ಯಾಟರಿ- 5 ಸಾವಿರ ಎಂಎಚ್ ಸಾಮರ್ಥ್ಯ
- ಆಂತರಿಕ ಸಾಮರ್ಥ್ಯ- 4 ಜಿಬಿ, 138 ಜಿಬಿ ಇನ್ಬಿಲ್ಟ್
- ಪರದೆ- 6.51 ಇಂಚು
- ದರ- 9,999 ರೂಪಾಯಿ
ಓದಿ: ಪಾಪ್‌ಕಾರ್ನ್ ಟಿನ್‌ ಸರ್ಕ್ಯೂಟ್‌ ಬೋರ್ಡ್‌ನಲ್ಲಿತ್ತು $3.36 ಬಿಲಿಯನ್ ಮೌಲ್ಯದ Bitcoin!
