ಜೀವನಮಟ್ಟ ಏರಿಕೆಯಾದಂತೆ ಶಿಕ್ಷಣ ವ್ಯವಸ್ಥೆಯಲ್ಲಿನ ವೆಚ್ಚಗಳೂ ಏರಿಕೆಯಾಗುತ್ತವೆ. ವರ್ಷದಿಂದ ವರ್ಷಕ್ಕೆ ಕಾಲೇಜು ಮತ್ತು ಉನ್ನತ ಶಿಕ್ಷಣದ ಖರ್ಚುಗಳು ಏರುಗತಿಯಲ್ಲಿಯೇ ಸಾಗುತ್ತಿವೆ. ಮಕ್ಕಳ ಶಿಕ್ಷಣವನ್ನು ಗಮನದಲ್ಲಿರಿಸಿ, ಮುಂಚಿತವಾಗಿಯೇ ಈ ವೆಚ್ಚಗಳನ್ನು ಭರಿಸಲು ಯೋಜನೆ ರೂಪಿಸಬೇಕು. ಮಗು ಕಾಲೇಜು ಶಿಕ್ಷಣಕ್ಕೆ ಬರುವ ಮುನ್ನವೇ ನಡೆಸುವ ಈ ಬುದ್ದಿವಂತಿಕೆಯ ಹೂಡಿಕೆ ಯೋಜನೆಗಳು ಭವಿಷ್ಯತ್ತಿನಲ್ಲಿ ಸಹಾಯ ಮಾಡುತ್ತದೆ. ಇದಕ್ಕಾಗಿ ಕೆಲವು ಹೂಡಿಕೆ ಮಾರ್ಗವನ್ನು ಅರಿತಿರುವುದು ಅವಶ್ಯಕ.
ಚಿನ್ನದ ಮೇಲೆ ಹೂಡಿಕೆ: ಚಿನ್ನ ಅಥವಾ ಬೆಳ್ಳಿಯ ಇಟಿಎಫ್ (ವಿನಿಮಯ ವ್ಯಾಪಾರ ನಿಧಿಗಳು) ತೆಗೆದುಕೊಳ್ಳುವುದರಿಂದ ಭವಿಷ್ಯವನ್ನು ಸುರಕ್ಷಿತವಾಗಿರಿಸಿ. ಗೋಲ್ಡ್ ಮ್ಯೂಚುವಲ್ ಫಂಡ್ಗಳು ಲಭ್ಯವಿವೆ. ಹೂಡಿಕೆ ವಿಷಯದಲ್ಲಿ ಇವು ಸಾಕಷ್ಟು ಪ್ರಯೋಜನ ನೀಡುತ್ತವೆ. ಇದರ ಜೊತೆಗೆ ಬ್ಯಾಲೆನ್ಸ್ಡ್ ಅಡ್ವಾಂಟೇಜ್ ಮತ್ತು ಹೈಬ್ರಿಡ್ ಇಕ್ವಿಟಿ ಫಂಡ್ಗಳನ್ನು ಪರಿಗಣಿಸಬಹುದು. ಇವುಗಳು 8 ವರ್ಷದ ಅವಧಿ ಹೊಂದಿದ್ದು, ಉತ್ತಮ ರಿಟರ್ನ್ಸ್‌ ನೀಡುತ್ತವೆ. ಪ್ರತಿ ತಿಂಗಳು 10 ಸಾವಿರದಂತೆ 8 ವರ್ಷ ಹೂಡಿಕೆ ಮಾಡಿದರೆ, ಶೇ 10ರಷ್ಟು ಆದಾಯದೊಂದಿಗೆ 13,72,300 ರೂ ಪಡೆಯಬಹುದು.
ಹಣದುಬ್ಬರ ಮೀರಿದ ಆದಾಯ ಸಿಗಲಿ: ಅನೇಕ ದಂಪತಿಗಳು ಮಗಳ ಭವಿಷ್ಯಕ್ಕೆ ಹೆಚ್ಚುವರಿ ಸುರಕ್ಷತೆ ನೀಡುತ್ತಾರೆ. ಇದಕ್ಕಾಗಿ ಜೀವ ವಿಮೆ ಮಾಡುತ್ತಾರೆ. ಪ್ರಸ್ತುತ, ಶಿಕ್ಷಣದ ಹಣದುಬ್ಬರ ಹೆಚ್ಚಿದೆ. ಇದು ಭವಿಷ್ಯದಲ್ಲಿ ಇನ್ನೂ ಹೆಚ್ಚಳವಾಗಬಹುದು. ನೀವು ಹೂಡಿಕೆ ಮಾಡಿದ ಹಣ ಶಿಕ್ಷಣದ ಹಣದುಬ್ಬರವನ್ನು ಮೀರಿ ಪ್ರಯೋಜನ ನೀಡುವಂತಿರಲಿ.
ಮುಂದಿನ 15 ವರ್ಷದಲ್ಲಿ ನಿಮ್ಮ ಮಗುವಿನ ಉನ್ನತ ಶಿಕ್ಷಣಕ್ಕೆ ಹಣ ಬೇಕಾಗಬಹುದು. ಈ ಹಿನ್ನೆಲೆಯಲ್ಲಿ ವಿವಿಧ ಈಕ್ವಿಟಿ ಫಂಡ್ನಲ್ಲಿ ಹೂಡಿಕೆ ಮಾಡಬಹುದು. ಇದರಲ್ಲಿ ನಷ್ಟದ ಭಯವಿದ್ದರೂ ಉತ್ತಮ ಆದಾಯ ಪಡೆಯುವ ಸಾಧ್ಯತೆ ಹೆಚ್ಚು. 15 ವರ್ಷಗಳವರೆಗೆ ತಿಂಗಳಿಗೆ 15,000 ರೂ ಹೂಡಿಕೆ ಮಾಡಿದರೆ, ಶೇ 12 ರಷ್ಟು ಆದಾಯದೊಂದಿಗೆ 67,10,348 ರೂಗಳನ್ನು ಪಡೆಯಬಹುದು.
ಲೈಫ್ ಕವರ್, ಎಸ್ಐಪಿ: ಮಾಸಿಕ ವೇತನದ ಆಧಾರದ ಮೇಲೆ 5 ಸಾವಿರದಿಂದ 40 ಸಾವಿರದವರೆಗೆ ಹೂಡಿಕೆ ಮಾಡಬಹುದಾದ ಅನೇಕ ಯೋಜನೆಗಳಿವೆ. ನಿಮ್ಮ ವಾರ್ಷಿಕ ಆದಾಯದ ಮೇಲೆ ಕನಿಷ್ಠ 10-12 ಪಟ್ಟು ಜೀವ ವಿಮಾ ಪಾಲಿಸಿಯನ್ನು ತೆಗೆದುಕೊಳ್ಳಬೇಕು. ಇದು ಕಡಿಮೆ ಪ್ರೀಮಿಯಂನೊಂದಿಗೆ ಹೆಚ್ಚು ಸುರಕ್ಷತೆ ನೀಡುತ್ತದೆ. ಉತ್ತಮ ಪಾವತಿ ಇತಿಹಾಸ ಹೊಂದಿರುವ ಎರಡು ಕಂಪನಿಯಲ್ಲಿ ವಿಮಾ ಪಾಲಿಸಿ ಪಡೆಯಿರಿ. ಇದರ ಜೊತೆಗೆ ವೈಯಕ್ತಿಕ ಅಪಘಾತ ವಿಮೆ ಮತ್ತು ಆರೋಗ್ಯ ವಿಮಾ ಪಾಲಿಸಿ ಇರಲಿ.
ಎಫ್ಡಿ(FD): ನಿಶ್ಚಿತ ಠೇವಣಿ ಹಣದಲ್ಲಿ ಹಿರಿಯ ನಾಗರಿಕರಿಗೆ ಉತ್ತಮ ಲಾಭ ಸಿಗಲಿದೆ. ಶೇ 9ರಷ್ಟು ರಿಟರ್ನ್ ಯೋಜನೆಗಳು ಪ್ರಸ್ತುತ ಲಭ್ಯವಿದೆ. ಕೆಲವು ಬ್ಯಾಂಕುಗಳು ಹಿರಿಯ ನಾಗರಿಕರಿಗೆ ಸ್ಥಿರ ಠೇವಣಿಗಳ ಮೇಲೆ ಶೇ 7.50 ರಷ್ಟು ಬಡ್ಡಿ ನೀಡುತ್ತಿವೆ. ಇದಕ್ಕೆ ಹಿರಿಯ ನಾಗರಿಕರ ಉಳಿತಾಯ ಯೋಜನೆಯನ್ನು ಪರಿಗಣಿಸಬಹುದು. ಇದು 8 ಪ್ರತಿಶತ ಬಡ್ಡಿ ನೀಡುತ್ತದೆ.
ಇದನ್ನೂ ಓದಿ: ಪಾಲಿಸಿ ವಿಚಾರ.. ಎಲ್ಲಾ ವೆಚ್ಚಗಳನ್ನು ಭರಿಸುವಂತಹ ಆರೋಗ್ಯ ವಿಮೆಗೆ ಇರಲಿ ನಿಮ್ಮ ಆದ್ಯತೆ..
