ಮುಂಬೈ: ಜಾಗತಿಕ ಷೇರು ಮಾರುಕಟ್ಟೆಗಳಲ್ಲಿ ಮಿಶ್ರ ಪ್ರತಿಕ್ರಿಯೆ ತೋರಿ ಬಂದಿರುವ ಹೊರತಾಗಿಯೂ ಗುರುವಾರದ ವಹಿವಾಟಿನಲ್ಲಿ ಸೆನ್ಸೆಕ್ಸ್ 278 ಅಂಕಗಳ ಜಿಗಿತ ದಾಖಲಿಸಿದೆ.
ಐಟಿ ಮತ್ತು ಹಣಕಾಸು ವಲಯದ ಷೇರುಗಳ ಮೌಲ್ಯದಲ್ಲಿ ಗಮನಾರ್ಹ ಏರಿಕೆ ಕಂಡುಬಂದಿದೆ. ದಿನದ ಅಂತ್ಯಕ್ಕೆ ಮುಂಬೈ ಷೇರು ಸೂಚ್ಯಂಕ ಸೆನ್ಸೆಕ್ಸ್ 278.60 ಅಂಕಗಳ ಏರಿಕೆಯೊಂದಿಗೆ 278.60 ಅಂಶಗಳ ಮಟ್ಟದಲ್ಲೂ ರಾಷ್ಟ್ರೀಯ ಷೇರು ಸೂಚ್ಯಂಕ ನಿಫ್ಟಿ 100.10 ಅಂಕಗಳ ಜಿಗತದೊಂದಿಗೆ 11,257.10 ಅಂಶಗಳಲ್ಲಿ ಆಶಾದಾಯಕವಾಗಿ ಮುಕ್ತಾಯಗೊಳಿಸಿತು.
ಬಜಾಜ್ ಫಿನಾನ್ಸ್, ಟಾಟಾ ಮೋಟರ್‌, ಇನ್ಫೋಸಿಸ್‌, ವೇದಾಂತ, ಒಎನ್‌ಜಿಸಿ, ಪವರ್‌ ಗ್ರಿಡ್‌, ಎನ್‌ಟಿಪಿಸಿ, ಎಕ್ಸಿಸ್‌ ಬ್ಯಾಂಕ್, ಐಸಿಐಸಿಐ ಬ್ಯಾಂಕ್, ಕೋಟಕ್‌ ಬ್ಯಾಂಕ್, ಎಸ್‌ಬಿಐ, ಎಚ್ಡಿಎಫ್ಸಿ ಬ್ಯಾಂಕ್, ಟಾಟಾ ಸ್ಟೀಲ್‌ ಷೇರುಗಳು ಏರಿಕೆ ದಾಖಲಿಸಿದವು.
ಏಷ್ಯಾನ್ ಪೆಯಿಂಟ್ಸ್, ಮಾರುತಿ, ಎಚ್ಡಿಎಫ್ಸಿ, ಎಂ ಆ್ಯಂಡ್ ಎಂ, ಐಟಿಸಿ, ಕೋಲ್ ಇಂಡಿಯಾ, ಇಂಡಸ್ಇಂಡ್ ಬ್ಯಾಂಕ್, ಭಾರ್ತಿ ಏರ್ಟೆಲ್, ಯೆಸ್ ಬ್ಯಾಂಕ್ ಷೇರುಗಳ ಮೌಲ್ಯದಲ್ಲಿ ಇಳಿಕೆ ಕಂಡುಬಂತು.
ಡಾಲರ್‌ ಎದುರು ರೂಪಾಯಿ 27 ಪೈಸೆ ಏರಿಕೆದಾಖಲಿಸಿ ₹ 70.07 ಮಟ್ಟದಲ್ಲಿ ವಹಿವಾಟು ನಿರತವಾಗಿದೆ. ಬ್ರೆಂಟ್‌ ಕಚ್ಚಾ ತೈಲ ಬೆಲೆ ಶೇ 0.56ರ ಏರಿಕೆ ಕಂಡು ಬ್ಯಾರಲ್‌ಗೆ 72.17 ಡಾಲರ್‌ ದರದಲ್ಲಿ ಮಾರಾಟ ಕಂಡಿತು. ವಿದೇಶಿ ಸಾಂಸ್ಥಿಕ ಹೂಡಿಕೆದಾರರು ₹ 1,142.44 ಕೋಟಿ ಮೌಲ್ಯದ ಷೇರುಗಳನ್ನು ಮಾರಾಟ ಮಾಡಿದರೇ ದೇಶಿ ಸಾಂಸ್ಥಿಕ ಹೂಡಿಕೆದಾರರು ₹ 671.77 ಕೋಟಿ ಮೌಲ್ಯದ ಷೇರು ಖರೀಸಿದರು.
