ನವದೆಹಲಿ: ಡಿಜಿಟಲ್ ಪಾವತಿಗಳು ಮತ್ತು ಹಣಕಾಸು ಸೇವೆಗಳ ಸಂಸ್ಥೆಯಾದ ಪೇಟಿಎಂ(PAYTM) ಭಾನುವಾರ (ಸೆ.30 ರಂದು ಕೊನೆಗೊಂಡ ಎರಡನೇ ತ್ರೈಮಾಸಿಕದಲ್ಲಿ) ಒಟ್ಟು ವ್ಯಾಪಾರದ ಮೌಲ್ಯದಲ್ಲಿ ಎರಡು ಪಟ್ಟು ಹೆಚ್ಚು ಏರಿಕೆ ದಾಖಲಿಸಿದೆ. ಬಾಂಬೆ ಸ್ಟಾಕ್ ಎಕ್ಸ್ಚೇಂಜ್ (Bombay Stock Exchange -BSE) ನಲ್ಲಿ ಕಂಪನಿಯ ಒಟ್ಟಾರೆ ಮೌಲ್ಯ 1,95,600 ಕೋಟಿ ರೂ ಏರಿಕೆಯಾಗಿದೆ. ಒಂದು ವರ್ಷದ ಹಿಂದೆ ಇದೇ ಅವಧಿಯಲ್ಲಿ ಕಂಪನಿಯ ಮೌಲ್ಯ 94,700 ಕೋಟಿ ರೂ. ದಾಖಲಿಸಿತ್ತು.
ಪೇಟಿಎಂ ಜಿಎಂವಿ (Paytm GMV) ಅದರ ಅಪ್ಲಿಕೇಶನ್‌ನಲ್ಲಿನ ವಹಿವಾಟು ಹಾಗೂ ಪಾವತಿ ಸಾಧನಗಳ ಮೂಲಕ ಒಂದು ಅವಧಿಯಲ್ಲಿ ಮಾಡಿದ ಒಟ್ಟು ಪಾವತಿಗಳ ಮೌಲ್ಯವನ್ನು ಇದು ಸೂಚಿಸುತ್ತದೆ. ಹಣ ವರ್ಗಾವಣೆಯಂತಹ ಗ್ರಾಹಕ ಪಾವತಿ ಸೇವೆಗಳನ್ನು ಹೊರತುಪಡಿಸಿದೆ ಕಂಪನಿ ಮೌಲ್ಯವಾಗಿದೆ.
ಕಂಪನಿ ಅಕ್ಟೋಬರ್‌ನಲ್ಲಿ GMVಯಲ್ಲಿ 131 ಶೇ.ಬೆಳವಣಿಗೆಯನ್ನು 83,200 ಕೋಟಿ ರೂ. ಎಂದು ವರದಿ ಮಾಡಿದೆ. ಕಳೆದ ವರ್ಷದ ಇದೇ ಅವಧಿಯಲ್ಲಿ ದಾಖಲಿಸಿದ 36,000 ಕೋಟಿ ರೂ.ಗಳಿಗೆ ಹೋಲಿಸಿದರೆ ಕಂಪನಿ ಸಲ್ಲಿಸಿದ ಹಣಕಾಸು ಮಾಹಿತಿಗಳ ಪ್ರಕಾರ ಪೇಟಿಎಂ ಪ್ಲಾಟ್‌ಫಾರ್ಮ್‌ನಲ್ಲಿ ಮಾಸಿಕ ವಹಿವಾಟು ನಡೆಸುವ ಬಳಕೆದಾರರು ಜುಲೈ - ಸೆಪ್ಟೆಂಬರ್ 2021 ತ್ರೈಮಾಸಿಕದಲ್ಲಿ 4.3 ಕೋಟಿಯಿಂದ 5.7 ಕೋಟಿಗೆ ಏರಿಕೆ ಆಗಿದ್ದು, ಇದು ಶೇ.33ರಷ್ಟು ಹೆಚ್ಚಳವಾಗಿದೆ.
2020-21ರ ಅನುಗುಣವಾದ ತ್ರೈಮಾಸಿಕದಲ್ಲಿ ದಾಖಲಿಸಿದ 210 ಕೋಟಿ ರೂ.ಗೆ ಹೋಲಿಸಿದರೆ, ಪ್ರಸಕ್ತ ಹಣಕಾಸು ವರ್ಷದ ಎರಡನೇ ತ್ರೈಮಾಸಿಕದಲ್ಲಿ ಪೇಟಿಎಂ ಮೂಲಕ ವಿತರಿಸಲಾದ ಸಾಲಗಳ ಮೌಲ್ಯವು ಸುಮಾರು 500 ಪ್ರತಿಶತದಿಂದ 1,260 ಕೋಟಿ ರೂ.ಗೆ ಏರಿಕೆಯಾಗಿದೆ.
ಮೊದಲ ದಿನದ ವ್ಯವಹಾರದಲ್ಲೇ ನಷ್ಟ ಅನುಭವಿಸಿದ್ದ ಪೇಟಿಎಂ ಷೇರು! ಕಳೆದ ಹಣಕಾಸು ವರ್ಷದಲ್ಲಿ ಇದೇ ಅವಧಿಯಲ್ಲಿ ವಿತರಿಸಲಾದ 120 ಕೋಟಿ ರೂ. ಮೌಲ್ಯದ ಸಾಲಕ್ಕೆ ಹೋಲಿಸಿದರೆ, 2021ರ ಅಕ್ಟೋಬರ್‌ನಲ್ಲಿ 630 ಕೋಟಿ ರೂ.ಗೆ ಸಾಲದ ಮೌಲ್ಯದಲ್ಲಿ 418 ಶೇ ಬೆಳವಣಿಗೆಯನ್ನು ಪೇಟಿಎಂ ವರದಿ ಮಾಡಿದೆ. ಕಳೆದ ವರ್ಷದ ಇದೇ ಅವಧಿಯಲ್ಲಿ 3.49 ಲಕ್ಷದಿಂದ ವರದಿಯಾದ ತ್ರೈಮಾಸಿಕದಲ್ಲಿ ಸಾಲಗಳ ಸಂಖ್ಯೆಯು ಬಹುಪಟ್ಟು 28.41 ಲಕ್ಷಕ್ಕೆ ಏರಿದೆ.
ಪೇಟಿಎಂ ಇತ್ತೀಚೆಗಷ್ಟೇ ಐಪಿಒ ಬಿಡುಗಡೆ ಮಾಡಿತ್ತು. ಐಪಿಒ ಸ್ಟಾಕ್ ಎಕ್ಸೆಂಜ್ನಲ್ಲಿ ಲಿಸ್ಟ್ ಆಗುತ್ತಿದ್ದಂತೆ ಕಂಪನಿ ನಿಗದಿಗೊಳಿಸಿದ್ದ 2150 ರೂ ದರಕ್ಕಿಂತ ಮೊದಲ ದಿನದ ವ್ಯವಹಾರದಲ್ಲೇ ಶೇ 27 ರಷ್ಟು ಕುಸಿತ ಕಂಡು ನಷ್ಟ ಅನುಭವಿಸಿತ್ತು. ಪೇಟಿಎಂ ಐಪಿಒ ಮೂಲಕ ಹೂಡಿಕೆದಾರರಿಂದ 18300 ಕೋಟಿ ರೂ. ಸಂಗ್ರಹಿಸಿಕೊಂಡಿತ್ತು.
ಇದನ್ನೂ ಓದಿ: ಇಂಗ್ಲೆಂಡ್ನಲ್ಲಿ 592 ಕೋಟಿ ರೂ. ಮೌಲ್ಯದ ಬಂಗಲೆ ಖರೀದಿಸಿದ ಮುಖೇಶ್ ಅಂಬಾನಿ.. ಕಾರಣ?
