ಬೆಂಗಳೂರು: ಭಾರತದಲ್ಲಿ ಇಂಟರ್ನೆಟ್ ವೇಗವಾಗಿ ವಿಸ್ತರಿಸುತ್ತಿದೆ. ದೇಶದ ಇಂಟರ್ನೆಟ್ ಆರ್ಥಿಕತೆ 2022ರಲ್ಲಿ 175 ಬಿಲಿಯನ್ ಡಾಲರ್ನಿಂದ 2030ರ ವೇಳೆಗೆ 1 ಡಾಲರ್ ಟ್ರಿಲಿಯನ್ ತಲುಪಲಿದೆ ಎಂದು ವರದಿ ಅಂದಾಜಿಸಿದೆ.
ಗೂಗಲ್ ಟೆಮಸೆಕ್ ಮತ್ತು ಬ್ರೈನ್ ಆ್ಯಂಡ್ ಕಂಪನಿಗಳು ಒಟ್ಟಾಗಿ ಬಿಡುಗಡೆ ಮಾಡಿರುವ 'ದಿ ಇ-ಕೊನೊಮಿ ಆಫ್ ಎ ಬಿಲಿಯನ್ ಕನೆಕ್ಟೆಡ್ ಇಂಡಿಯನ್ಸ್' ಎಂಬ ವರದಿಯಲ್ಲಿ ಈ ಕುರಿತು ತಿಳಿಸಲಾಗಿದೆ. ಟೈರ್ 2 ನಗರಗಳಲ್ಲಿ ಇಂಟರ್ನೆಟ್ ಬಳಕೆದಾರರ ಡಿಜಿಟಲ್ ನಡವಳಿಕೆಗಳು, ಆರಂಭಿಕ ಪರಿಸರ ವ್ಯವಸ್ಥೆಗಳು, ಡಿಜಿಟಲೀಕರಣ ಮತ್ತು ಭಾರತದ ಸ್ವದೇಶಿ ಡಿಜಿಟಲ್ ಸಾರ್ವಜನಿಕ ಸರಕುಗಳು ಅಥವಾ ಇಂಡಿಯಾ ಸ್ಟಾಕ್ ಯಶಸ್ಸು ಇಂಟರ್ನೆಟ್ ಆರ್ಥಿಕತೆಯ ಬಲವರ್ಧನೆ ಕಾರಣವಾಗಲಿದೆ.
ಗ್ರಾಹಕರ ಡಿಜಿಟಲ್ ಒಳಗೊಳ್ಳುವಿಕೆ, ಉದ್ಯಮಿಗಳಿಂದ ತಾಂತ್ರಿಕ ಹೂಡಿಕೆ ಮತ್ತು ಭಾರತದ ಷೇರಿನಲ್ಲಿ ಡಿಜಿಟಲ್ ಪ್ರಭುತ್ವಗಳು ಮೂರು ಪ್ರಮುಖ ಬಲವಾಗಿದ್ದು, ಇದು ಭಾರತದ ಡಿಜಿಟಲ್ ಟ್ರಾನ್ಸ್‌ಫಾರ್ಮೆಷನ್ಗೆ ಪ್ರಮುಖ ತಿರುವು ಎಂದು ಗೂಗಲ್ ಇಂಡಿಯಾ ಮುಖ್ಯಸ್ಥ ಮತ್ತು ಉಪಾಧ್ಯಕ್ಷ ಸಂಜಯ್ ಗುಪ್ತಾ ತಿಳಿಸಿದ್ದಾರೆ.
ಅಂತರ್ಜಾಲ ಆರ್ಥಿಕತೆ ಭಾರತದ ತಾಂತ್ರಿಕ ವಲಯಕ್ಕೆ ಕೊಡುಗೆ ನೀಡುತ್ತಿದ್ದು, 2030ರ ವೇಳೆಗೆ ಶೇ 48ರಿಂದ 62ರಷ್ಟು ಬೆಳವಣಿಗೆ ಕಾಣಲಿದೆ. ಇದು ಭಾರತದ ಜಿಡಿಪಿಯಲ್ಲಿ ಸರಿಸುಮಾರು ಶೇ 4-5 ರಿಂದ 12-13ರಷ್ಟು ಹೆಚ್ಚಳವಾಗಲಿದೆ ಎಂದು ವರದಿ ತಿಳಿಸಿದೆ. 2030ರಲ್ಲಿ 10 ಪ್ರಮುಖ ಗ್ರಾಹಕ ವಲಯಗಳಲ್ಲಿ ಬಳಕೆದಾರರು ಹೆಚ್ಚಿರಲಿದ್ದಾರೆ. ವರದಿ ಅಂದಾಜಿಸುವಂತೆ ಬಿ2ಸಿ ಇ-ಕಾಮರ್ಸ್ ಡಿಜಿಟಲ್ ಸೇವೆಯಲ್ಲಿ ಪ್ರಮುಖ ಸ್ಥಾನದಲ್ಲಿ ಮುಂದುವರೆಯಲಿದ್ದು, 2030ರ ವೇಳೆಗೆ ಇದು 5-6 ಪಟ್ಟು ಹೆಚ್ಚಲಿದೆ. ಅಂದರೆ 350 ಯುಎಸ್ ಡಾಲರ್ನಿಂದ 380 ಬಿಲಿಯನ್ ಡಾಲರ್ಗೆ ಆರ್ಥಿಕತೆ ತಲುಪಲಿದೆ.
ಭಾರತದ ಅಂತರ್ಜಾಲ ಆರ್ಥಿಕತೆ ಗಮನಾರ್ಹ ಸಾಮರ್ಥ್ಯ ಹೊಂದಿದ್ದು, ಇದು ಮುಂದಿನ ದಶಕದಲ್ಲಿ 6 ಪಟ್ಟು ಹೆಚ್ಚಲಿದೆ. ಬಿ2ಸಿ ಇ- ಕಾಮರ್ಸ್ ಡಿಜಿಟಲ್ ಜಿಎಂವಿ ಜೊತೆಗೆ ಶೇ 40ರಷ್ಟು ಹೆಚ್ಚಾಗಲಿದೆ. ಬಿ2ಬಿ ವಲಯ ಮತ್ತು ಸ್ಯಾಸ್ ಕೂಡ ಅಭಿವೃದ್ಧಿ ಕಾಣಲಿದೆ ಎಂದು ಬ್ರೈನ್ ಆ್ಯಂಡ್ ಕಂಪನಿ (ಭಾರತ) ನಿರ್ವಹಣೆ ಭಾಗಿದಾರ ಪರಿಜಾತ್ ಘೋಷ್ ಹೇಳಿದ್ದಾರೆ.
ಭಾರತದಲ್ಲಿ 2030ರ ಸುಮಾರಿಗೆ ಆನ್ಲೈನ್ ಶಾಪರ್ಸ್ಗಳು ಹೆಚ್ಚಲಿದ್ದಾರೆ. ಇವರ ಸಂಖ್ಯೆ ಶೇ 60ರಷ್ಟು ಹೆಚ್ಚಾಗಲಿದೆ. ಪ್ರಸ್ತುತ ಸಣ್ಣ ನಗರದಲ್ಲಿ ಇವರ ಸಂಖ್ಯೆ ನಿಧಾನವಾಗಿ ಏರುಗತಿ ಕಾಣುತ್ತಿದೆ. ಆಫರ್ಗಳು ಮತ್ತು ಲಭ್ಯತೆ ವೈವಿಧ್ಯತೆಯಿಂದ ಡಿ2ಸಿ (ನೇರವಾಗಿ ಗ್ರಾಹಕರಿಗೆ) ಕೂಡ ಹೆಚ್ಚುತ್ತಿದ್ದಾರೆ.
ಇದಕ್ಕಿಂತ ಹೆಚ್ಚಾಗಿ ಆನ್ಲೈನ್ ಪೇಮೆಂಟ್, ಕೊಳ್ಳುವಿಕೆ ಮತ್ತು ಹೂಡಿಕೆ ಅಂತರ್ಜಾಲದ ಆರ್ಥಿಕತೆಯಲ್ಲಿ ಪ್ರಮುಖವಾಗಿದೆ. ಟೈರ್ 2 ಗ್ರಾಹಕರಿಗೆ ಡಿಜಿಟಲ್ ಹಣಕಾಸಿನ ಸೇವೆ ಅವಿಷ್ಕಾರ ಮತ್ತು ಅಳವಡಿಕೆಯಿಂದ ಸಾಲ ಮತ್ತು ಬಂಡವಾಳ ನೀಡಲಾಗುತ್ತಿದೆ.
ಅಂತರ್ಜಾಲ ಆರ್ಥಿಕತೆ ಪ್ರಸ್ತುತ ಇರುವುದಕ್ಕಿಂತ ಹೆಚ್ಚಾಗುತ್ತಿದೆ. ಭಾರತದ 700 ಮಿಲಿಯನ್ ಇಂಟರ್ನೆಟ್ ಬಳಕೆದಾರರು ರಿಯಲ್ ಟೈಮ್ ಡಿಜಿಟಲ್ ಪ್ಲಾಟ್ಫಾರ್ಮ್ಗಳ ಮೂಲಕ ಹಣದ ವಹಿವಾಟು ನಡೆಸುತ್ತಿದ್ದಾರೆ. ಆನ್ಲೈನ್ನಲ್ಲಿ ವಿಡಿಯೋ, ಸಾಮಾಜಿಕ ಜಾಲತಾಣದಲ್ಲಿ ನೋಡುಗರ ಸಮಯ ಹೆಚ್ಚಳ ಕಂಡಿದೆ. 2030 ರ ವೇಳೆಗೆ ಗ್ರಾಹಕರ ಮನೆಗಳ ಆದಾಯ ಕೂಡ ದ್ವಿಗುಣಗೊಳ್ಳಲಿದ್ದು, ಇದು 2.500 ಡಾಲರ್ನಿಂದ 5.500 ಡಾಲರ್ ಆಗುವ ನಿರೀಕ್ಷೆ ಇದೆ.
ಇದನ್ನೂ ಓದಿ: ಡಿಸೆಂಬರ್ಗೆ ಬಿಎಸ್‌ಇ ಸೆನ್ಸೆಕ್ಸ್ 68,500 ಅಂಶಕ್ಕೇರುವ ಸಾಧ್ಯತೆ: ಮಾರ್ಗನ್ ಸ್ಟಾನ್ಲಿ ಅಂದಾಜು
