ನವದೆಹಲಿ: ಎಚ್ಎಂಡಿ ಗ್ಲೋಬಲ್ ಕಂಪನಿಯು ಭಾರತೀಯ ಮಾರುಕಟ್ಟೆಯಲ್ಲಿ ತನ್ನ ಬಹುನಿರೀಕ್ಷಿತ 'ನೋಕಿಯಾ 9 ಪ್ಯೂರ್ವ್ಯೂ'ನ 5 ಕ್ಯಾಮೆರಾ ಹೊಂದಿರುವ ಪ್ರಥಮ ಸ್ಮಾರ್ಟ್ಫೋನ್ ಅನ್ನು ಇಂದು ಬಿಡುಗಡೆ ಮಾಡಿದೆ.
ಭಾರತದಲ್ಲಿನ ಫ್ಲಿಪ್ಕಾರ್ಟ್, ನೋಕಿಯಾ.ಕಾಮ್ ಸೇರಿದಂತೆ ಇತರೆ ಟಾಪ್ ಇ- ಕಾಮರ್ಸ್ಗಳಲ್ಲಿ ಜುಲೈ 17ರ ಮಧ್ಯರಾತ್ರಿಯಿಂದ ಗ್ರಾಹಕರಿಗೆ ಲಭ್ಯವಾಗಲಿದೆ. ಸದ್ಯ ಬ್ಲೂ ವರ್ಣದಲ್ಲಿ ಮಾತ್ರ ಮಾರುಕಟ್ಟೆಗೆ ಬರುತ್ತಿದೆ. ಹಿಂಬದಿಯಲ್ಲಿ 5 ರಿಯರ್‌ ಕ್ಯಾಮೆರಾ ಹೊಂದಿರುವುದು ಇದರ ಪ್ರಮುಖ ಆಕರ್ಷಣೆ ಆಗಿದ್ದು, ಇದರ ದರ ₹ 49,999ಯಲ್ಲಿ ಲಭ್ಯವಿದೆ.
ಪ್ರತಿ ಕ್ಯಾಮೆರಾ 12 ಮೆಗಾ ಫಿಕ್ಸೆಲ್‌ ಸಾಮರ್ಥ್ಯದಲ್ಲಿದ್ದು, ಫೋಟೋಗಳನ್ನು 60ಎಂಪಿ ರೆಸಲ್ಯೂಷನ್‌ನಲ್ಲಿ ಸೆರೆಹಿಡಿಯುತ್ತದೆ. ಇವುಗಳಲ್ಲಿ 3 ಮೊನೋಕ್ರೊಮ್ ಕ್ಯಾಮೆರಾ ಹಾಗೂ 2 ಆರ್ಜಿಬಿ ಕ್ಯಾಮೆರಾ ಹೊಂದಿವೆ. ಜೊತೆಗೆ ಸೆಲ್ಫಿಗೆ 20 ಎಂಪಿ ಕ್ಯಾಮೆರಾ ಒದಗಿಸಲಾಗಿದೆ. ಸ್ನ್ಯಾಪ್‌ಡ್ರಾಗನ್ 845 ಪ್ರೊಸೆಸರ್‌ ಹೊಂದಿದ್ದು, ಬಹುಕಾರ್ಯ ವಿಧಾನಗಳಿಗೆ ಉತ್ತಮ ಬೆಂಬಲ ನೀಡುತ್ತದೆ.
9 ಪ್ಯೂರ್ವ್ಯೂ ಫೋನ್ 5.99 ಇಂಚಿನ ಕ್ವಾಡ್ ಎಚ್‌ಡಿ ಪ್ಲಸ್‌, 2K pOLED ಸ್ಕ್ರೀನ್‌ ಡಿಸ್‌ಪ್ಲೇ ಹೊಂದಿದೆ. 18.5:9 ಅನುಪಾತವಿದ್ದು, ಫಿಂಗರ್‌ಪ್ರಿಂಟ್ ಸೆನ್ಸಾರ್‌ ಆಯ್ಕೆಯ ಜೊತೆಗೆ ಗೊರಿಲ್ಲಾ ಗ್ಲಾಸ್‌ 5ನ ರಕ್ಷಣೆ ಇದಕ್ಕಿದೆ.
ಆಕ್ಟಾ-ಕೋರ್ ಸ್ನ್ಯಾಪ್‌ಡ್ರಾಗನ್ 845 SoC ನಲ್ಲಿ ಕಾರ್ಯನಿರ್ವಹಿಸಲಿದ್ದು, ಮಲ್ಟಿಟಾಸ್ಕ್‌ಗೆ ಸಪೋರ್ಟ್‌ ಆಗಿದೆ. ಆಂಡ್ರಾಯ್ಡ್ 9.0 ಪೈ ಆಪರೇಟಿಂಗ್ ಸಿಸ್ಟಮ್‌ನ ಬೆಂಬಲದ ಜೊತೆಗೆ 6ಜಿಬಿ ರ್ಯಾಮ್ ಸಾಮರ್ಥ್ಯದೊಂದಿಗೆ 128ಜಿಬಿ ಆಂತರಿಕ ಸಂಗ್ರಹವಿದೆ.
