ಮೋದಿ ಸರ್ಕಾರ ಪೆಟ್ರೋಲ್, ಡೀಸೆಲ್ ಮೇಲೆ ಸುಂಕ ಹೆಚ್ಚಿಸಿ ಹಣ ದೋಚುತ್ತಿದೆ: ರಾಹುಲ್​ ಗಾಂಧಿ

ದೆಹಲಿಯ ಆಡಳಿತಗಾರರು ರಾಹುಲ್ ಗಾಂಧಿಗೆ ಭಯಪಡುತ್ತಾರೆ. ಅದಿಲ್ಲದಿದ್ದರೆ, ಗಾಂಧಿ ಕುಟುಂಬವನ್ನು ಅಪಖ್ಯಾತಿಗೊಳಿಸುವ ಅಭಿಯಾನಗಳು ನಡೆಯುತ್ತಿರಲಿಲ್ಲ ಎಂದು ಸಂಪಾದಕೀಯದಲ್ಲಿ ಉಲ್ಲೇಖಿಸಲಾಗಿದೆ.

ನವದೆಹಲಿ: ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆ ಏರಿಕೆಯ ಬಳಿಕ ಕಾಂಗ್ರೆಸ್ ಮಾಜಿ ಅಧ್ಯಕ್ಷ ರಾಹುಲ್ ಗಾಂಧಿ ಅವರು ಮೋದಿ ಸರ್ಕಾರದ ವಿರುದ್ಧ ಹರಿಹಾಯ್ದಿದ್ದಾರೆ.

ಕೇರಳದ ವಯನಾಡ್ ಸಂಸದ ರಾಹುಲ್ ಗಾಂಧಿ ತಮ್ಮ ಅಧಿಕೃತ ಟ್ವಿಟರ್​ನಲ್ಲಿ, ಪೆಟ್ರೋಲ್ ಮತ್ತು ಡೀಸೆಲ್ ಬೆಲೆಯಲ್ಲಿ 'ಅಭಿವೃದ್ಧಿ' ಕಂಡುಬಂದಿದೆ. ಮೋದಿ ಸರ್ಕಾರ ಇಂಧನಕ್ಕೆ ಭಾರಿ ತೆರಿಗೆ ವಿಧಿಸುವ ಮೂಲಕ ಜನರನ್ನು ದೋಚುತ್ತಿದೆ. ಪೆಟ್ರೋಲ್-ಡೀಸೆಲ್ ಮೇಲೆ ಜಿಎಸ್​ಟಿ ಜಾರಿಗೆ ತರಲು ಸರ್ಕಾರ ಸಿದ್ಧವಾಗಿಲ್ಲ ಎಂದು ಹಿಂದಿಯಲ್ಲಿ ಬರೆದುಕೊಂಡಿದ್ದಾರೆ.

ಇದನ್ನೂ ಓದಿ: ನಾಳೆಯಿಂದ ಕೇರಳ ಬಜೆಟ್​ ಅಧಿವೇಶನ: ಪಿಣರಾಯಿ ಸರ್ಕಾರದ ಕೊನೆ ಅಧಿವೇಶನ!

ಪೆಟ್ರೋಲ್ ಮತ್ತು ಡೀಸೆಲ್ ಅನ್ನು ಜಿಎಸ್​ಟಿ ವ್ಯಾಪ್ತಿಗೆ ತರಲು ಕಾಂಗ್ರೆಸ್ ಮೊದಲಿನಿಂದಲೂ ಒತ್ತಾಯಿಸುತ್ತಿದೆ. ಆದರೆ ಸರ್ಕಾರ ಅದನ್ನು ನಿರಾಕರಿಸಿದೆ. ತೈಲ ಕಂಪನಿಗಳು ಕಳೆದ ಎರಡು ದಿನಗಳಿಂದ ಪೆಟ್ರೋಲ್ ಮತ್ತು ಡೀಸೆಲ್​​ನ ಚಿಲ್ಲರೆ ಬೆಲೆ ಹೆಚ್ಚಿಸಿವೆ.

ಕಳೆದ ಎರಡನೇ ದಿನವೂ ಪೆಟ್ರೋಲ್ ಬೆಲೆ ಏರಿಕೆಯಾಗಿದ್ದು, ರಾಷ್ಟ್ರ ರಾಜಧಾನಿಯಲ್ಲಿ ಲೀಟರ್​ ಪೆಟ್ರೋಲ್ ಬೆಲೆ 84.20 ರೂ.ಗೆ ತಲುಪಿದೆ. 2018ರ ಅಕ್ಟೋಬರ್ 4 ರಂದು ಚಿಲ್ಲರೆ ಬೆಲೆ ಲೀಟರ್‌ಗೆ 84 ರೂ. ಆಗಿದ್ದು ಇದುವರೆಗಿನ ಗರಿಷ್ಠ ಏರಿಕೆ ಆಗಿತ್ತು.