ನವದೆಹಲಿ: ವಾಟ್ಸ್ಆ್ಯಪ್ ತಂತ್ರಾಂಶದಲ್ಲಿ ಭದ್ರತೆ ದೋಷ ಕಂಡುಬಂದಿದ್ದು, ಇದನ್ನು ಪತ್ತೆಹಚ್ಚಿರುವ ವಾಟ್ಸ್ಆ್ಯಪ್, ಬಳಕೆದಾರರಿಗೆ ತಕ್ಷಣವೇ ತಮ್ಮ ವಾಟ್ಸ್ಆ್ಯಪ್ ಅಪ್ಡೆಟ್ ಮಾಡಿಕೊಳ್ಳುವಂತೆ ಎಚ್ಚರಿಸಿದೆ.
ಈಚೆಗೆ ಇಸ್ರೇಲ್ ಮೂಲದ ಎನ್ಸ್ಒ ಎಂಬ ಕಂಪನಿ ಡೇಟಾ ಕಳವು ಬಗ್ಗೆ ವಾಟ್ಸ್ಆ್ಯಪ್ ಸಂಸ್ಥೆಗೆ ಮಾಹಿತಿ ನೀಡಿದೆ. ಕೋಡ್ ಮೂಲಕ ಬರುವ ಒಂದು ಕರೆ (ಸ್ವೀಕರಿಸಿದರೂ ಅಥವಾ ಸ್ವೀಕರಿಸದಿದ್ದರೂ) ಬಳಕೆದಾರರ ಮೊಬೈಲ್ ಅನ್ನು ಹ್ಯಾಕ್ ಮಾಡಲಿದೆ. ಇದರಿಂದ ಬಳಕೆದರನ ಮೊಬೈಲ್ನಲ್ಲಿ ಸಂಗ್ರಹವಾದ ಎಲ್ಲ ಕರೆಯ ದಾಖಲೆ, ಸಂದೇಶ, ಇ-ಮೇಲ್ಗಳು, ಫೋಟೋ, ಆಡಿಯೋ, ವಿಡಿಯೋ, ಸಂಪರ್ಕ ಸಂಖ್ಯೆ, ಮೊಬೈಲ್ ಜೋಡಣೆಯ ಸಾಮಾಜಿಕ ಜಾಲತಾಣಗಳ ಖಾತೆಗಳು... ಹೀಗೆ ಎಲ್ಲ ದಾಖಲೆಗಳನ್ನು ಸೈಬರ್ ಇಂಟೆಲಿಜೆನ್ಸ್ ಕಂಪನಿ ಎನ್ಸ್ಒನಿ ತೆರೆದುಕೊಳ್ಳಲಿದೆ ಎಂದು ತಿಳಿಸಿದೆ.
ಈ ಬಗ್ಗೆ ಎಚ್ಚೆತ್ತುಕೊಂಡ ವಾಟ್ಸ್ಆ್ಯಪ್ ಸಂಸ್ಥೆ ಇದೇ ಮೇ 10ರಂದು ಐಒಎಸ್ ಹಾಗೂ ಆ್ಯಂಡ್ರಾಯ್ಡ್ ಬಳಕೆದಾರರಿಗೆ ಅಪ್ಡೇಟ್ ವರ್ಷನ್ ಬಿಡುಗಡೆ ಮಾಡಿದೆ.
ಹೀಗಾಗಿ, ಆ್ಯಂಡ್ರಾಯ್ಡ್ V2.19.134 ಮತ್ತು ಇದಕ್ಕಿಂತ ಹಿಂದಿನ ಆವೃತ್ತಿ ಹಾಗೂ ಐಫೋನ್ಗಳಲ್ಲಿ ಐಒಎಸ್ v2.19.51. ಮತ್ತು ಹಿಂದಿನ ಆವೃತ್ತಿ, ವಿಂಡೋಸ್ ಪೋನ್ಗಳಲ್ಲಿನ v2.18.348 ಮತ್ತು ಹಿಂದಿನದು, ಟೈಜೆನ್ v2.18.15 ಮತ್ತು ಹಿಂದಿನ ಆವೃತ್ತಿಯ ವಾಟ್ಸ್ಆ್ಯಪ್ ಮೆಸೆಂಜರ್ ಅಪ್ಲಿಕೇಷನ್ ಅನ್ನು ಅಪ್ಡೇಟ್ ಮಾಡಿಕೊಳ್ಳಿ ಎಂದು ಮನವಿ ಮಾಡಿದೆ.
ವಾಟ್ಸ್ಆ್ಯಪ್ ಕನ್ನ ಹಾಕುವ ವಿಚಾರ ಬೆಳಕಿಗೆ ಬರುತ್ತಿದ್ದಂತೆ ಇಸ್ರೇಲ್ ರಾಷ್ಟ್ರೀಯ ಸೈಬರ್ ಭದ್ರತಾ ಪ್ರಾಧಿಕಾರ ಎಚ್ಚೆತ್ತುಕೊಂಡಿದ್ದು, ಹ್ಯಾಕಿಂಗ್ ಜಾಲವನ್ನು ಪತ್ತೆ ಹಚ್ಚಲು ಮುಂದಾಗಿದ್ದಾರೆ.
